شكرا يا جماعة لاهتمامكم و ردودكم.....
موضوع الفصل المتكرر مع الايديل او السلانسيه اتضح انه طبيعي بالنسبة للصني و التيدا.. و خصوصاً الموديلات الحديثة التي بها مروحة تبريد واحدة لكل من الرادياتير و السربنتينة الخارجية (condenser) . انا قرات مواضيع كتيرة علي nissan forums فيها شكاوي كتير من الموضوع ده و تأكيد بانه طبيعي.
طبعا فكرة عمل الكومبريسور معروفة للكثير منكم و مشروحة في موضوع مرفق في الصفحة ١ من هذا الموضوع بطريقة سهلة و جميلة من FBIAHMED، برنس الصراحة.
السؤال دلوقتي علمي بحت و انا لم ابحث فيه بعد مع اني للأسف دارس تكييف و تبريد لما كنت في الكلية..
ليه الكومبريسور بيفصل و يشتغل في السلانسيه بتوقيت محدد بالثانية ١٦ ثانية تشغيل و ٤ ثواني فصل، أياً كان درجة الحرارة المضبوطة او درجة حرارة الجو، مع العلم ان التكييف اوتوماتيك climate control؟؟؟
انا فضلت وراها ييجي ١٥ مرة ورا بعض، مشغل التكييف و فاتح الكبوت و باصص علي الكومبريسور و سامعه طبعا، و مشغل ستوب ووتش.
طبعا حتقوله مين عم الرايق ده، ما تسوق وخلاص انت حاتقرفنا!!
مشكلتي الأبدية اني ما حبش اسيب حاجة علي علتها من غير مافهمها و خصوصا في العربيات و مجال عملي الشخصي.
حقنة بعيد عنك.
المفضلات