الاعلان جامد اوى بجد معبر وفى الصميم
ياريت الكل يشوفه
وقولنا رايكم
http://www.youtube.com/watch?v=7es5RIOhmDI
عرض للطباعة
الاعلان جامد اوى بجد معبر وفى الصميم
ياريت الكل يشوفه
وقولنا رايكم
http://www.youtube.com/watch?v=7es5RIOhmDI
اعلان رائع رائع رائئئئئئئئئئئئئئع بمعني الكلمة
و للاسف واقعي بدرجة وحشه
كل واحد فينا شايف ان الغلط في التاني و دي الحقيقه
لو كل واحد فينا بص لنفسه لازم هيلاقي نفسه غلطان في حاجة و لا اتنين علي الاقل
ياريت كل واحد يبص علي اخطائه هو الاول قبل ما يبتدي يحكم علي غيره و يحاسبهم
و يبدأ بتغيير نفسه
ثانكس علي موضوعك الرائع محمد
اختك بوسي
بالعكس انا شايف انه مادة إعلامية حلوة بس مشفناش منه إيه المطلوب !
يعني محدش عرف منه ايه القانون الجديد ولا ايه بنوده و اللي طالباه وزارة الداخلية من المواطنين زي حملة الضرايب علي سبيل المثال
انا عجبنى الاعلان جددااااااا
بجد شفت نفسي فيه و انا بتريق على اللى ركنت عربيتها صف تانى و فى نفس الوقت اكون انا اصلا بتكلم فى الموبايل
هو واقع فعلا و مغلطوش بس هو حق يراد به باطل يا جماعة , كلنا عارفين ان موضوع السواسية قدام القانون دة فشنك اصلا و دة اللى يغيظ !!!
هبقي انا بدفع مخالفة و غيري مركبلى نسر على اللوح و يعدي !!
كلمة حق يراد بها باطل ....
عمر ما في قوانين تم الاعلان عنها عن طريق اعلان!!!!!!!
كل ما في الموضوع ان الاعلان كان مجرد تنويه
ان في قانون جديد لازم يحترم و يتطبق
و بتهيالي زي ما نهي قالت
كل واحد هيشوف نفسه في الاعلان
و ده كافي اوي للتنبيه
و بعدين الرساله الاعلاميه المطلوب توجيهها في الاعلان وصلت
قانون المرور الجديد
التزامنا بيه...مبقاش اختيار
و بصراحه الكلمة عجبتني اوي
و كأن اللي عمل الSlogan ده كان نفسه يطلع لسانه لكل مخالفين قوانين المرور في كل مكان:devil2::biggrin24:
بس حب يوصل الرساله بطريقه محترمه شوية:banana:
عموما انا شايفه ان اعلان في الصميم
و اذا كان علي بنود القانون بقي كل الناس هتعرفها عن اي طريق غير الاعلان طبعا
الاعلان اساسا وظيفته توصيل رساله في اقل مدة ممكنه
بوســـــــي
انا عارف .. انا اصدي انه لم يؤدي وظيفته في تعريف الناس بالقانون الجديد
ما اصله مجابش جديد .. كل اللي في الإعلان عارفينه و عايشينه كل يوم
انا ضربت مثل بحملة الضرائب لأنها كانت عاملة سكيتشات قصيرة كتير كل واحد فيها بيشرح جزء في التعديلات الضريبية فا الواحد حتي لو معندوش عمل تجاري فهم .. إنما الإعلان ده مقالش الأفعال دي في القانون الجديد كذا و كذا .. و المفروض ان دي وظيفة الحملة
و ان كل واحد يشوف نفسه في الإعلان ده مش كافي .. لو كان الشعب كدة مكناش بقينا في اللي احنا فيه .. ما الواحد بيبقي ماشي في الطريق السريع علي 160 و يلاقي لوحة السرعة القصوي 90 .. عااادي جدا .. يلاقي واحدة تانية .. ولااااا الدموع .. معتقدش ان فيه حد ميعرفش ان المكالمة في الموبايل و الركنة صف تاني و كسر الإشارة مش حاجة غلط
يعني السلوجان نفسه .. قانون المرور الجديد التزامنا بيه مبقاش اختيار
انا كمتفرج .. شفت الإعلان و معرفش ايه القانون ده ولا بنوده ايه و عايز مني ايه و مخالفاته ايه !!
و دي وظيفة الحملة علي فكرة الإعلان عن القانون .. الإعلان مش وظيفته الإعلان عن قانون و لكن الحملة وظيفتها كدة .. و دي حملة وزارة الداخلية التليفزيونية الإعلامية للتوعية بقانون المرور الجديد
تحياتي
اعلان فظييييييييييييييييييييييي يييييييييييع
احسن حاجة فية الياريس الحمراا:sifone:
بص هاقولك
هو ممكن جدا يكون زي حمله قانون الضرايب كده
يعني في الاول تنويه مبدأي كده و بعدين يبتدو يكملو بقيه الحمله
و في كل اعلان قانون او اتنين
و الله ممكن
و ياريت لو يقولو الغرامات بقي كمان يا سلالالالالالالالالالالالا لالالالالام
هتشفي بجددددددددددددددددددددددد
ههههههههههه
و الله كل شيء ممكن
ده المفروض فعلاَ .. بس تفتكري هيعملوا كدة ؟ مش عارف .. أصل خلاص القانون ابتدي يتطبق
المفروض ميكتفوش بعرض الحالة كجهة جكومية بتتطبق القانون .. لأن الطريقة اللي كل واحد بيشوف بيها نفسه مختلفة .. يعني مش لازم اللي يشوف نفسه في الإعلان يتكسف علي دمه ممكن واحد ياخدها بطريقة "هههههههههه ايوة انا بعمل كدة فعلا "
عشان كدة الحملة المفروض تبين إن اللي بيعملوا كدة و فاكرين ان محدش هيحاسبهم و فاكرين الشارع بتاعهم يعملوا اللي عايزينوا و عادي و مفيهاش حاجة .. لأ القانون الجديد هيعاقبك بالطريقة الفلانية و كذا و كذا و كذا .. :)
----------------------------------------------------
فعلا كل المركبات فى الاعلان معبره عن شوارعنا جدا ما عدا المينى فى رايى
----------------------------------------------------
بالعكس يا باشا الميني مهمة :sailor: أصل انا بيغيظني أول الشباب الروش اللي بيبقي نازل يتنطط و يلعب بالعربية أكنه في الرالي و تبص عليه في المراية تلاقيه ولا أكنه بيلعب نيد فور سبيد و فاكرها شطارة .. انا عن نفسي فقدت أصدقاء و قرايب في حوادث سيارات بسبب "الروشنة"
هههههههههههههههههههههه
حلو موضوع ايوه انا بعمل كده فعلا ده
و الله ده يبقي تخلف لو مكانش البعيد يفهم
و اللي مبيشوفش من الغربال يبقي اعمي بقي
بس انا عندي امل كبير في تكمله الحملة الاعلاميه دي
و ان الناس تكون اوعي بعد كده لسلوكها في الشارع
عموما سواء بقوا اوعي او لا الراجل قالهالك
التزامنا بيه ......مبقاش اختيار
اعلان جميل جدا وطالع في شكل متطور
هو ده الواقع الحقيقى فعلا فى شوارعنا بس ياريت يكون كل المجهو د ده بفايده ونصحى فى يوم م من الايام نلاقى مشكله المرور فى مصر اتحلت والشوارع فضيت والناس التزمت
http://www.youtube.com/watch?v=lhulc...eature=related
الكليب ده ملوش حل
الاعلان ده اهدار للمال العام بصراحة دون جدوى حقيقية,
طبعا لأن القانون غرضه هو الجباية و الجباية فقط, فهيتم تعويض فلوس الاعلان أضعاف أضعاف,
على فكرة محدش يفتكر انو الشارع هيلتزم, لسبب بسيط و هو أن الحكومة عاوزه مخالفات و الخطة بكل بساطة هى تخفيف القبضة ثم حشو الشوارع فجأة بأمناء الشرطة و الضباط بعد أن يكون المواطنون قد اعتادوا على ارتكاب المخالفات, و الهدف طبعا هو الجباية, الحكومة عاوزه مخالفات.
و بعدين الجملة الأخرانية دى بصراحة أقل ما يقال عنها انها قلت أدب, ديه عبارة عن تهديد صريح للمواطنين.
للأسف وزارة الداخلية بقت عاملة زى الفتوة بالضبط الى بيهدد و يتوعد و يجمع الاتاوات لأنه يملك القوة, بس فتوة بشكل عصرى شوية.
مع احترامى لحضرتك ولكل كلامك يعنى ايه الحكومه عايز جبايهاقتباس:
الاعلان ده اهدار للمال العام بصراحة دون جدوى حقيقية,
طبعا لأن القانون غرضه هو الجباية و الجباية فقط, فهيتم تعويض فلوس الاعلان أضعاف أضعاف,
على فكرة محدش يفتكر انو الشارع هيلتزم, لسبب بسيط و هو أن الحكومة عاوزه مخالفات و الخطة بكل بساطة هى تخفيف القبضة ثم حشو الشوارع فجأة بأمناء الشرطة و الضباط بعد أن يكون المواطنون قد اعتادوا على ارتكاب المخالفات, و الهدف طبعا هو الجباية, الحكومة عاوزه مخالفات.
و بعدين الجملة الأخرانية دى بصراحة أقل ما يقال عنها انها قلت أدب, ديه عبارة عن تهديد صريح للمواطنين.
للأسف وزارة الداخلية بقت عاملة زى الفتوة بالضبط الى بيهدد و يتوعد و يجمع الاتاوات لأنه يملك القوة, بس فتوة بشكل عصرى شوية.
هو لما تيجى الحكومه تعمل اى حاجه يبقى وراءها اهداف مريبه
هو القانون ده مش فى صالحك وصالحى
ونقطه تانيه اكيد القانون لازم يتنفذ بالقوه يعنى واحد عرض حياه واحد تانى للخطر هنقوله ممكن نديك مخالفه
لازم القانون يتفذ بالقوه والا فقد سيطرته وانا شايف ان الكلمه عاديه جدا تهدف من وراءها ان القانون الجديد هيتنفذ على الكل
كلام جميل و مثالي انما بالتجربة العملية غير موجود
تاريخ الحكومة مع اختراع قوانين و تمريرها من مجلس الشعب و عدم تطبيقها بعدالة أو مساواه واضح للجميع
المشكلة مش عدم وجد قوانين ...المشكلة في تنفيذ القوانين ......العدل و المساواة ...لا ده موجود و لا ده موجود
YES !
طول ما القانون بيتنفذ علي ناس و ناس لأ .. و طول ماهو بيحمي أحمد عز و ممدوح إسماعيل و أمثالهم .. الحكومة هتبقي فاقدة للمصداقية
و عامة القانون اتطبق .. ايه اللي حصل ؟
ناس اتسحبت رخصها عشان ستيكر دكتور جريش عالإزاز و لا إله الا الله الستيكر و ناس خدت مخالفات عشان راكنة تحت بيتها .. و ما زال سواقين الميكروباص بيقفوا في المطالع و المنازل و بيمشوا عكس و ما زال سواق التاكسي مفتري في الأجرة و ما زالت الإشارة مش شغالة و العسكري مش موجود
تمام يا استاذ شيكو أتفق معك بشدة.(هى ايه الحكاية:)؟)
مثلا لما احب احاسب الناس على الركنة صف تانى يبقى الأول لازم ألزم كل مول تجارى أو محل أكل أو اى مبنى يفترض تكدس السيارات امامه انو يعمل جراج بأسعار معقولة أو مكان لانتظار السيارات,
الكلام ده مشفتوش الا فى سيتى ستارز فى مصر لكن الى هيركن فى الجراج بتاعه هيتخرب بيته (ده غير طبعا الأسعار المولعة بداخله), على ما اذكر انى ركنت مرة بداخله (و كانت أول و اخر مرة) و دفعت ما يقارب ال20 جنيه فى ساعتين(مش فاكر المبلغ بالضبط بس كنت بتألم و انا بدفعه).
لكن طبعا البهوات الى بيفتحوا المراكز التجارية مش هيسيبوا قانون زى ده يعدى و يلزمهم بتوفير اماكن للسيارات.
مثال جميل كان محمد صبحى الممثل الهزلى بيقوله فى برنامج ما على قناة روتانا, المذيعة فى نهاية البرنامج سألته عن قانون المرور الجديد, فقالها أنا عجبتنى حاجة واحدة فى مرور فرنسا, و أشار انو ساعات بيبقى زحمة و فيه سائقين كتير همج زى مصر,لكن اللى عجبه انو الرادار موجود بشكل واضح و ظاهر و بيحطوا لافتات تحذيرية قبليه, و فى اماكن متكررة, فبتكون النتيجة انو السائق مبيلحقش يجرى بين رادار و رادار, اما فى مصر, فبيخبوا الرادار ورا الجبل, ليه؟ عشان هو عايزك متشوفش الرادار و تجرى و بعد كده يقفشك و انت بتجرى, هو فى مصر عايزك تجرى و بعدين ياخد منك فلوس, لكن فى فرنسا مش عايزين فلوس هو مش عايزك تجرى عشان سلامتك.
Da e3lan film ro3b mesh e3lan kanon gedid
kolo kom wo lama el ragel 2al delwa2ty hatewsal le 7abs
fag2a takhayalt nafsy mashy wo fe edaya kalabshat 3ashan neset arbot el 7ezam
اعلان كويس والعربيات اللي فيه احلي
يعني مش عايز احلف اني قررت اني لن اعود للقياده مطلقا داخل المخروسه حتى لو فيه قانون بالاعدام
اجمد حاجه الي كان عقوبته غرامه بقت حبس عووووووووووو :hang:
والتزامنا بيه مبقاش اختيار:2guns::2guns::2guns::beatdeadhorse5:: beatdeadhorse5::sifone: