أبرز العلامات التجارية المستفيدين من تخفيض الجمارك اتمني يكون خبر سعيد وتعم الفائده

منقول من اليوم السابع

ينشر "اليوم السابع" أبرز العلامات التجارية للسيارات التى سيشملها قرار الرئيس محمد مرسى قرارا جمهوريا يحمل رقم 184 لسنة 2013 بتعديل التعريفة الجمركية، حيث نص القرار على تخفيض ضريبة الوارد المقررة على السيارات بنسبة 25%، وذلك بالنسبة للسيارات التى تعمل بالبنزين، وكذلك بالغاز الطبيعى وهى: "كيا" و"رينو" و"هيوانداى"، شيفرولية واوبل وفولكس فاجن، بالإضافة إلى أكثر من 20 توكيلا رسميا منها توكيلات خاصة بالسيارات الصينية فقط، وبعض المستوردين من التجار عن طريق "الاستيراد الرمادى"، وهو ما يعنى الاستيراد من غير بلد المنشأ.

كما نص القرار أيضاً على تخفيض ضريبة الوارد على المنتجات النهائية التى يتم تصنيعها فى المصانع المصرية، بنسبة 110% من نسبة التصنيع المحلى، إذا بلغت نسبة التصنيع المحلى من 30 إلى 40% وبالفعل السيارات الملاكى المجمعة محليا تكون نسبة المكون المحلى بها 45% مثل بى اد دبيلو " ومرسيدس" وهيواندى " وجيب " ولادا"، بالإضافة إلى تخفيض الضريبة 115% من نسبة التصنيع المحلى إذا كانت النسبة حتى 60%، وتخفيض الضريبة 120% إذا بلغت النسبة أكثر من 60% مثل الأتوبيسات واللوارى التى تجمع بالفعل فى مصر، حيث تصل نسبة المكون المحلى بها حوالى 65%.

كما نص القرار على إنشاء مجلس أعلى للتعريفة الجمركية برئاسة وزير المالية وعضوية الوزراء الذين يصدر بتحديدهم قرارا من رئيس الوزراء، يختص ببحث واقتراح التعديلات الملائمة للتعريفة الجمركية، وتطوير النظم الخاصة بها، بما يتلاءم مع المتغيرات الاقتصادية.

وينتظر قطاع السيارات قرارا لحل أزمة السيارات الدبل كابينة والتى تنظر التعريفة الجديدة والتى تصدر
من قبل وزارة المالية.


اتمني ان يكون الخبر صحيح ونستفيد منه معلش الخير طويل شويه

يا ريت يكون خبر صحيح

طيب اللى اشترى عربيه من اى نوع من المذكورين واشتراها بالغالى يعمل ايه خلاص كده واللى متعاقد على عربيه جديده يستنى بقى مش عارف

متا بع

يا مسهل

يا تري فيه حد حاجز سياره محلي و سأل السعر حينخفض يبقي كام؟؟؟؟؟؟؟؟

انا مش فاهم كويس حد يشرحلى شرح مبسط يعنى مثلا الريو الى بقت ب150 هتبقى بكام مثلا

الخبر على الوفد للسيارات التى تعمل بالغاز الطبيعى و الكهرباء فقط هى اللى عليها تخفيض....
و كان فيه خبر من يومين نقلا عن وزير الماليه ان مصر طلبت من منظمه التجاره العالميه عدم تنفيذ تخفيض ال 10 % بتوع السنه دى للظروف الاقتصاديه المتنيله و المنظمه وافقت ( المصرى اليوم ).
و السؤال هنا كام سياره ملاكى فى مصر بتشتغل بالغاز او الكهرباء؟؟؟؟؟؟؟؟؟؟؟؟
الحدايه ما بترميش كتاكيت.

اقتباس:

---

المشاركة الأصلية كتبت بواسطة dozo

الخبر على الوفد للسيارات التى تعمل بالغاز الطبيعى و الكهرباء فقط هى اللى عليها تخفيض....
و كان فيه خبر من يومين نقلا عن وزير الماليه ان مصر طلبت من منظمه التجاره العالميه عدم تنفيذ تخفيض ال 10 % بتوع السنه دى للظروف الاقتصاديه المتنيله و المنظمه وافقت ( المصرى اليوم ).
و السؤال هنا كام سياره ملاكى فى مصر بتشتغل بالغاز او الكهرباء؟؟؟؟؟؟؟؟؟؟؟؟
الحدايه ما بترميش كتاكيت.

---

كلامك مظبوط بس اخبار النهاردة بتقول عكس كدة و انا تخفيض الجمارك يشمل السيارات التى تعمل بالبنزين
"كما تضمن القرار، مطلباً مهماً، يقضي بتخفيض ضريبة الوارد المقررة على السيارات بنسبة 25%، وذلك بالنسبة للسيارات التي تعمل بالبنزين، و الغاز الطبيعي المُسال"

اعتقد هيفضلوا يجننونا شوية و فى الاخر يقولوا ما انتوا يا شعب اللى فهمتونا غلط:120146b

حكومة لطيفة اوى

طب لو تام التخفيض التجار مش هيخفاضه عشان دفعه واستتنه كمان 3 شهور على الشحنه الجيه يكون اللدولار وصل 8 جنيه

دي مشاركة لي في موضوع مشابه:

اقتباس:

---

أنا فهمت القرار بالشكل التالي:

1- القرار يطبق على السيارات الهجينة والسيارات اللتي تعمل بالغاز الطبيعي فقط.
2- نسبة التخفيض 25% من قيمة ضريبة الوارد .



لنفترض ان السيارة س سعرها 10000 دولار شامل الشحن . 1600 سي سي تخضع لضريبة جمركية 40%

يبقى جماركها حتكون:

1- السعر 10000 دولار * 6.82 =68200 جنيه

2- ضريبة الوارد = 68200*40%=27280
4- الدمغة =(68200+27280)*3% = 2864.4
5-ضريبة المبيعات= (68200+27280+2864.4)*15%= 14751.66
6- مجموع الجمارك والضرايب= 44896.06

يبقى اجمالي تمن السيارة = 113096.06


بعد تطبيق القرار ولو استوردت نفس السيارة تعمل بالغاز الطبيعي حتكون الجمارك كالتالي:

- السعر 10000 دولار * 6.82 =68200 جنيه

2- ضريبة الوارد = 68200*40%=27280 * 75%= بعد التخفيض 20460
4- الدمغة =(68200+20460)*3% = 2659.8
5-ضريبة المبيعات= (68200+20460+2659.8)*15%= 13697.97
6- مجموع الجمارك والضرايب= 36817.77

يبقى اجمالي تمن السيارة = 105017.77

الفرق= 8078.29

والله اعلم،

---

قال عفت عبد العاطى، رئيس شعبة تجار ووكلاء السيارات بالغرفة العامة، إن قرار تخفيض الجمارك على ضريبة الوارد للسيارات بنسبة 25% جيد جدا، ولكنه غير واضح، لذا يجب توضيح القرار، وخصوصا تحديد السعات اللترية للسيارات.

وأضاف عبد العاطى أن أسعار السيارات ستتأثر بشكل كبير، فمثلا السيارة التى يكون سعرها 100 ألف جنيه، فإن الضريبة على السيارات 1600 سى سى 40%، وبعد تطبيق القرار ستكون 30%، ليكون السعر النهائى للسيارة حوالى 90 ألف جنيه.

وعلق عبد العاطى على الجزئية التى تنص على تخفيض ضريبة الوارد على المنتجات النهائية التى يتم تصنيعها فى المصانع المصرية، بنسبة 110% من نسبة التصنيع المحلى، إذا بلغت نسبة التصنيع المحلى من 30 إلى 40%، واصفا إياه بالمستحيل، فهل الدولة ستدفع للشركات من خزائنها.

وأخيرا قال " عبد العاطى" إنه كان يتمنى أن يكون القرار على السيارات التى تعمل بالغاز فقط، لأن هذا سيسهم فى حل أزمة الوقود الحالية، كما أن الغاز الطبيعى أفضل ومدعم أكثر، وتساءل أيضا هل هذا القرار بديل لاتفاقية "الجات"، والتى كان من المقرر تطبيقها خلال عام 2013 الحالى، حيث إنها كانت تنص على تخفيض الجمارك أيضا.

مفيش داعى للقلق حتى رئيس شعبة السيارات مش فاهم و بيطلب توضيح

النهارده اول مانشيت على الصبح فى ملحق الاهرام :-
( لا تخفيضات جمركيه جديده على سيارات البنزين و السولار )
التخفيضات 25 % على محركات الغاز اللى محطاته مغرقه البلد و اعفاء تام لمحركات الكهرباء اللى مش لاقينها اصلا فى البيوت .
بصراحه عملوا اللى عليهم و عداهم العيب...........
ما قلنا الحدايه ما بترميش كتاكيت.
اه الضريبه زادت على التوكتوك 10% :tongue32:
عشان اللى عايز يشتريه قبل ما يغلى هو الاخر عشان شكلنا مش حنركب غيره بعد كده .

اقتباس:

---

المشاركة الأصلية كتبت بواسطة dozo

النهارده اول مانشيت على الصبح فى ملحق الاهرام :-
( لا تخفيضات جمركيه جديده على سيارات البنزين و السولار )
التخفيضات 25 % على محركات الغاز اللى محطاته مغرقه البلد و اعفاء تام لمحركات الكهرباء اللى مش لاقينها اصلا فى البيوت .
بصراحه عملوا اللى عليهم و عداهم العيب...........
ما قلنا الحدايه ما بترميش كتاكيت.
اه الضريبه زادت على التوكتوك 10% :tongue32:
عشان اللى عايز يشتريه قبل ما يغلى هو الاخر عشان شكلنا مش حنركب غيره بعد كده .

---

الناس دى مابيجيش من وراهم خير؟
اساسا من ساعة ما سمعت الخبر و انا مرضتش اعشم نفسى

كده صح والامور وضحت كمان

الموضوع ده فيه حاجة مش واضحة و الحكاية كده ملخبطة

من امتي الحدايه
اقصد الدوله بتحدف كتاكيت