بفكر اشتري بريليانس v5 و انا شوف العربية جميلة و تقفلها حلو
هل اجيبها و هتعيش معايا ولا بلاش و انا هجبها قسط و خايف تتعطل بسرعة مني ....
ارجو الافادة من اللي جاب العربية دي ضروري
عرض للطباعة
بفكر اشتري بريليانس v5 و انا شوف العربية جميلة و تقفلها حلو
هل اجيبها و هتعيش معايا ولا بلاش و انا هجبها قسط و خايف تتعطل بسرعة مني ....
ارجو الافادة من اللي جاب العربية دي ضروري
توكل على اللة بعد الاستخارة العربة 17000كم زى الفل مع ان اسلوب سواقتى صعب شوية وممرمطة ويوميا سفر وطرق زى الزفت وشد وغرز لضيق الوقت والحمدللة ماكسفتنيش وماظهرش اى عيوب انا خلاص شهر وادخل على صيانة العشرين والحمدللة والحمدللة اختيارى كان صح والعربية انتشرت لدرجة جارى جاب نفس اللون وبصراحة بقيت مضايق هههههههههه ربنا يبارك للكل يارب يكفينى اقولك 5 من جيرانى معاهم العربية دلوقتى فى حتتى بالبلدى كدة زى مابيقولوا ودة شىء كويس فى فترة قليلة بالصراحة
بالتوفيق ان شاء الله
بما ان الرجاله ردت على الموضوع وده كان سؤالى
فى ناس بتقولى بلاش تحط 150 الف فى عربيه صينى مع انك ممكن تجيب بيهم يابانى
ايه رأيكم فى المقوله دى
أخى الكريم
أول شئ ربنا يوفقك فى اختيار الأصلح ليك ومتنساش تصلى استخارة
ثانى شئ بردك سؤالك وجيه جدا 150 ألف جنيه مبلغ كبير
العربيه فعلا رائعه هيا مش معايا بس اللى عرفته عنها انها رائعه تقفيل رائع امكانيات عاليه العربيه كتاريخ لبريليانس عربيه اكيد ممتازة
بس سؤالك فعلا محورى جدا اللى معاه 150 ألف جنيه يشترى عربيه يجيب ايه معلش سامحنى ودى وجهات نظر:
1- لازم ادرس البدائل المتاحه كويس جدا بالنسبة للعربيات الزيرو لأن الزيرو ليه طعم تانى ومريح على الأقل 5 سنوات .
2- ندرس كويس اختيارى من ناحيه قطع الغيار والإنتشار والضمان والتوكيل .
3- نشوف فى نفس الرينج ده ممكن اشترى عربيه كسر زيرو فئه اعلى بنفس السعر وانا معلش حديك اختيار وليكن انا اللى مكانك أوكتافيا مثلا واعتقد حتبقى نقلة نوعيه.
اعتقد ممكن نكون كده حطينا ادينا على اللى ممكن نشتريه وهل هو ملائم أو لا
اخيرا انا آسف على الإطالة
واتمنالك التوفيق
ومتنساش الإستخارة...
استفسار السياره اخبار التسارع بتاعها ايه يعني تقيله زي التيجو ولا تسارعها معقول زي الكورولا 2013 ولا تسارع ممتاز زي الالنترا مثلا وهل ممكن متوسط استهلاك البنزين لو ماشي علي سرعه 120
اخوانا بقه اللى معاهم العربيه
عاوزين رد ؟؟؟
وشكرا
انا تفرجت على العربيه فى المعرض بجد تحفه والخامات والتقفيل افضل كمان من الأوبترا اللى معايا
بس اللى محتاجينه من ملاكها
تسارعها اخباره ايه ؟
اقصى سرعه كام ؟
اخبار ثباتها ايه ؟ ( بعد ال 140 قبل كده كل العربيات ثابته )
ايه مميزاتها ؟
وايه عيوبها ؟؟