انا شايف ان مافيش عربية بتنزل مصر بنفس كمالياتها برة نهائي
يعني كل العربيات اللى انا ركبتها برة وركبت زيها هنا لاقيت فرق رهيب جدا في الأوبشنز بتاعتها وحتى في جودة الخامات في بعض العربيات
ده كان زمان ايام ماكنت عايش برة
دلوقتي بقى الملاحظ ان كل ماركب عربية جاية من بورسعيد مستعمل وارد أوروبا أو كوريا أو أمريكا بلاحظ الفرق نفسه برضه بين العربية اللى جاية من بورسعيد وبين حتى العربية اللى في مصر حتى لو ماكانتش متجمعة محلى ... زي اللانسر ودي اللى باينة فيها قوي والميراج اللى جاية من أمريكا واللانسر اللى جاية من الخليج
نيجي للمتجمع محلى ... هما بيستخدموا خامات محلية بتشكل نسبة من 30 - 40 - 50 % من العربية حسب شروط التعاقد وممكن توصل لـ 70 - 80 % كمان وطبعا الخامات دي لو حطيناها جنب ضمير اللى بينتج العربيات دي في مصر يبقى النتيجة الحتمية انها خامات رديئة ورخيصة وبيحسبها على العميل غالية عشان كده العربيات المجمعة محليا بتكون أرخص كتير من اللى جاية من برة بس الوكيل بيبيعها يدوب أرخص بحاجة بسيطة جدا ان مكانش مساوي للى جاي من برة والفرق طبعا في جيبه
المفضلات