لو لقيت بنت مولوده عمرها يوم ولسه مرميه فى الشارع تعمل ايه ؟؟
تروح فين وتيجى منين بدون مسئوليه عليك ؟؟
لو لقيت بنت مولوده عمرها يوم ولسه مرميه فى الشارع تعمل ايه ؟؟
تروح فين وتيجى منين بدون مسئوليه عليك ؟؟
ممكن تتصل بجمعية رسالة وهما يقولولك تعمل ايه
خاصة انهم بيرعو ايتام
اولا حاخده البيت اديه للحجة علشان هى حتعرف تتصرف و ياكل وياخد شاور وحسلمه فى القسم
علشان لو اتمسكت بيه حيتعملك قضية اتجار بالبشر او حتلبس قضية شبيهة
بس مين بيعمل كدة الايام دى فى حد لسة بيرمى عيال؟ فى حد يرمى النعمة !!!
كلم اى دار او جمعية بتكفل ايتام
أولاً بتعمل محضر في القسم - ودي في الحالتين :-
إذا أردت الإحتفاظ به أو لأ
وهما بدورهم بيسلموه لإحدى دور الأيتام بأسم مستعار لتقفيل المحضر
ومن دار الأيتام إليك إن أرد الإحتفاظ به
أنا عرفت الكلام دا لأن الموضوع دا حصل لنا زمان
والطفل كان متجمع حواليه النمل وأحمر من كتر قرص النمل
وماما أصرت أنها ( لأنها طفلة ) تبقى معنا لتربيتها
وحمتها ووضعت مرهم لجسمها وغيرت لها ملابسها
وأرضعتها بلبن كتبه لها طبيب
وبابا أخدها وراح بها القسم - وعمل محضر ، وعرف باق الخطوات من القسم
وبالصدفة كان في القسم أحد الأشخاص رأي والد الطفلة وهو يرميها فخاف أن يحدث مشكلة فلم يعلق عليه وتابعه بس بعد رمي الطفلة وعرف منطقته ، وذهب للقسم للإبلاغ عنه .
حسبي الله ونعم الوكيل في كل أم أو أب يصلح خطأه بخطأ أكبر منه
وإزاي يجي لهم قلب وضمير
حسبي الله ونعم الوكيل
تحافظ على الطفل وتشيله من على الأرض وتتصل بالبوليس
والبوليس بيعمل محضر بالواقعه وبيتسلم إلى دار أيتام
فيه بجوار بيتى دار أيتام متخصصه للأطفال من سن يوم إلى سن 3 سنوات
لأنهم بيحتاجو رعايه خاصه
دى مش دار أيتام دى جنه ربنا واللى فيها ملايكه
انا بكتب الكلام ده ومش عارف أمسك دموعى
أنا وأولادى بنروح هناك كتير وخاصه فى الأعياد
دول ملايكه موجوده بينا ودول طريقنا للجنه ومرافقه الرسول
أسألو أى حد ربنا حرمه من هذه النعمه
لا حول ولا قوه الا بالله دي ثمار الخطيئه وطبعا ترتب عليها خطيه اكبر وهي رمي الطفل او اجهاضه فعلا لا توجد خطيه عاقره وانما لابد ان تترتب علي الخطيه خطايا اخري وربما تكون اكبر واشد منها شناعه ربنا يرحم بس
انا محل فى مجال الاتصالات ودخل عليا ناس كانو عايزين رقم القسم الى احنا تابعين ليه عشان لقو طفله صغير بدم الخلاص ملفوفه بقماشه ومرميه جنب الطريق ومفيش اى حد عايز يروح بيها القسم عشان مايلبسش اسود الحكومه وماادراك ما الحكومه
انا نصحته يروح النيابه يبلغ وواحد تانى نصحه يتصل بالنجده وده الى تم فعلا والنجده بعتت اشاره للقسم الى احنا تابعين ليه بسرعة التحرك عشان ياخدو الطفله من الشارع
ياجماعه مكنش فيه اى حد عايز يحركها من مكانها وسايبنها تموت من العياط لسه جايه الدنيا وبتقول اه
شايفين النظام الادارى الحكومى الغلط مخوف الناس ازاى من اى عمل خير او ايجابى
لنا الله
وحسبى الله ونعم الوكيل فى من تسمى امها او من يسمى ابوها
انت صدمتنى ان الموضوع بجد حسبنا الله ونعم الوكيل فى اللى عمل كدة .. النعمة حتزول من وشه
ومش بس النظام الحكومى الفاشل سبب فى تاخير انقاذ المولودة
لكن السبب الرئيسي ان مافيش حد عنده شوية انسانية والرحمة انتزعت من قلوب الناس
والمصيبة ان محدش فكر فى اجر ربنا على سعيه فى انقاذ انسان