الساعات السويسرية

**moody_687** · 25-03-2013 08:26 PM

ماهى انضف انواع الساعات السويسرية سواتش ولا تيسوت ولا انه نوع ؟

**أحمد كمال** · 25-03-2013 10:24 PM

حسب ميزانيتك كام ؟ فيه سويسري من اول 1000 لحد 1000000

**أحمد كمال** · 25-03-2013 10:34 PM

في تلك الأيام السعيدة اللي كان الريال السعودي بجنيه و نص من 5 سنين اشتريت ساعة تيسو (بالمناسبة اسمها تيسو مش تيسوت) من المدينة المنورة من تاجر سمح ابن حلال و لسه معايا

كانت بألف ريال و شغالة معايا الله ينور

بالمناسبة باظت بعد ما رجعت مصر و رحت وكيل تيسو لقيتهم محترمين جدا و اعترفوا بالضمان الدولي و غيروا لي المكنة بالكامل مجانا من غير مليم

**memohamada** · 25-03-2013 11:57 PM

معايا swatch بقالها 6 سنين ، غيرتلها البطارية مرة واحدة غير كدة مظبوطة بالثانيه لاعمرها قدمت ولا اخرت

**moody_687** · 26-03-2013 07:40 AM

المشاركة الأصلية كتبت بواسطة land_cruiser

اولا تسلم ايدك علي الموضوع يا فندم : ال tissot و ال swatch دول يمكن من اكتر الحاجات المنتشره عندنا علشان سعرهم في الفئه المنخفضه الي المتوسطه لكن لو عايز ماركات تانيه سويسري بس أغلي خد عندك بقي عينه كده علي الماشي :)

maurice lacroix, breitling ، iwc , longines, hublot, tag heuer, jaeger lecoultre, zenith

عندنا في مصر اللي من الماركات دي موجود longines , tag heuer, zenith , breitling و نصيحه ابعد عن سكه الساعات دي ، الموضوع بيتحول بعد فتره الي إدمان و تلاقي نفسك بعد فتره عندك ٢٢ ساعه زي واحد اعرفه

ودوول سعرهم بيتراوح من كام لكام ؟

**moody_687** · 26-03-2013 07:41 AM

المشاركة الأصلية كتبت بواسطة memohamada

معايا swatch بقالها 6 سنين ، غيرتلها البطارية مرة واحدة غير كدة مظبوطة بالثانيه لاعمرها قدمت ولا اخرت

اها سواتش ممتازة وكمان صغيرة ف الايد عشان انا ايدي رفيعة فمحتاج ساعة صغيرة مش ضخمة وبالفعل انا عندى سواتش تقريبا قعدة معايا نفس مدتك

**moody_687** · 26-03-2013 07:42 AM

المشاركة الأصلية كتبت بواسطة hany63

فيه جاجوار في رانج ٤٠٠٠ جنيه
و لامبروجيني في رانج ٧٠٠٠ جنيه
من احلى الساعات شكلا و قيمه و ذوق و خصوصا اللامبروجيني اللي واخده شكل مثلث مشفتش حد لابسها

لا جامديين دوول عليا انا عايز حاجة من 2000 ل 3000 مش تعدي

**tutankhamoun** · 26-03-2013 07:49 AM

أي ساعة محترمة في الصناعة ... هاتعيش و الكلام ده على ساعات ب 100 جنيه .

أنما الساعات الغالية قوي ....... بتبقى أسم بقى و تصميم و شكل ....... الخ .

أنا عندي ساعة سيتيزن ........ من التعسينيات كانت شغالة لغاية ما وقعت تحت عجلة عربية .
و كان عندي ساعة صيني من غير أسم (كنت شاريها من ميدان الجيزة من تحت الكوبري ) في سنة 98 ...... و فضلت شغالة زي الفل لغاية ما وقعت من أيدي على الدائري سنة 2008 .
و عندي ساعات تانية غالية بألبسها في المناسبات أو الشغل .
و المشاوير البهدلة كنت بلبس فيها أي ساعة تعبان (سعرا)

بس بعد ما جربت أنواع كتير ( سيتيزن ياباني - كاسيوا ياباني - سواتش سويسري - أمبوريو و أرماني - سيكوندا روسي - كيو أند كيو - ساعات صيني تقليد بس نظيفة )

كلهم زي بعض و كلهم بيعيشوا
الفرق بقى في خامة الساعة - شكل الساعة و التصميم ........ و الجزء ا لأكبر من السعر رايح على الأسم .