Subaru XV OR Nissan qashqai

**mina_riad** · 25-03-2013 11:29 AM

صباح الخير
ممكن تكون دي اول مشاركة ليه و انا محتاج خبرتكم - ان شاء الله بفكر اشترى عربة Crossover بس محتاح النصيحة – انا بفكر فى ال Subaru XV OR Nissan qashqai انا قراة معظم الاراء و عملت test drive للعربيتين ال Nissan كانت نعمه جدا لكن ال XV كان فى احساس بالقوة – رجاء المساعدة و شكرا

**RedBull_30** · 25-03-2013 11:33 AM

انا آسف لتدخلي في الرأي بالرغم من اني مجربتش العربيتين .. بس بحس ان السوبارو عربية المانية واخدة الجنسية اليابانية .
السوبارو جامدة اوووي

**AlGazar2** · 25-03-2013 11:44 AM

السوبارو من غير كلام طبعا - و انت جربتها اديتك احساس بالقوه فتوقع منها القوه فى كل حاجة تقريبا
القاشقاى لو عايز كماليات كتير و سقف بانوراما

**Khaled Online** · 25-03-2013 12:17 PM

سوبارووو سوبارو
رو
رو :)
بس بـ 214 عكس القشقاي بـ 185

**El Prince** · 25-03-2013 12:27 PM

مقارنة الوحوووووووووش
سوبارو طبعا كفاية انها 4 باى 4
تحياتى

**teto007** · 25-03-2013 02:12 PM

سوبارو بدون نقاش بس عيبها ان الوكيل منزلها غالية بمواصفات قليلة يعنى اعلى حاجة فيها نازلة من غير كروز كنترول و لو عايزة تركبة فى التوكيل ب1600 جنية ومفيش زينون و الكاسيت بتاع الفئة الاولى شكلة احسن بكتير من الهاى لاين مع ان بتاع الهاى لاين هوة الى فية بلوتوث هذا بلاضافة ان الشنطة صغيرة متنفعش عيلة انا كنت حا جبها مفرقش معايا كل الاوبشنز دية قد ما فرق معايا الشنطة

**teto007** · 25-03-2013 02:16 PM

المشاركة الأصلية كتبت بواسطة khaled online

سوبارووو سوبارو
رو
رو :)
بس بـ 214 عكس القشقاي بـ 185

اعتقدالفئة الهاى لاين زادت عن 214 علشان انا سألت من شهر و نص كانت الفئة الاولى 195 بدون زيادة الدولار بتتحسب وقت ما بتحجز

**S O P H O S** · 25-03-2013 02:49 PM

فعلا كراي ال xv

**khalid_adel** · 25-03-2013 03:31 PM

انت متاكد انك جربت الاتنين :)
بص مفيش مقارنه اساسا بس عامه انا لما ركبت القاشقاي محستهاش نهائي حسيتها فقيره وتقفل تعبان ومش والكراسي مش مريحة نهائي والنور اللي بينور في الرجلين ده حسيته ميكروباصاتي اوي والسقف بانوراما مش بيفتح (ازاز فقط)
انا مش حتكلم عالاكس في بس اللي اقدر اقولهولك النيسان معجبتنيش خاااااااااااالص والله وافهم انت بقي الباقي :)