عايز فيرنا تقسيط منين ساعدوني ..

**mohamed_88sk** · 28-06-2007 06:21 PM

إذا سمحتم .. أنا محمد من الإسكندرية عاوز أشتري فيرنا تقسيط مش عارف إيه أنظمة التقسيط ومنين والأستلام بعد إيه .. والمصرية للسيارات حاسس إنهم بيسرحو بالناس بحكاية الجرايد ديه على طول يقولو ده كان عرض وخلص .. ياريت تفيدوني وخصوصا عن المصرية تقسيطهم إزاي ؟

متشكر ليكم .. وأرجو الأفاده ..

**mohamed_88sk** · 28-06-2007 06:39 PM

أسف مرة تانية طلب أخر مرتبط بالأول .. ياريت تفهموني إيه الموديلات اللي نازلة من الفيرنا وإيه نظامها وتقسيطها برضو إزاي ........ شكرا وهل الفيرنا أفضل ولا الانوس .....وتقسيط الانوس إزاي ..

**mostafabakry** · 28-06-2007 11:04 PM

انا بضم صوتي للأستاذ محمد و نفسي اعرف افضل الأماكن بتقسط
و نفسي لو حد اتعامل مع بنك ناصر في موضوع قرض الشسيارة يشرح لنا نظام التقسيسط في بنك ناصر كام فايدتخ و مقدمه و ضماناته

شكرا :)

**fahd_628** · 28-06-2007 11:35 PM

إيه الموديلات اللي نازلة من الفيرنا

فية دلوقتى تقفيل هندى و دة الشكل الأقدم من المصرى و دية 1500 سى سى تكييف و باور و بتقريبا 63 الف

فية 1600 تجميع مصرى و دية فل اوبشن ب 66500 الف و دية مانيوال

و حكاية التقسيط دية مقدرش افيدك

**mohamed_88sk** · 29-06-2007 12:02 AM

تمام يا أستاذ فهد .. طيب في رأيك المصري أحسن يعني ولا الهندي ؟؟
والمصري اللي نازل منها 1600 بس ؟ ولا 1500 كمان ؟ والمانيوال لل 1600 كام ؟

وشكرا على الأفاده

وربنا يكرمنا يا أستاذ مصطفى بكري ونعطر في تقسيط محترم ..

**fahd_628** · 29-06-2007 12:13 AM

طيب في رأيك المصري أحسن يعني ولا الهندي ؟؟

لا المصرى احسن اقولك لية !

الفيرنات كلها اكسنت تمام !

الهندى دية الشكل القديم للأكسنت و دة كان لغاية موديل 2001 كدة تقريبا

المصرى دة الشكل الى قبل النيو اكسنت فا المصى احدث

المصرى منتشرة جدا فا حتلاقيلها حاجاتها برة التوكيل لكن الهندى مش حتلاقيلها حاجاتها برة التوكيل

و الى نعرفة احسن من الى منعرفوش

والمصري اللي نازل منها 1600 بس ؟ ولا 1500 كمان

كان بينزل منها 1500 قبل ما تنزل الهندى بس دلوقتى المصرى بقى 1600 بس

بس متهيألى ممكن تلاقى عند المعارض 1500 يعنى كان مخزون

والمانيوال لل 1600 كام ؟

المانيوال لل 1600 ب 66500 الف
اوتوماتيك 1600 ب 73990 الف

و شكرا

**mohamed_88sk** · 29-06-2007 12:26 AM

أنا شاكر لحضرتك جدا على مساعدتك وسرعة تعقيبك على أسألتي ... أسف جدا على التأخير في الرد .......

**fahd_628** · 29-06-2007 03:35 AM

أنا شاكر لحضرتك جدا على مساعدتك وسرعة تعقيبك على أسألتي ... أسف جدا على التأخير في الرد .......

لأ متقولش كدة انت تؤمر

و ربنا يوفقك فى الأختيار

**mohamed_88sk** · 29-06-2007 07:50 PM

الله يباركلك وبجد شكرا لحضرتك ..

لأ متقولش كدة انت تؤمر

يا سيدي الله يخليك لا أمر ولا حاجه إحنا إخوان في الله وأني أحبك في الله ... :)

**temoo_110** · 02-07-2007 01:52 PM

السلام عليكم ازيك يا محمد معاك اخوك تامر من الاسكندرية
انا بردوه زيك فى نفس الموضوع بدور على فيرنا تقسيط
اولا مفيش فيرنا هندى لغاية دلوقتى لسه منزلتش ومحدش استلمها ومحدش يعرف عنها حاجة من الاخر
اما سعر المصرى فا فيه منها 1500 نص كمليات ودى بتعمل 63000 وفيه منها 1600 كاملة ودى بتعمل 66900
اما بالنسبة لموضوع التقسيط ده فا فى قدامك سكتين ياما ستى بنك او بنك بركليز
ودول شغالين مع اغلب المعارض فى الاسكندرية
ولو عاوز صالة محترمة فى وكيل هيونداى اسمه رمسيس فى الابراهمية شارع ابو قير وانا روحتلو وحسيت انهم ناس محترمة جدا وهما شغالين مع كل البنوك
وموضوع البنوك ده اولا لازم تكون موظف او عندك سجل تجارى او بطاقة ضريبية والمقدم هيكون من اول 10000 جنيه
واقصى مدة للتقسيط هو 5 سنوات
اما بقه عن موضوع الفايدة دى بتختلف شرايح بين كل شخص والاخر حسب دخلوه وعملوه
وانا بخلص مع سيتى بنك بس لسه ناقصنى شوية ورق بخلصوه وانشاء الله اجيبها لو عاوز رقم مندوب البنك اللى هخلص معاه قولى وانا اكتبهولك هو ولد محترم جدا وهيحاول يساعدك كتير
وياريت اكون افتدك

الموضوع: عايز فيرنا تقسيط منين ساعدوني ..

LinkBack

أدوات الموضوع

عرض

-

-

-

-

-

-

-

-

المواضيع المتشابهه

تقسيط فيرنا

سيد المعلمين يدلنى اشترى السيراتو الكوبية تقسيط منين

عايز أشتري ياريس تقسيط ...منين؟؟

ساعدوني: شركات تقسيط السيارات؟

الكلمات الدلالية لهذا الموضوع

المفضلات

المفضلات

ضوابط المشاركة