اعلان قانون المرور الجديد جامد اوى

**MoToRiZeR** · 07-08-2008 04:35 AM

المشاركة الأصلية كتبت بواسطة bosyfadl

بص هاقولك

هو ممكن جدا يكون زي حمله قانون الضرايب كده

يعني في الاول تنويه مبدأي كده و بعدين يبتدو يكملو بقيه الحمله

و في كل اعلان قانون او اتنين

و الله ممكن

و ياريت لو يقولو الغرامات بقي كمان يا سلالالالالالالالالالالالا لالالالالام

هتشفي بجددددددددددددددددددددددد

ههههههههههه

و الله كل شيء ممكن

ده المفروض فعلاَ .. بس تفتكري هيعملوا كدة ؟ مش عارف .. أصل خلاص القانون ابتدي يتطبق

المفروض ميكتفوش بعرض الحالة كجهة جكومية بتتطبق القانون .. لأن الطريقة اللي كل واحد بيشوف بيها نفسه مختلفة .. يعني مش لازم اللي يشوف نفسه في الإعلان يتكسف علي دمه ممكن واحد ياخدها بطريقة "هههههههههه ايوة انا بعمل كدة فعلا "

عشان كدة الحملة المفروض تبين إن اللي بيعملوا كدة و فاكرين ان محدش هيحاسبهم و فاكرين الشارع بتاعهم يعملوا اللي عايزينوا و عادي و مفيهاش حاجة .. لأ القانون الجديد هيعاقبك بالطريقة الفلانية و كذا و كذا و كذا .. :)

----------------------------------------------------
فعلا كل المركبات فى الاعلان معبره عن شوارعنا جدا ما عدا المينى فى رايى
----------------------------------------------------
بالعكس يا باشا الميني مهمة

أصل انا بيغيظني أول الشباب الروش اللي بيبقي نازل يتنطط و يلعب بالعربية أكنه في الرالي و تبص عليه في المراية تلاقيه ولا أكنه بيلعب نيد فور سبيد و فاكرها شطارة .. انا عن نفسي فقدت أصدقاء و قرايب في حوادث سيارات بسبب "الروشنة"

**Bossy_Fadl** · 07-08-2008 04:39 AM

هههههههههههههههههههههه

حلو موضوع ايوه انا بعمل كده فعلا ده

و الله ده يبقي تخلف لو مكانش البعيد يفهم

و اللي مبيشوفش من الغربال يبقي اعمي بقي

بس انا عندي امل كبير في تكمله الحملة الاعلاميه دي

و ان الناس تكون اوعي بعد كده لسلوكها في الشارع

عموما سواء بقوا اوعي او لا الراجل قالهالك

التزامنا بيه ......مبقاش اختيار

**passat** · 07-08-2008 07:56 AM

المشاركة الأصلية كتبت بواسطة ams

فعلا كل المركبات فى الاعلان معبره عن شوارعنا جدا ما عدا المينى فى رايى

بالعكس الميني هي رمز للشباب والغرز

**mkhalifa73** · 07-08-2008 10:27 AM

اعلان جميل جدا وطالع في شكل متطور

**دموع الثلج** · 07-08-2008 01:00 PM

هو ده الواقع الحقيقى فعلا فى شوارعنا بس ياريت يكون كل المجهو د ده بفايده ونصحى فى يوم م من الايام نلاقى مشكله المرور فى مصر اتحلت والشوارع فضيت والناس التزمت

**الطنطاوي** · 07-08-2008 01:09 PM

http://www.youtube.com/watch?v=lhulc...eature=related

الكليب ده ملوش حل

**فادى** · 07-08-2008 02:06 PM

الاعلان ده اهدار للمال العام بصراحة دون جدوى حقيقية,
طبعا لأن القانون غرضه هو الجباية و الجباية فقط, فهيتم تعويض فلوس الاعلان أضعاف أضعاف,
على فكرة محدش يفتكر انو الشارع هيلتزم, لسبب بسيط و هو أن الحكومة عاوزه مخالفات و الخطة بكل بساطة هى تخفيف القبضة ثم حشو الشوارع فجأة بأمناء الشرطة و الضباط بعد أن يكون المواطنون قد اعتادوا على ارتكاب المخالفات, و الهدف طبعا هو الجباية, الحكومة عاوزه مخالفات.
و بعدين الجملة الأخرانية دى بصراحة أقل ما يقال عنها انها قلت أدب, ديه عبارة عن تهديد صريح للمواطنين.
للأسف وزارة الداخلية بقت عاملة زى الفتوة بالضبط الى بيهدد و يتوعد و يجمع الاتاوات لأنه يملك القوة, بس فتوة بشكل عصرى شوية.

**mahamedaraby** · 07-08-2008 05:06 PM

الاعلان ده اهدار للمال العام بصراحة دون جدوى حقيقية,
طبعا لأن القانون غرضه هو الجباية و الجباية فقط, فهيتم تعويض فلوس الاعلان أضعاف أضعاف,
على فكرة محدش يفتكر انو الشارع هيلتزم, لسبب بسيط و هو أن الحكومة عاوزه مخالفات و الخطة بكل بساطة هى تخفيف القبضة ثم حشو الشوارع فجأة بأمناء الشرطة و الضباط بعد أن يكون المواطنون قد اعتادوا على ارتكاب المخالفات, و الهدف طبعا هو الجباية, الحكومة عاوزه مخالفات.
و بعدين الجملة الأخرانية دى بصراحة أقل ما يقال عنها انها قلت أدب, ديه عبارة عن تهديد صريح للمواطنين.
للأسف وزارة الداخلية بقت عاملة زى الفتوة بالضبط الى بيهدد و يتوعد و يجمع الاتاوات لأنه يملك القوة, بس فتوة بشكل عصرى شوية.

مع احترامى لحضرتك ولكل كلامك يعنى ايه الحكومه عايز جبايه

هو لما تيجى الحكومه تعمل اى حاجه يبقى وراءها اهداف مريبه

هو القانون ده مش فى صالحك وصالحى

ونقطه تانيه اكيد القانون لازم يتنفذ بالقوه يعنى واحد عرض حياه واحد تانى للخطر هنقوله ممكن نديك مخالفه

لازم القانون يتفذ بالقوه والا فقد سيطرته وانا شايف ان الكلمه عاديه جدا تهدف من وراءها ان القانون الجديد هيتنفذ على الكل

**Chicco** · 07-08-2008 05:49 PM

المشاركة الأصلية كتبت بواسطة mahamedaraby

مع احترامى لحضرتك ولكل كلامك يعنى ايه الحكومه عايز جبايه

هو لما تيجى الحكومه تعمل اى حاجه يبقى وراءها اهداف مريبه

هو القانون ده مش فى صالحك وصالحى

ونقطه تانيه اكيد القانون لازم يتنفذ بالقوه يعنى واحد عرض حياه واحد تانى للخطر هنقوله ممكن نديك مخالفه

لازم القانون يتفذ بالقوه والا فقد سيطرته وانا شايف ان الكلمه عاديه جدا تهدف من وراءها ان القانون الجديد هيتنفذ على الكل

كلام جميل و مثالي انما بالتجربة العملية غير موجود
تاريخ الحكومة مع اختراع قوانين و تمريرها من مجلس الشعب و عدم تطبيقها بعدالة أو مساواه واضح للجميع
المشكلة مش عدم وجد قوانين ...المشكلة في تنفيذ القوانين ......العدل و المساواة ...لا ده موجود و لا ده موجود

**MoToRiZeR** · 07-08-2008 05:52 PM

المشاركة الأصلية كتبت بواسطة mahamedaraby

مع احترامى لحضرتك ولكل كلامك يعنى ايه الحكومه عايز جبايه

هو لما تيجى الحكومه تعمل اى حاجه يبقى وراءها اهداف مريبه

YES !

طول ما القانون بيتنفذ علي ناس و ناس لأ .. و طول ماهو بيحمي أحمد عز و ممدوح إسماعيل و أمثالهم .. الحكومة هتبقي فاقدة للمصداقية

و عامة القانون اتطبق .. ايه اللي حصل ؟
ناس اتسحبت رخصها عشان ستيكر دكتور جريش عالإزاز و لا إله الا الله الستيكر و ناس خدت مخالفات عشان راكنة تحت بيتها .. و ما زال سواقين الميكروباص بيقفوا في المطالع و المنازل و بيمشوا عكس و ما زال سواق التاكسي مفتري في الأجرة و ما زالت الإشارة مش شغالة و العسكري مش موجود

الموضوع: اعلان قانون المرور الجديد جامد اوى

LinkBack

أدوات الموضوع

عرض

-

-

-

-

-

-

المواضيع المتشابهه

حد سال نفسة لة المرور طلع قانون المرور الجديد

ايطاليا اللي هيا مصر وقواعد المرور بمناسبة قانون المرور الجديد

قانون المرور....الجديد

قانون المرور الجديد

قانون المرور الجديد.....

الكلمات الدلالية لهذا الموضوع

المفضلات

المفضلات

ضوابط المشاركة