-
قدامي شهر أشتريهااااا ؟؟
بسم الله الرحمن الرحيم
السلام عليكم ورحمة الله وبركاته
يجماعة انا قدامي لحد بعد العيد وبأذن الله هشتري عربية جديدة
انا عجباني الجراند بونتو ال 5 ابواب ( 4 المقصورة + 1 الشنطة )
العربية في المصرية 1400 سي سي 95 حصان
ياريت يجماعة ونتم هنا بيت الفيات
حد يساعدني عشان انا عايز كل معلومة عنها وياريت ياريت بالصور كمان
من اول المفتاح للأنتيرور والاكسترور ونازلة هنا فمصر ازاي
يعني لما اروح اشتري ايه اللي هلاقيه قدامي
ايه المواصافات اللي هلاقيها قدامي وهل اللون الاسود منها موجود هنا فمصر عشان سمعت انه مش هنا
ياريت يجماعه حد يخلصني من الحوار دا انا
عشان الحق اقنع والدي بيها
ياترى هلاقي الرد اللي مستني
ف شارع عصابة الفيات ولا ايه :confused:
انا شوفت موضوع برضو عنها هنا بس ملقتوش كافي ياريت محدش يمسح الموضوع وحد يرد عليا
الأخ الفاضل: رجاء عدم استخدام اللون الأحمر حيث انه مخصص لاستخدامات الادارة-نرجو منكم التفضل بمراجعة قواعد وقوانين المنتدى
-
-
اهلا بيك يا ميدو باشا .... انا لسه شايف موضوعك دلوقتى .
انا حاسس انك متردد , و عاوز حد يشجعك على شراء الجراند بونتو .
انا حقولهالك و حريحك " اشتريها "http://www.nilemotors.net/Nile/images/icons/icon7.gif.... موضوع 95 حصان ده مش مظبوط .... انا كنت شوفت جراند بونتو فى معرض اخبار اليوم وكانت تربو 120 حصان .... لكن 95 حصان ديه من خيال المصريه للافتكاسات ...... هى 77 حصان .
العربيه بجد وهميه .... و مبهره جدا و الجلوس فيها متعه و تحسسك انها سابقه عصرها ب 5 سنين على الاقل . و الخامات المستخدمه فيها فوق الممتازه ...غير ان فيها ABS & ABS + AIRBAGS
موضوع ال 77 حصان مش مشكله ولا حاجه فى ظل ظروف القياده العاديه .. بل انها ميزه فى ظل ارتفاع اسعار البنزين ...... يبقى فين المشكله .
ووقت ما تحب تجرى حتجرى... انتا مش راكب عربيه 800 سىسى
انا قبل ما اشترى الواجا كنت احموت واشتريها .... ومكانش فارق معايا موضوع الموتور ده نهائى ... بس ساعتها فرقت معانا على 10 الاف جنيه .
توكل على الله و هاتها طلاما انها عاجباك .
-
بالنسبه للصور ....ادخل على موقع ده
WWW.ITALIASPEED.COM
و ادخل على نيو مودلز و حتلاقى كل موديلات فيات و الفاروميو و لانشيا و فيرارى .......... كل السيارات الايطاليه ...., و حتلاقى صور كتييييييييييييير للجراند بونتو و جميع مواصفاتها ....
بالنسبه للالوان المتوافره ... و اللون الاسود .. انا شوفتها كذا مره فى اللون الاسود .. يعنى اكيد متوافر .
بس نصيحه روح توكيل اوماترا و اتفرج على العربيه على الطبيعه .... و خد منهم بروشور برده حتلاقى فيه المواصفات الفنيه و الالوان المتوافره .
-
بص قرار شراء السيارة دايما بنقول عليه "زواج حب" لا "زواج عقل",
عشان كده لو انت حابب العربية اشتريها فورا, مادام هى مفيهاش عيوب قاتلة,
متخافش العروسة من عيلة محترمة جدا اسمها فيات و ليها تاريخ مشرف, العروسة من عيلة مشهورة بالتقدم التكنولوجى و الابتكار و الاداء الرياضى و الثبات و المحركات العصبية.
مش هتلاقى احسن منها اعتمادية و الأداء و كل شىء, ده طبعا غير جمالها الباهر.
يعنى أداء و جمال و عيلة محترمة عاوز ايه تانى؟
اتوكل على الله و كلنا هنباركلك لما تجيبها:).
-
ربنا يكرمكم يرجالة بس انا مش موجود فمصر دلوقتي عشان كدا انا محتاج للمعلومات دي ان حد يجبهالي علشان انا مش موجود
-
بص هتلاقى فيديوهات العربية فى الموقع الرسمى بتاعها :
www.fiatpunto.com
فيها العربية من جوه و بره و امكانياتها و كل حاجة.
-
بص لو مش فارق معاك موضوع ال 77 حصان دة ( هية مش 95 ) يبقى توكل على الله والله انا كنت حشتريها لولا الموضوع بتاع 77 حصان دة لأنة فارق معايا بصراحة
-
العربية جميلة و لو عايز تزود القدرة الحصانية هتعمل شوية شغل بس بعد انتهاء الضمان بقي يعني اكزوزت سيسيتم يخليها 87 حصان و فلتر هوا سبور و بوجيهات سبليت فاير و سلوك تخليها 97 حصان ده لو انت عايز تجري اكتر يعني...
انما العربية عموما حلوة ما عدا داخل العربية لانه مصنع بالكامل من البلاستيك
-
العربية جميلة جدا
وانا ان شاء الله هجيبها
وكنت قلقان من موضوع ال77 حصان دة بس كل الناس قالت انه مش وحش اوي يعني
Content Relevant URLs by
vBSEO 3.6.0 PL2