انا مشترك في وادي دجله من اربع سنين اول ما فتح فرع التجمع
وكان رقم اشتراكي ١٠٦٢٥ واحفظوا الرقم كويس
بصراحه اول سنتين كانك مشترك في نادي بره مصر الدنيا رايقه و اخر نضافه و مستوى الناس على الفرازه
هوب اتجننوا و بقوا يدخلوا كل من هب و دب و مستوى الناس ساعات تحس انك في ساحه شعبيه و زحام مميت و في الاجازات ممكن تركن عند اكاديمية الشرطه على بعد كيلو من النادي و اعتقد ان عدد العضويات عدى بالراحه ١٢٠ الف عضويه لدرجة ان لما فتح الشيراتون ولا كان حاجه حصلت لدرجة لما عزمنا ناس اصحابنا على الغدا قعدنا ساعه و نص و الاكل ما جاش و مشينا و كانت فضيحه و زي ما يكون صاحب النادي كان شغال في مصنع سردين
الانشطه الرياضيه حدث و لا حرج لو ناوي تدخل الاولاد اي نشاط مدرسة كوره او تنس اعمل حسابك على بيع هدومك و مستوى التدريب زفت لدرجة ان الاولاد لما بتنزل اهيف بطوله بتبقى فضيحه بجلاجل كاءن ريال مدريد بيلاعب مركز شباب الحبانيه و طبعا عشان هدفهم ينفضوا جيبك مش انه يعمل مستوى عالي يمثل النادي