تجربتي مع فيشة اوكتان نوبيرا

**محمد العقابي** · 25-03-2013 06:46 PM

كنت قبل كده ذكرت اني جربت اعدل فيشة الأوكتان في عربيتي وهي دايو نوبيرا موديل 2001 اوتوماتيك كوري . فطلب مني بعض الزملاء الاعضاء اني اصورلهم الفيشه بتاعة الاوكتان .

أولا : بعد ما قرأت عن موضوع فيشة الاوكتان في المنتدي قولت اجرب بنفسي..

لأني كنت بفول 80 وكنت بسمع تسقيفه لما اكون واقف واقرص وانا طالع وخاصة في المطبات .

ففعلا فكيت الفبره اللي هي عند رجللك اليمين وانت قاعد علي الكرسي اللي جمب السائق ولقيت تحتها الكمبيوتر والضفيره والفيشه بتاعة الاوكتان ومش متركب فيها حاجه يعني متظبطه علي 92 زي ما قالو الأساتذه قبل كده .

جبت 3 بنات باور صبلاي بتوع كمبيوتر وربطهم من فوق في بعض وعملت بيهم قفله . وركبتهم في الفيشه زي محضراتكم حتشوفوا في الصور .

وطبعاً عملت ايدل ليرن بعد كده.

الملاحظات : التسقيفه بقت اخف واحيانا ممكن تيجي واستهلاك البنزين افضل نوعا ما .

فرق في سحب العربيه أقل بسيط ميضرش يعني ( وده اكيد من البنزين 80) مع التكييف عادي مفيش مشاكل ملحوظه .

بس اكيد في فرق ما بين الوضع العادي ووضع القفله اللي بتتعمل في ظبطة العربيه .

**elnakshabandy** · 25-03-2013 06:55 PM

كويس طب ومعدل استهلاك البنزين ايه اخباره

**mhopa2440** · 26-03-2013 12:53 AM

حضرتك بس ليه عملت قفلة على الثلاثة سلوك

ليه ميكنش اثنين بس وانهو اثنين
يعني حضرتك عرفت من فين اننا نعمل القفلة على الثلاثة مع بعض عشان ميكنش ف اي اضرار اخرى ياريت ترسل لينا مصدر التعديل عشان نقراه بكل التفاصيل

وشكرا على توضيح التجربة بالصور

**محمد العقابي** · 26-03-2013 07:04 AM

المشاركة الأصلية كتبت بواسطة elnakshabandy

كويس طب ومعدل استهلاك البنزين ايه اخباره

تقريباً فرق حوالي 50 كيلو اكتر .

المشاركة الأصلية كتبت بواسطة mhopa2440

حضرتك بس ليه عملت قفلة على الثلاثة سلوك

ليه ميكنش اثنين بس وانهو اثنين
يعني حضرتك عرفت من فين اننا نعمل القفلة على الثلاثة مع بعض عشان ميكنش ف اي اضرار اخرى ياريت ترسل لينا مصدر التعديل عشان نقراه بكل التفاصيل

وشكرا على توضيح التجربة بالصور

أقرأ الموضوع دوة

http://www.nilemotors.net/Nile/151996-a.html

**mhopa2440** · 26-03-2013 10:23 AM

شكرا على ردك واهتمامك وانا هجرب الموضوع ان شاء الله

**tefa22m** · 26-03-2013 04:49 PM

اولا :- انا بشكرك عشان انا واحد من الناس اللى طلبو منك الموضوع ده
ثانيا :- نفسى اعرف وصلت ازاى لمكان الفيشه ديه ؟ و عرفت منين انها فيشه الاوكتان زى اللى فى اللانوس ؟
ثالثا :- يعنى من رأيك الموضوع يستحق التجربه ؟)

**محمد العقابي** · 26-03-2013 06:36 PM

أولاً : لكل من شكرني لا شكر علي واجب احنا بنفيد بعضنا وده فايدة المنتدي .

يعني تقدروا تقولوا كده احنا اصلا المفرووض نعمل رابطة ملاك النوبيرا لانها عربيه تحس انه مفيش حد فاهم فيها كتير فبنضطر نخترع بأنفسنا وأمرنا لله .

المشاركة الأصلية كتبت بواسطة tefa22m

اولا :- انا بشكرك عشان انا واحد من الناس اللى طلبو منك الموضوع ده
ثانيا :- نفسى اعرف وصلت ازاى لمكان الفيشه ديه ؟ و عرفت منين انها فيشه الاوكتان زى اللى فى اللانوس ؟
ثالثا :- يعنى من رأيك الموضوع يستحق التجربه ؟)

لا شكر علي واجب يا استاذ tefa22m حضرتك لو تابعت موضوع أستاذ عصام غنايم في صفحه 24 في عضو اسمه m.zaher هو بصراحه اللي أكتشف مكانها وذكر انه مجرب القفله دية والعربيه ظبطت معاه من بعد ما عملها . وكمان كان منزلها صور . فأنا بناء علي كلامه خضطت التجربه دية .

واعتقد انه التجربه تستاهل يعني لو حضرتك عربيتك مظبوطه وماشيه معاك مفيش مشاكل علي 92 ... ممكن تمشي تقريباً بنفس الكفائه معاك علي 80 بالظبطه ديه .

وده لينك للصفحه http://www.nilemotors.net/Nile/151996-a-24.html

**ahmad_salama** · 26-03-2013 09:54 PM

متابع بشدة

**mhopa2440** · 27-03-2013 12:37 AM

يا جماعة انا غيرت فيشة الاوكتان عندي ف النوبيرا زي ماقال الاخ الكريم

ومنتظر اشوف معدل استهلاك البنزين وكمان التسقيف لان العربية كانت بتسقف لما اجي اغير من 2 الي 3 ومن 3 الى 4 كان لازم تسقف

ان شاء الله على يوم السبت اكون عملت مشوار محترم وهكتب النتيجة ان شاء الله عشان الجميع يستفيد ويتاكد من صحة الموضوع