ما هي أحسن وسيلة لتنظيف التكييف؟

**the_air_devil** · 25-03-2013 09:03 AM

بسم الله الرحمن الرحيم

التكييف بقاله فترة وريحته مش طبيعية , الريحة دي بدأت تطلع من ساعة ما ركبت فلتر التكييف , المهم اني شلت الفلتر خلاص .... راحت الريحة فترة صغيرة وبعدها رجعت تاني

كنت شفت من فترة موضوع كان بيشوي كاتب فيه طريقة باستخدام الديتول , ونظراً لأني من أصحاب حساسية الصدر فأعتقد ان الموضوع ده غير وارد إطلاقاً لأني مش هاتحمل ريحة الديتول

سؤالي هنا: هل تنظيف التكييف محتاج اروح التوكيل ؟ ( طلبت منهم ينضفوه وكالعادة ماحدش عمل أي حاجة تماماً)

كنت شفت في الهايبر ماركت سائل مكتوب عليه انه مخصوص لتنظيف التكييف... هل سبق وحد جربه وطلع انه فعال؟

علماً بأني مش هانضف طبعاً فتحات خروج الهواء ... انا هارش على مكان فلتر التكييف ....

فياريت لو حد عنده خبرة وعلم بالموضوع وجرب قبل كدة يفيدنا , ويبقى ربنا يكرمه كتير

**Ahmed_Ramadan** · 25-03-2013 09:40 AM

متابع

**AhmedNaeem** · 25-03-2013 09:43 AM

مسمعتش قبل كده عن تنظيف دورة التكييف
علي العموم متابع

**Land_Cruiser** · 25-03-2013 09:55 AM

في منظف لدوره التكييف فعلا و هو بيقتل البكتريا اللي بتعمل الرائحه دي و بيبقي علي شكل بخاخ صغير و النوع اللي انا جربته كان كويس من سوناكس بيبقي مكتوب علي العلبه بتاعته طريقه الاستخدام و هو عموما بيتوجه ناحيه فتحات التكييف و بتبقي قافل الزجاج و حضرتك بتطلع بره العربيه ٣ او ٤ دقائق و هو بمجرد ما بتدوس علي البخاخه بيشتغل لوحده و زي ما قلت التعليمات بتبقي مكتوبه و مرسومه علي العلبه. انا فاكر كان فيه منه انواع تانيه زي ليكي مولي كمان بس مش منتشر قوي و هتلاقي السوناكس ده بيتباع في البنزينات الكبيره و عند بتوع اكسسوارات العربيات كمان

**the_air_devil** · 25-03-2013 10:02 AM

المشاركة الأصلية كتبت بواسطة land_cruiser

في منظف لدوره التكييف فعلا و هو بيقتل البكتريا اللي بتعمل الرائحه دي و بيبقي علي شكل بخاخ صغير و النوع اللي انا جربته كان كويس من سوناكس بيبقي مكتوب علي العلبه بتاعته طريقه الاستخدام و هو عموما بيتوجه ناحيه فتحات التكييف و بتبقي قافل الزجاج و حضرتك بتطلع بره العربيه ٣ او ٤ دقائق و هو بمجرد ما بتدوس علي البخاخه بيشتغل لوحده و زي ما قلت التعليمات بتبقي مكتوبه و مرسومه علي العلبه. انا فاكر كان فيه منه انواع تانيه زي ليكي مولي كمان بس مش منتشر قوي و هتلاقي السوناكس ده بيتباع في البنزينات الكبيره و عند بتوع اكسسوارات العربيات كمان

ربنا يبارك فيك ويكرمك , بالفعل النوع اللي شفته كان سوناكس , وكان استفساري هو فعلاً فعال ولا لأ وحضرتك وضحتلي انه فعال .... بس الرش بيكون على فتحات التكييف بالرغم من ان الريحة مصدرها الرئيسي تحت عند فتحات السحب والفلتر؟؟

**Land_Cruiser** · 25-03-2013 11:30 AM

المشاركة الأصلية كتبت بواسطة the_air_devil

ربنا يبارك فيك ويكرمك , بالفعل النوع اللي شفته كان سوناكس , وكان استفساري هو فعلاً فعال ولا لأ وحضرتك وضحتلي انه فعال .... بس الرش بيكون على فتحات التكييف بالرغم من ان الريحة مصدرها الرئيسي تحت عند فتحات السحب والفلتر؟؟

هو بيدخل يا فندم من فتحات التكييف و منها لدوره التبريد كلها لانه المنظف عباره عن غاز فبينتشر و بيقتل البكتريا اللي بتتكون نتيجه الجو الرطب اللي داخل التكييف

**the_air_devil** · 25-03-2013 03:36 PM

المشاركة الأصلية كتبت بواسطة land_cruiser

هو بيدخل يا فندم من فتحات التكييف و منها لدوره التبريد كلها لانه المنظف عباره عن غاز فبينتشر و بيقتل البكتريا اللي بتتكون نتيجه الجو الرطب اللي داخل التكييف

بارك الله فيك على التوضيح

**HaNo_ELBeh** · 25-03-2013 09:48 AM

انا كمان متابع
بس عايز اعرف ازاى انظف التكيف بالديتول
تحياتى..

**the_air_devil** · 25-03-2013 10:00 AM

المشاركة الأصلية كتبت بواسطة hanyfarag

انا كمان متابع
بس عايز اعرف ازاى انظف التكيف بالديتول
تحياتى..

الطريقة دي كانت انك ترش ديتول الاخضر على أطراف الدواسات اللي فوق واللي بتبقى تحت فتحات سحب هواء التكييف .... تشغل التكييف على أسخن درجة تدفئة وأعلى سرعة مروحة , وتطلع طبعاً برة العربية لمدة عشر دقايق .... وبالتالي الهواء هايتسحب سخن ومليان ديتول وهايعقم - نظرياً - دورة الهواء جوة ... فعلياً بيشوي شكر في العملية دي وأعتقد كام واحد تانيين على ما أتذكر

ياريت يا بيشوي لو تحكي تجربتك