ربنا يعوض عليك
عرض للطباعة
ربنا يعوض عليك
دي لو فردت الكاوتش بينها وبينه تار مش هيغزها 12 غزه كده هههههههههههههههههههههه حسبنا الله ونعم الوكيل
الحمد لله على كل شئ
الغريب انه لما يطلعله عيل فاسد ولا يحصله مصيبه يقول ياربى هوا انا عملت ايه فى دنيتى
عملك اسود يابعيد
ربنا يرحمنا من ولاد الحرام دول
والله صدقت
انا بقى حصل معايا نصب بطريقة اخرى كنت فى رحلة من القاهرة للاسكندرية ومعايا اسرتى والفردة اليمين الامامى انفجرت وانا فى طريقى للاسكندرية والحمد لله غيرت الاستبن ومشيت لحد اسكندرية ونزلت ناحية شارع خالد بن الوليد وركنت السيارة واجرت شقة وطلعت الاولاد وقولت انزل اشوف فردة جديدة عشان وانا راجع مينفعش انزل القاهرة بدون استبن وفعلا روحت لمحل للاسف مش فاكر اسمه واشتريت فردة جديدة وقولت اركب الجديدة واخلى الاستبن زى ماهو واخترت الاغلى عنده الكلام ده من حوالى 3 سنوات وانا راجع القاهرة وبعد حوالى 100كم يعنى كنت فى نصف المسافة تقريبا الاقى العربية عمالة تخبط زى ما اكون ماشى كده على عيون القط وعامت منى عومة وكانت هتنقلب على جنبها والاولاد والمدام صرخوا والحمد لله اتحكمت فيها وكان معانا صديق بسيارته ووقفنا على جنب والاقى الفردة الجديدة كلها بلالاين من كل جنب كان هاين عليا ارجع لابن الحرامية ده واموته ولما رجعت للقاهرة روحت لواحد بتعامل معاه قالى ان الفردة الجديدة منتهية الصلاحية وانى انضحك عليا حسبى الله ونعم الوكيل تخيلوا لو العربية انقلبت ومعايا الاولاد الناس دى مش فاهم بتفكر ازاى
الراجل بتاع البحر الاعظم دة مشهور اوووى و اتكتب عنة فى جرنال الجمعة الىى فاتت بيوقف كمان واحد قبل الاشارة يقولك العجلة نايمة علشان تقف عندة و الكارثة انهم اكتر من بلطجى و محدش عارف يتكلم معاهم و الى يتكلم بيكسروا عربيتة نهاية الموضوع اى انسان يقلك العجلة نايمة متعبروش عاوز تزود هواء روح اى بنزيبنة مفيهاش محل كوتش يكون فيها كمبريسور و شاشة كمبيوتر بس علشان دول معندهمش خوابير اصلا علشان يغرملك العجلة لو عجلتك فيها تنفيس روح لواحد بتاع كوتش تثق فية غير كدا هيتنصب عليك و معلومة اضافية مع ناس بتوع كاوتش بتعامل معاهم الى بيغرم الفردة بالسرعة دة بدون متلاخظ انوا بيكون لابس خاتم و لاحم فية ابرة و بيكون لابسة و الابرة مش هتكون باينة او انوا بيغرد ابررة فى مفتاح البلف و فى لاحظات و هوا بيعمل نفسو بيطبل على الفردة يكون غرم بتاع 10 اخرام و انت بتعدلوا العجل
حسبى الله ونعم الوكيل في الناس دى .....
ربنا سبحانه و تعالى يعوض عليك و قل انا لله وان اليه راجعون بس ممكن 12 خرم دول بدبوس ايرة او برة منجد مش صعبة عليهم و منهم لله و ربنا ينتقم من كل من تسول له نفسه النصب على الناس
حصلت فيا برضة و ربنا ينتقم من كل نصاب
كنت ليسه شارى العربيه وهو موقف عيال قبليه بحوالى 100 متر بيقولو عباره واحده - الكاوتش نايم - وطبعا هو اول واحد بتاع كاوتش والمحل ده اتكسر كذا مره وحسبى الله ونعم الوكيل انت مش اول واحد
حصلت معايا من شهريين فى بنزينه التعاون بصلاح سالم
انا عموما بطلت اقف عند اي واحد بتاع كاوتش و ناوي ان شاء الله اشتري كمبيروسر بتاع تزويد الهوا بتاع العجل حتي البنزينات بطلت ازود فيها اذا كان بتاع الكاوتش بيصلح لكن اذا كان بيزود وبس و معندوش تصليح عادي
الحيوان ده اللى بعد التوحيد والنور عمل معايا نفس الحركة وعمل 7 اخرام والفردة بازت ربنا ينتقم منه عاوزين حل للاشكال دى
و الله بكره هيشوفه هو هيروح من ربنا فين
كانك بتحكي اللي حصل معايا من 3 سنين
ابن تيييييييييييت يقولي العجلة مريحة .. وواحد ابن حرام يقولي الكاوتش فيه 12 خرم
وقال ايه الخرم ب 10 جنية
بعد ما عملها رميتله 50 جنية وسيبته وانا بدعي عليه
حسبنا الله ونعمه الوكيل فيه
انا كنت سمعت انهم بيستخدموا ميه النار في الاخرام دي
يا جماعة
خدو بالكم
اولا انزلا التوفيقية انزل اشترى منفاخ بيشتغل على الولاعة
التيوبلس لما يدخل فى مسمار سيبه مش هيحصل حاجة
و الحمه مكوة اما لو مسمار بورمة فا لابد من الخابوووورعلشان بيكون ضرب سلك من جوة
و الكشف يكون فى حوض المياه مش مياه بصابون بس
قل الحمد لله وقدر الله ما شاء فعل
ولازم كلنا ناخد الحيطة والحذر من الناس اللى نفيش لا دين ولا ضمير عندها
والله كان هيحصل معايا كدة فى مرة كنت بزود الكاوتش وفضلت واقف على ايد الراجل لحد مزهقتو لما خلص تزويد 4 فرد بديلو 2 جنية كان هيضربني قالي 5 جنية يا بيه المهم اديته 5 جنية ومشيت من عندو كاني بجري من حرامي واكتشفت انه سرق غطاء البلف علشان معرفش يعمل عليا شغل
الحمد لله
انت مش اول واحد على فكرة
انا فهمتهم من اول مرة وللاسف بابا كان هو اللي سايق وعشان راجل طيب وعايش برة ماصدقنيش لما قولتله دول بيعملوا كذا و كذا وفي النهاية دفع 120 جنيه في 12 خرم كنت على اخري منه.. هو واحد ابن حرام يقف عند اشارة البحر الاعظم اللي بتدخلك يمين على كوبري العمرانية وكل ما اعدي من هناك ويقوللي العجلة نايمة اشتمه واطلع اجري .. ازاي محدش قادر عليهم ؟؟ انا لو اعرف عزوة ورجالة تخدم كنا عملنا معاهم السليمة هما محتاجين بشر كتير يتكاتروا عليهم يدغدغوهم مادام هما بلطجية بيتحاموا في بعض ويعرفوا يلموا بعض
هوا عمل ايه بالظبط انا مش فاهم ... يعنى هوا اللى خرمهالك 12 خرم ؟؟؟ ازاى هيه تيوبلس ولا شمبر
ياباشا هو معاه زي خشبة فيها مسامير رفيعة وانت مش واخد بالك بيدقها لما بيقوللك هات العجل عليا .. فمسافة ماتروح لعربيتك تكسر العجل يمين عليه يكون دقها جوة الكاوتش .. 12 خرم في الكاوتش والعربية لسة مستلمينها جديد وكانت تاني طلعة بيها وطالعة بعيد عن الدائري والاصلاحات اللي عليه !!
حسبى الله ونعم الوكيل
متهيالى معظم بتوع الكاوتش اللى بيكونو فى بنزينات بيعملوا كده ( والله اعلم )
انا اعرف ان الايجار فى البنزينات بيكون عالى جدا جدا فهو يقلك طب انا هجيب منين يقوم يضطر ( من وجهة نظره ) انه يعمل كده .
هو بيكون معاه زى مفك كده وفى اخره سن رفيع جدا جدا وصلب بيخرم بيه على طول من غير ماتحس وخصوصا لو انت زى حالاتى من النوع اللى مش بينزل من العربية وهو بيزود .
انا كمان حصل معايا الموقف ده بس فى بنزينة موبيل اللى فى باب اللوق وقالى 8 اخرام وانا زى الباشا عملتهم ( كنت لسه اول مرة اشترى عربية وعايش فى دور الفرفرة وانه مش هيضحك عليه ).
لكن حصلت مرة تانية قدامى بس انا كنت بغسل عربيتى فى البنزينة ودخلت عربية شيروكى حديثة وقال لبتاع الكاوتش زود هواء فى الاربع عجلات قام الحمار بتاع الكاوتش عمله اخرام فى الاربع عجلات قام العربية نزل منها حوالى 3 افراد من اللى هما بتوع كمال الاجسام دول وهوب قام لاطش الواد حتة قلم ( طراخ ) شكله كان كده كان فاهم الاعيبهم كويس وطبعا شتيمة وقلة ادب لغاية ما جيه مدير المحطة وجابلو طقم كاوتش جديد على حسابه والا كانو دغدغو له البنزينة باللى فيها ( للاسف محدش بياخد حقه دلوقتى الا بقلة الادب ) .من ساعتها وانا عرفت ان بتوع الكاوتش اللى فى البنزينات معظمهم مبيقيش ربنا .
بيفكرنى بفيلم كركر