لسة دلوقت قريت خبر تخفيض 25% على جمارك السيارات
عرض للطباعة
لسة دلوقت قريت خبر تخفيض 25% على جمارك السيارات
فين دة؟
قريته برضو .. بس محتاجين حد يفهمنا ولا هو بالبساطة دي يعني الاسعار هتقل 25 % مثلا ؟ تبقي بشرة خير :)
مش منطقى , هى الحكومة عارفة تسد عجز الموازنة علشان تستغنى عن جزء من الايرادات !
شمل قرار الرئيس محمد مرسى رقم 184 لسنة 2013 بتعديل التعريفة الجمركية، قراراً هاما، بتخفيض ضريبة الوارد المقررة على السيارات بنسبة 25%، وذلك بالنسبة للسيارات التى تعمل بالبنزين وكذلك بالغاز الطبيعى.
ونص القرار أيضا على تخفيض ضريبة الوارد على المنتجات النهائية التى يتم تصنيعها فى المصانع المصرية، بنسبة 110% من نسبة التصنيع المحلى، إذا بلغت نسبة التصنيع المحلى من 30 إلى 40%، وتخفيض الضريبة 115% من نسبة التصنيع المحلى إذا كانت النسبة حتى 60%، وتخفيض الضريبة 120% إذا بلغت النسبة أكثر من 60%.
كما نص القرار على إنشاء مجلس أعلى للتعريفة الجمركية برئاسة وزير المالية وعضوية الوزراء الذين يصدر بتحديدهم قرار من رئيس الوزراء، يختص ببحث واقتراح التعديلات الملائمة للتعريفة الجمركية، وتطوير النظم الخاصة بها، بما يتلاءم مع المتغيرات الاقتصادية، كما ذكرت قناة الجزيرة.
وتضمن أن يكون للمجلس أمانة فنية تابعة لوزير المالية يرأسها أحد شاغلى وظائف الإدارة العليا من الدرجة الممتازة، يصدر باختياره قرار من رئيس الوزراء بناء على ترشيح وزير المالية.
انا مش فاهم حاجه
يعني ايه تخفيض 115% ولا 120%
هيدوا فلوس للاوكيلات اللي بتجمع كمان ولا ايه!!!
اصلا ازاي هيشيلوا الجمارك و هما عمالين يفلسوا في الشعب وعمالين يقولوا مافيش فلوس في البلد
انا اقولكوا هيعملوا ايه و يصيعوا علينا شكلهم
التخفيض شكلوا هيتعمل علي العربيات اللي فوق 2000 سي سي
والعربيات ديه مش هتكون عليها اي نوع من الدعم في البنزين او السولار
فا اللي معاه فلوس هيشتري حاجات عاليه و تكتر العربيات اللي فوق 2000 سي سي
وهما بقي يكسبوا من البنزين اللي هيكون من غير دعم علي العربيات ديه
وبكده يكونوا كسبوا اكثر مع التخفيض لان العربيات ديه مش بتتباع كثير فا مش هيفرق 25% مقابل زياده البنزين معاه
هي الحدايه بتحدف كتاكيت!!!!
او يمكن يعوض بان يرفع ضريبة المبيعات
على السيارات التى تعمل بالغاز الطبيعى والكهرباء (طبقا للقرار المنشور فى الوفد)
اعتقد ده للعربيات اللي بتتجمع في مصر بس عشان يشجع التجميع المصري
القرار على العربيات اللي بالبنزين والغاز ، وتقريبا التخفيض هايشمل 20 توكيل سيارات في مصر، وتم رفع قيمة جمارك الأشياء الفارهة والكماليات زي المكسرات والجمبري والكافيار :)
دا اللي سمعته في نشرة nile news
خبر حلو
هى العربيات الى بلغاز ستوك تبقى وحشه؟ او تبقى كهرباء او هايبريد
على الاقل الى بيستخدم عربيه فى المدينة مش بيتحرك اكتر من 100 كيلو يشترى عربيه هايبرد او كهربائيه
هو في عربيات غاز ستوك في مصر؟
التخفيض على السيارات التى تعمل بالغاز او الكهرباء فقط ....* انما عاوز اعرف ايه العربية اللى بتستخدم الكهرباء متكنش عربية الملاهى(العربة الطائشة) ؟؟؟؟؟؟؟
التخفيض على السيارات التى تعمل بالغاز او السيارات الهجين فقط
انما سيارات الكهرباء فتم اعفائها بالكامل
جزء كبير علي منتج مجاش لسه !