مش قادر اتجاهل الجانب الفلسفى للموضوع و الفرصة للتفلسف :049:......
انسان العصر الحالى اصبح ملول جدا..... كل شئ اصبح بالقرب من اطراف اصابعه..... اتلغت المسافات..... العالم كله اصبح بين يديه...... عايز تعرف اخر الاخبار فى جزر الانتيل الهولندية؟ ضغطة زر بسيطة هتخليك تعرف...... عايز تشرب كوكتيل استوائى من اللى بيعملوه فى تايلاند؟ زيارة بسيطة لهايبر ماركت تخلى قدامك 100 نوع و نوع و تحتار فى الاختيار..... عايز تشوف عجايب الدنيا من غير ما تفارق الكرسى بتاعك؟ عندك ديسكفرى تشانيل..... و هكذا
لم يعد شئ بعيد عن الانسان.... لذلك يتسرب الملل الى نفسه و حواسه بسرعة كبيرة..... انسان العصر الحالى فقد دهشة الاطفال عند رؤية شئ جديد..... تلك الدهشة التى تنعش الروح و تطهر النفس من الملل..... اضف الى هذا روتين الحياة اليومية و ضغوطها و ازمة التطلعات التى جعلت الانسان يفقد احساسه بالرضا و هو رمانة الميزان للاتزان النفسى..... اصبح الانسان فى سعيه للتغيير و التجديد يسعى الى الاكبر و الاقوى و الاحدث..... ظنا منه ان هذا سيحقق له الاشباع النفسى.... لكن هيهات..... الاشباع يتحقق من داخل الانسان و ليس من خارجه.....
حتى على مستوى العربيات..... اللى معاه 27 بيبص للى راكب 28 و اللى معاه 28 بيبص لكبر ال 31 و بتاع ال 31 عايز يجرب الحديث المستعمل و اللى معاه حديث مستعمل عايز زيرو و اللى معاه زيرو كلها سنة و تلاقيه عايز يغير..... و هكذا دايرة جهنمية لا تنتهى ينشغل بها الانسان عن نفسه التى يأكلها الفراغ النفسى و الروحى.....
الموضوع كبر اوى مش كده :eee: