ولما عرفوا كدا .. عملوا معاك ايه !
----------------------
الموضوع ده يا جماعة لكيفية التعامل مع كل مراكز الخدمة .. مش مركز معين
واتمنى الجميع يستفاد منه
وشاكر مروركم
تحياتى للجميع
افهم من كده ان نيسان معترفه بالمشكلة طيب ليه نتكلمش العملاء وتوجههم على اقرب مركز خدمة لتغيير صاجة التيل والكشف على الطنابير ... ده فيه مراكز خدمة في الضياع مش عارفين اصلا ان العربية فيها مشكله وعيب في صاجة التل انا رحت ناشونال موتورز اسيوط وقلتلهم على المشكلة بتاعت التيل والصاجة وكان رد المهندس انوا لو كان فيه عيب كانت نيسان بلغتنا دي شركة كبيره !!!!!! بس هما معندهمش خبر بأي حاجة ... طيب ايه الحل وانا مش هعرف اسافر 400 كيلوا ذهاب فقط الى اوتو ايجبت ويا غيرت ياما يقولي مش موجوده وتعالالنا في وقت تاني وتبدأ المشاويييير ... طيب ايه الحل ؟؟؟؟؟
انا كان عندى مشكلة صوت التصفير فى العجل الامامى و الخلفى و فعلا حليت مشكلة الصاجة الخلفية فى اتوا ايجيبت و الصوت اختفى تماما لكن التصفير و الاحتكاك قدام زى ما هوا رحت اتوا ايجيبت امبارح ودة التقرير
http://imageshack.us/photo/my-images...407110734.jpg/
بداية شفة و ريجة بالطنابير الامامية اتوا ايجبت مبتضمنش التيل و الطنابير المصنع هوا المسؤال !!!!
يعني من الاخر نيسان واوتو ايجبت لبسونا احنا والعربية في الحيط .... حسبي الله ونعم الوكيل
عاوزين حل !!!!!!!!!!!!!!!!!!!!!!!
المفروض دلوقتى انى استحمل صوت التصفير و استنى لما التيل يخلص و اروح اغير تيل و طنابير على حسابى فعلا توكيل محترم و حاصل على المركز الاول فى ارضاء العميل على مستوى الكرة الارضية او انى اجرى و راى شكاوى نيسان علشان يرضوى عنى و اصعب عليهم زى الحلات الكتير الى غيروا تيل و طنابير ارضاء عميل و لما اجى اغير التيل يعطفوا عليا بطنابير و كل دة لانى دفعت 112 الف فى عربية جديدة علشان ارتاح طبعا اتوا ايجيبت هتقول احنا بنفترى عليهم احنا كويسن و بعمل عروض و فى عندنا ايجبيات كتيرر احنا مقلناش حاجة تانية فعلا اتوا ايجيبت افضل من غيرة بكتير بس المفروض زى ما حليتوا موضوع صاجة التيل مع المصنع الى انت وكلاء لية و احنا ملناش اصلا اى حق للتعامل معاة كعملاء انكوا تتصرفوا و بسررررررررعة و و تشوفوا حل مع المصنع و تغيوا نوع التيل الزفت الهندى الى الجولد الى بخمسين جنية انضف منة 100 مرة و تغيرولنا التيل و الطنابير الى المصنع السبب فى بوظنها و عيب اوووى لما تتحجيجوا و تقولوا المصنع هوا السبب احنا مجرد وكلاء لن احنا مجرد عملاءءءءء ملناش علاقة بالكلام دة انا المهم عندى التيل ميصفرش و الطنابير تكون سليمة لانى دافع فلوس فى عربية جديدة و ليها ضمان انتوا الى اتعقتوا معايا علية مش المصنع
السلام عليكم ورحمه الله
بالفعل مفيش حد بينكر مشكله التيل الرديئ لنيسان صنى ٢٠١٣
انا نفسى عانيت من المشكله والحمد لله غيرت التيل الامامي مجانا فى الضمان
بالرغم من ان صوت صفاره التيل بيعصب الواحد بس اعتقد فى مرونه فى التوكيلات فى تغيير التيل مجانا وفى حالات كتيره زي محضرتك قولت
وبرغم ايجابيات وكلاء ومراكز خدمه نيسان فان اي مشكله تقوم بمحو تاريخ من الخدمه المميزه لنيسان ووكلائها
نيجي بقى للحل الى حضرتك معقده خالص ومتعالي فى تنفيذه
حضرتك عندك حق فى ان مينفعش ان التيل والطنابير يتلفو بعد الف او ٥الاف كم
وطبعا فى اي مكان التيل والطنابير خارج الضمان
ولكن نحن هنا فى مشكله اسثنائيه ان تلف التيل والطنابير هو عيب صناعه وليس اجزاء استهلاكيه خارج الضمان
وعلشان تحل مشكله حضرتك ياما تروح تكلم اوتوايجيبت انك متمسك بتغيرهم فى الضمان بناء على الكلام الى قلته لحضرتك انه ده عيب صناعه لان التيل بيصفر وحضرتك لسه عامل ٥ الاف كم
يااما ترفع شكوي لنيسان ايجيبت بتوضح ليهم انك من اول استلام السياره وهي بتصفر وطبعا لما يردو عليك بانهم خارج الضمان تفهمهم انها عيب صناعه وليس سوء استخدام لاجزاء استهلاكيه خارج الضمان
ومتابع حضرتك للمستحدثات الوضع
شكرا لرد حضرتك بس بخصوص (معقده خالص ومتعالي فى تنفيذه )
انا اتصلت بنيسان مرتين و قلتلهم عاوز اعلم شكوى بلغونى انهم هيتصلوا بيا و محدش اتصل انا و لا معقدة و متعالى فى تنفيذة انا عملت كل الى حضرتك قلتة قبل كدا حولت مع المهندس مكنش عندة غير حل واحد انى استنا لما التيل الى بيصفر و استحمل تصفيرة يخلص و تكون الطنابير باظت و اغير التيل على حسابى و نبعت شكوى ساعتها للمصنع ان الطنابير محتاجة تغير على الضمان او انى اتصل بنيسان و دة حصل و محدش لسا اتصل بيا