تم تغيير الكاوتش الى بريدج استون gr 90 تورانزا وشكر واجب لاخى محمد مصطفى

السلام عليكم


بعد مباحثات كتيره استقريت على كاوتش بريدج استون gr90 تورانزا رحت يوم الخميس غيرته وضبط زوايا ورصصت العجل وغيرت التيل وجبت الاصلى علشان ابق حليت مشكله الفرامل نهائيا وقلت اجرب الحمد لله احساس مختلف نهاشى نسيت انى راكب عربيه مريحه مفيش مشكله العفشه المعروفه قلت بنسبه كبيره جدااااااااااااااااا وفعلا الفرده مريحه جدا وخاصه على السرعات العاليه ملهاش صوت طبعا انا عملت حوالى 100 كيلو بس ودا رقم قليل جداااااااااااااااااااا بس انا قلت انقل التجربه لحد الان



والف شكر لاخى محمد مصطفى لانى عطلته عن شغله وكلمته كتير لحد لما استقريت على النوع ال هغيره

المقاس والسعر لو سمحت

16/55/205

975 اليابانى

انا برضه ركبت الكاوتشه دى من فتره مش كبيره

14/ 65 / 185

كان السعر للفرده حوالى 600 يابانى

ربنا يباركلك فيها ياباشا
برغم السعر العالى للبريدجستون بس ان شاء الله لما هغير هجيبها

اقتباس:

---

المشاركة الأصلية كتبت بواسطة mxz911

انا برضه ركبت الكاوتشه دى من فتره مش كبيره

14/ 65 / 185

كان السعر للفرده حوالى 600 يابانى

---

وايه رايك فيها وفى ادائها هل كويسه معاك ولا فيها مشكله

اقتباس:

---

المشاركة الأصلية كتبت بواسطة wardet

ربنا يباركلك فيها ياباشا
برغم السعر العالى للبريدجستون بس ان شاء الله لما هغير هجيبها

---

ربنا يخليك يا باشا

فعلا البريدج استون ممتاز وفعلا فرق الفلوس بيساوى الجوده بتاعته

مو مش في برضو تورانزا اندونسي
واعتقد ان سعره ارخص .......... بس مش عارف اداؤه عامل ازاي
انا جربت الانونيسي في نقشات تانية زي b250 و my02 وكويسين جدا بردو

والف مبروك يا باشا

اقتباس:

---

المشاركة الأصلية كتبت بواسطة abdulhafeez

مو مش في برضو تورانزا اندونسي
واعتقد ان سعره ارخص .......... بس مش عارف اداؤه عامل ازاي
انا جربت الانونيسي في نقشات تانية زي b250 و my02 وكويسين جدا بردو

والف مبروك يا باشا

---

فيه منها اندونيسى او تيوانى مش فاكر وفعلا ارخص بس مش كتير بس انا فضلت اليابانى

الف مبروك يا باشا ..

ألف مبروك .... هو فعلا ده انسب حاجه للسيراتو

اقتباس:

---

المشاركة الأصلية كتبت بواسطة احمد المصرى

السلام عليكم


بعد مباحثات كتيره استقريت على كاوتش بريدج استون gr90 تورانزا رحت يوم الخميس غيرته وضبط زوايا ورصصت العجل وغيرت التيل وجبت الاصلى علشان ابق حليت مشكله الفرامل نهائيا وقلت اجرب الحمد لله احساس مختلف نهاشى نسيت انى راكب عربيه مريحه مفيش مشكله العفشه المعروفه قلت بنسبه كبيره جدااااااااااااااااا وفعلا الفرده مريحه جدا وخاصه على السرعات العاليه ملهاش صوت طبعا انا عملت حوالى 100 كيلو بس ودا رقم قليل جداااااااااااااااااااا بس انا قلت انقل التجربه لحد الان



والف شكر لاخى محمد مصطفى لانى عطلته عن شغله وكلمته كتير لحد لما استقريت على النوع ال هغيره

---

الف مبروك . اختيار ممتاز و ان شاء الله تنبسط بيه

الف مبرروك يا استاذ احمد وشكرا لنقل التجربة

الف الف مبروك يا كبير
و معلش اعزرنى معرفتش اكلمك تانى لان رزقت ببنت تقريبا فى نفس اليوم ليلا .
انا اسف جدا جدا والله
و تحت امرك فى اى شى ء يا كبير

شكرا لنقل التجربة وبينى وبينك انت اخترت الشخص المناسب لان محمد خبير فى الكاوتشات

اقتباس:

---

المشاركة الأصلية كتبت بواسطة moha4tec

الف الف مبروك يا كبير
و معلش اعزرنى معرفتش اكلمك تانى لان رزقت ببنت تقريبا فى نفس اليوم ليلا .
انا اسف جدا جدا والله
و تحت امرك فى اى شى ء يا كبير

---

الله يبارك فيك يا باشا والحمد لله ان وشى كان حلو عليك .... والف شكر على النصيحه

اقتباس:

---

المشاركة الأصلية كتبت بواسطة ابو ليلى

شكرا لنقل التجربة وبينى وبينك انت اخترت الشخص المناسب لان محمد خبير فى الكاوتشات

---

دا من فضل ربنا يا باشا وانا كنت هتصل بيك ان شاء الله قريبا نتقابل ونفسى اتعرف بشخص محترم ذيك

أنا ناوى أغير لنفس المقاس 205/55 r16 و اخترت بريدجستون
قدامى نوعين ال gr90 ب 1000 جنيه يابانى فردة طرية و ناعمة و مالهاش صوت
و ال my02 ب 780 جنيه أندونيسى فردة فرامل و ثبات و غرز
يعنى الفرق حوالى 1000 جنيه فى الأربع كاوتشات
هو التوكيل بيقول إن ال my02 تعديل لل my01 و أهدى منه فى الصوت بس مش زى ال gr90
يا ريت لو حد جرب ال my02 يقولى هل هى فعلا هادية و لّا صوتها عالى
شكرا

طيب انا معايا سيراتو جنت 17 اركب بردجستون بردو 215-45 ولا 225-45 ، وهل فيه منه بردجستون ؟ ولا مش حلاقي ؟؟

أنا رأيى خليك فى المقاس بتاع عربيتك و متغيروش
و إن شاء الله تلاقى المقاس ده فى بريدجستون

متعرفوووش الـ 15 يابانى بكام تقريبا

195/65 r15

مبروك .. بالنسبة للتيل الاصلى كلفك كام؟

المره الجايه باذن الله هغير ل 225/45/17 او 235/40/17

طيب هل في حد مركب 17-225-45 هنا يقلنا ايه الاخبار معاه ، يعني حلو مثلا بيعمل بلالين ولا لا بيستحمل طري ولا ناشف رياضي ولا الترا سيلنت كدة يعني

الف مبروك انا فعلا قريت على النوع ده هنا فى المنتدى وشاكرين فيه كتير
يجعل الله مشاوير الكاوتش ده كلها فى الخير

يا جماعه الكلام النهائى بما يرضى الله
مقاس الكوتش حسب متطلباتك
1- عاوز شد و حرق و جرى و عاوز طلعة العربيه تبقى احسن .او عاوز توفر فى البنزين حاجه بسيطه اوى خليك فى المقاس 215/45/17
2- بتخاف من البلالين و العربيه ناشفه و عاوزها تبقى انعم .يبقى 215/50/17
3-عاوز ثبات و فرامل اعلى حاجه بسيطه يبقى 225/45/17 او 225/40/18 المقاسات دى اتجربت و مبتحكش و مفيش منها مشاكل .
و الله اعلم
محدش يركب اى كوتش 235 على اى جنط سواء 17 او 18 لانه غالبا هيحك و الفرد هتتقطع من شفة الرفرف كنت عند ارابكم امبارح و قالى ان واحد ركب مقاس 235/40/18 و هما نصحوه انه غلط و لكنه ركب دماغه و ركبهم برا .رجعلهم بعد اسبوع الفرد متقطعه كلها
.و الله اعلم

لو حد عاوز يركب 235 لازم يفتح الرفرف عند السمكرى عشان ميقطعش الكوتش و مياثرش على سلامة العربيه

اقتباس:

---

المشاركة الأصلية كتبت بواسطة eidthe4th

أنا ناوى أغير لنفس المقاس 205/55 r16 و اخترت بريدجستون
قدامى نوعين ال gr90 ب 1000 جنيه يابانى فردة طرية و ناعمة و مالهاش صوت
و ال my02 ب 780 جنيه أندونيسى فردة فرامل و ثبات و غرز
يعنى الفرق حوالى 1000 جنيه فى الأربع كاوتشات
هو التوكيل بيقول إن ال my02 تعديل لل my01 و أهدى منه فى الصوت بس مش زى ال gr90
يا ريت لو حد جرب ال my02 يقولى هل هى فعلا هادية و لّا صوتها عالى
شكرا

---

أنا ركبت عندى 4 فرد جداد بريدجستون gr-90 و كنت مركبها علشان اللى سمعته عنها و نعومتها و إن مالهاش صوت مع إن كان قدامى بردو بردجستون ال my-02 أو كونتيننتال زى اللى كان راكب معايا الأول
للأسف بعد ما ركبت الأربع فرد مالقتش اللى كنت متوقعه و اللى كنت بسمعه من توكيل بردجستون أو من بعض الأعضاء هنا فى المنتدى
هى فعلا طرية و مريحة لكن الصوت عالى حتى أعلى من الكونتيننتال الsport و ده مضايقنى جدا و مش عارف أعمل إيه
مع إنهم بيصنفوا الموديل ده اللى هو ال turanzagr-90 على إنه super silent
أنا أنصح بالبريدجستون ال my-02 وهى أفضل كمان فى الملفات و الفرامل و الثبات

اقتباس:

---

المشاركة الأصلية كتبت بواسطة eidthe4th

أنا ركبت عندى 4 فرد جداد بريدجستون gr-90 و كنت مركبها علشان اللى سمعته عنها و نعومتها و إن مالهاش صوت مع إن كان قدامى بردو بردجستون ال my-02 أو كونتيننتال زى اللى كان راكب معايا الأول
للأسف بعد ما ركبت الأربع فرد مالقتش اللى كنت متوقعه و اللى كنت بسمعه من توكيل بردجستون أو من بعض الأعضاء هنا فى المنتدى
هى فعلا طرية و مريحة لكن الصوت عالى حتى أعلى من الكونتيننتال الsport و ده مضايقنى جدا و مش عارف أعمل إيه
مع إنهم بيصنفوا الموديل ده اللى هو ال turanzagr-90 على إنه super silent
أنا أنصح بالبريدجستون ال my-02 وهى أفضل كمان فى الملفات و الفرامل و الثبات

---

انت كلامك صح جدا فى ال انت بتقوله بس برضوا اختلف معاك واوضحلك ليه بختلف معاك


انا مركب تورنزا gr 90 واول لما ركبتها كان صوتها عادى جدا او اقل من العادى بس برضوا مش سوبر صايلنت ولكن مع الاستخدام تاكد انها بتكون سوبر صايلنت حسب طبيعه الاسفلت بمعنى لما بمشى على اسفلت نظيف فعلا ملهاش اى صوت اطلاقا اطلاقا ولكن لما بمشى على اسفلت خشن وطبعا دا الطبيعى فى مصر بيكون ليها صوت بس للامانه ادائها فى الفرامل ممتاز معايا

اقتباس:

---

المشاركة الأصلية كتبت بواسطة احمد المصرى

انت كلامك صح جدا فى ال انت بتقوله بس برضوا اختلف معاك واوضحلك ليه بختلف معاك


انا مركب تورنزا gr 90 واول لما ركبتها كان صوتها عادى جدا او اقل من العادى بس برضوا مش سوبر صايلنت ولكن مع الاستخدام تاكد انها بتكون سوبر صايلنت حسب طبيعه الاسفلت بمعنى لما بمشى على اسفلت نظيف فعلا ملهاش اى صوت اطلاقا اطلاقا ولكن لما بمشى على اسفلت خشن وطبعا دا الطبيعى فى مصر بيكون ليها صوت بس للامانه ادائها فى الفرامل ممتاز معايا

---

يا فندم أنا فاهم النقطة دى كويس علشان كده لما بقارن الكاوتش القديم بالجديد بيكون مع تثبيت نفس ظروف التشغيل يعنى نفس الطريق ( سواء الأسفلت ناعم أو خشن ) و على سرعات مختلفة

أنا مضايق جدا لأنى قعدت أدرس فى موضوع الكاوتش ده كتير و أنزل ال data sheet بتاع كل نوع و الموديلات المختلفة فى نفس الماركة و أكلم التوكيلات و أصحاب الخبرة و فى الآخر يطلع صوته عالى كده

أنا مش عارف أروح التوكيل ولا حماية المستهلك و لا أعمل إيه

اقتباس:

---

المشاركة الأصلية كتبت بواسطة eidthe4th

يا فندم أنا فاهم النقطة دى كويس علشان كده لما بقارن الكاوتش القديم بالجديد بيكون مع تثبيت نفس ظروف التشغيل يعنى نفس الطريق ( سواء الأسفلت ناعم أو خشن ) و على سرعات مختلفة

أنا مضايق جدا لأنى قعدت أدرس فى موضوع الكاوتش ده كتير و أنزل ال data sheet بتاع كل نوع و الموديلات المختلفة فى نفس الماركة و أكلم التوكيلات و أصحاب الخبرة و فى الآخر يطلع صوته عالى كده

أنا مش عارف أروح التوكيل ولا حماية المستهلك و لا أعمل إيه

---

على فكره انا بتكلم من واقع تجربتى لانى مركبه عندى وانا شخصيا مرتاح جدا معاه وصوته معايا كويس جدااااااااااااااااااااااا اااااااااااااااااا ممكن يكون عندك عيب اخر فى العربيه هو ال بيعمل الصوت ذى مثلا بلى العجل لو بايظ هيعمل صوت هواء جامد وممكن انت تفتكره من الكاوتش

اقتباس:

---

المشاركة الأصلية كتبت بواسطة eidthe4th

يا فندم أنا فاهم النقطة دى كويس علشان كده لما بقارن الكاوتش القديم بالجديد بيكون مع تثبيت نفس ظروف التشغيل يعنى نفس الطريق ( سواء الأسفلت ناعم أو خشن ) و على سرعات مختلفة

أنا مضايق جدا لأنى قعدت أدرس فى موضوع الكاوتش ده كتير و أنزل ال data sheet بتاع كل نوع و الموديلات المختلفة فى نفس الماركة و أكلم التوكيلات و أصحاب الخبرة و فى الآخر يطلع صوته عالى كده

أنا مش عارف أروح التوكيل ولا حماية المستهلك و لا أعمل إيه

---

معلش حضرتك جبت الداتا شيت بتاع احدث الاسعار منين ؟؟

اقتباس:

---

المشاركة الأصلية كتبت بواسطة eidthe4th

يا فندم أنا فاهم النقطة دى كويس علشان كده لما بقارن الكاوتش القديم بالجديد بيكون مع تثبيت نفس ظروف التشغيل يعنى نفس الطريق ( سواء الأسفلت ناعم أو خشن ) و على سرعات مختلفة

أنا مضايق جدا لأنى قعدت أدرس فى موضوع الكاوتش ده كتير و أنزل ال data sheet بتاع كل نوع و الموديلات المختلفة فى نفس الماركة و أكلم التوكيلات و أصحاب الخبرة و فى الآخر يطلع صوته عالى كده

أنا مش عارف أروح التوكيل ولا حماية المستهلك و لا أعمل إيه

---

هو حضرتك جربت ال my02 و لقيتها كويسه فعلا . و احسن من ال gr90
لانها اصلا فرده سبور و المفروض انها نشفه و صوتها اعلى من ال gr 90
يا ريت شوية توضيح و تفاصيل

ممكن يكون تاريخ صلاحية الكوتش قديمه و الكوتش مش متخزن كويس يعنى

اقتباس:

---

المشاركة الأصلية كتبت بواسطة moha4tec

هو حضرتك جربت ال my02 و لقيتها كويسه فعلا . و احسن من ال gr90
لانها اصلا فرده سبور و المفروض انها نشفه و صوتها اعلى من ال gr 90
يا ريت شوية توضيح و تفاصيل

---

لأ أنا ما جربتش ال my-02 بس أنا أقصد إن أهم ميزة فى ال gr-90 واللى أنا مشتريها علشانها مش موجودة ..... يبقى كنت جبت ال my-02 sport style و أستفيد بمميزاتها - فرامل و ثبات و ملفات - و طبعا فرق السعر و صوتها بيتهيئلى مش هيبقى أعلى من اللى بسمعه فى ال gr-90 و إلا ساعتها بريدجستون المفروض تتخصص فى كاوتشلت الجرارات الزراعية هيبقى حلو على أدها.....

اقتباس:

---

المشاركة الأصلية كتبت بواسطة moha4tec

هو حضرتك جربت ال my02 و لقيتها كويسه فعلا . و احسن من ال gr90
لانها اصلا فرده سبور و المفروض انها نشفه و صوتها اعلى من ال gr 90
يا ريت شوية توضيح و تفاصيل

---

لأ أنا ما جربتش ال my-02 بس أنا أقصد إن أهم ميزة فى ال gr-90 واللى أنا مشتريها علشانها مش موجودة ..... يبقى كنت جبت ال my-02 sport style و أستفيد بمميزاتها - فرامل و ثبات و ملفات - و طبعا فرق السعر و صوتها بيتهيئلى مش هيبقى أعلى من اللى بسمعه فى ال gr-90 و إلا ساعتها بريدجستون المفروض تتخصص فى كاوتشات الجرارات الزراعية هيبقى حلو على أدها.....

اقتباس:

---

المشاركة الأصلية كتبت بواسطة moha4tec

ممكن يكون تاريخ صلاحية الكوتش قديمه و الكوتش مش متخزن كويس يعنى

---

تاريخ الصنع الأسبوع الثالث 2013

انا شخصيا لما حولت من كومهو لبريدج استون عرفت قيمه البريدج استون وعرفت قيمه الغالى ثمنه فه وبريدج استون من اكبر الشركات المصنعه للاطارات على مستوى العالم