عرض للطباعة
زى ما وضحت فى العنوان انا محتار جدا اجيب الكريستالة 99 ولا الرينوه 2005-2006
الاتنين اوتماتك والسعر متقارب للغاية
ده اول عربية اجيبها وقريت مواضيع كتير عن العربيتين وفعلا محتار
مع العلم برضه انى من النوع المحافظ يعنى سواء جبت كريستالة او ميجان هحافظ عليها
بس عاوز حاجة تستحمل برضه السفر الكتير بسبب عملى
يا ريت الاعضاء هنا ينصحونى اختار ايه
والف شكر مقدما :)
متابع
فين خبرائنا الكباااااااااار
طبعا مافيش وجه للمقارنة
الميجان تكنولوجيا اعلى بكتير من الكريستالة
امان -ثبات- فرامل -هاندلينج
الميزة الوحيدة اللى فى اللانسر
هو رخص قطع الغيار فقط لاغير
الكلام المتداول بيقول ان اللانسر اعتماديتها اعلى , لكن فرق الموديل هنا متهيأ لي هيقود ان اعتمادية الاتنين واحدة
لكن اللانسر الكريستالة ابسط طبعا , في حين ان الميجان مش اي حد يشتغل فيها , لازم الصنايعي بتاعها و ان كان بالنسبة لحد ساكن في القاهرة و عضو في المنتدى هنا هاتبقى العملية اسهل كتير
اعادة البيع و انتشار قطع الغيار لصالح اللانسر غالبا , اسعارها مش عارف
لو هانتكلم على الركوبة فالميجان افضل بكتير , في رأيي من البومة كمان (عدا التسارع)
كثبات و كراحة و ككماليات و كاتساع داخلي و الشنطة ورا
كفخامة و خامات
و اظن كفرامل و كتحكم كمان افضل
المهم ان اللي يجيب ميجان في العموم يدقق اوي في ان حالتها تبقى تمام , و الا هو الخسران
طب مدام سفر كتير ما تفكر فالتويوتا
مع ان الميجان كويسة مدام الحالة نظيفة ..