كلاكيت تانى مره (موقف غريب جدا )
السلام عليكم ورحمه الله
البدايه كانت يوم الجمعه نزلت ببص على العربيه لقيت الفرده اليمين نايمه تماما على الارض ..استغربت وقلت مش مشكله افكها واركب الاستبن بطلع الاستبن لقيته لسه جديد ومش عاوز بصراحه انزله على الارض قلت افكها واخدها اروح الحمها بالعربيه التانيه وفعلا طلعت الكوريك ورفعت العربيه وفكت الفرده وروحت لحمتها وطبعا زى محضراتكم عارفين ان الفرده قبل الفك بتفك المسامير وهيه على الارض وبعدين ترفع العربيه على الكوريك وتكمل فك ولما تركب ..تركبها وهيه مرفوعه وبعدين تنزل العربيه وتجمد على المسامير ...اللى حصل معايا انى ركبت الفرده على وهيه مرفوعه على الكوريك وربط المسامير بأيديا ونزلت العربيه ونسيت اربط عليهم بالمفتاح جامد :shyy:
اللى حصل انى انهرده السبت سافرت اسكندريه بالعربيه وكنت بصراحه اول مره فى حياتى امشى على سرعه 60 80 ومعدتش 90 كم مش عارف ايه الهدوء اللى جالى المره الدى كده منين ووانا راجع وفى نص الطريق شكيت وافتكرت انى ممكن مكنش ربط مسامير العربيه وللعلم العربيه معملتش اى حاجه وكنت ماشيه طبيعى جدا بس شكى هو اللى نزلى ابص عليها تانى ولقيت مسمار من المسامير واقع وتلاته مسامير راكبين اتاكد شكى انى مرطبش الفرده جبت المفتاح وربط الفرده وكانت المفاجاه انهم بيربطو وربطو كتير جدا :waaaht: لانى كنت مشبطهم بايدى فقط
:praying: ايه رايكم بقه فى اللى حصل انهرده دا وانا مش عارف اعمل ايه مع ربنا من اللى بيعمله معايا
نجانى مرتين فى اسبوع مره من الحادثه الاولى والمره دى كمان
معلش طولت عليكم بس انا اللى بيحصل معايا دا حاجه غريبه وربنا بيسلم . الحمد لله :hugging::hugging:
