مساعده بخصوص ترخيص نوبيرا هتفك حظر قريب

**karimbow1** · 24-03-2013 05:58 PM

السلام عليكم ورحمة الله
كان ليا سؤالين يا ريت يا جماعه اللي عنده فكره ينصحني
الاول: قدامي نوبيرا وان استيراد هتفك حظر كمان 3 شهور سؤالي هل في اي اجراءات زيارد غير اجراءات البيع العاديه او ورق ممكن يتطلب زياده وانا بنقل وبرخص وايه اللي لازم اسال عليه صاحبها وانا بشتريها
التاني: العربيه اوتوماتك فهل الاوتو فيها اعتمادي وكويس ولا أعطاله متكرره وصعبه

العربيه مواصفات اوروبي موديل 99 ياريت يا اخوانا اللي يعرف ينصحني أعمل ايه وجزاكم الله كل خير

**moko_2004** · 24-03-2013 10:34 PM

رأيي تستني لما تفك الحظر و تنقلها مباشرة على ملكيتك
بالنسبة للفتيس الأوتو بتاع النوبيرا مش قوى و العربية بتبقى علية زي البطة البلدي مش عاوزة تجري و استهلاكة في البنزين اعلى شويتين من المانيوال
من ناحية العمر الأفتراضي و الأعطال و قطع الغيار
العمر الأفتراضي بيعيش لو بتحافظ علية وبتغيرلة زيت كل فترة
الأعطال حسب الأستخدام بس العربية معايا من 6 سنين معملتش اي مشاكل من ناحية الفتيس الأوتو
قطع الغيار رخيص موت الفتيس كلة بحالة ميكملش الف جنية