سوال بسيط

**meller** · 07-08-2008 09:06 AM

انا لسة مستلم عربيتي دايو لانوس 2008فول اوبشن السبت الافات بس عندي سوالين مع العلم اني اول مرة اسوق :-

السوال الاول :-
لما استلمت العربية حطيت بنزين "فول تانك" يوم السبت الي الخميس ماشيت 265 كيلو ولقيت البنزين قرب يخلص يعني مفروض احط بنزين تاني الكلام دة عادي والا في مشكلة

السوال الثاني :-
انا غيرت كاسيت العربية وجيبت واحد تاني (بايونيرcd ) ولم اشغل الكاسيت الاريال يشتغل مع اني الراديو مش شغال وانا عايز الاريال يشتغل لما اشغل الراديو فقط ممكن حل

**acounter01** · 07-08-2008 09:19 AM

اولا ألف مبروك
بالنسبة لموضوع البنزين فالعيب دة تقريبا في معظم سيارات الدايوو
ممكن تكون المشكلة في العوامة أو مؤشر البنزين ، جرب تفول تاني وشوف حتاخد قد أيه بنزين .
بالنسبة لاريال الكاسيت فهو وصلة داخلية ممكن تفصل الاريال من وصلة الكاسيت اساسا أو توصلة ولاكن علي ما اعتقد مينفعش توصل الاريال بالراديو فقط
والف الف الف مبروك يا باشا

**meller** · 07-08-2008 11:36 AM

الله يبارك فيك بس لو العيب الا انت بتقولة دة صح اعمل اية هي الدايو بطبيعتها بتاكل بنزين كتير
الا اعرغ ان الصفيحة بتعمل 100 كم صح والمفروض ان الزيرو يعمل اكتر صح والا انا غلطان
ولو فصلت وصلة الاريال هيشتغل ازاي

**Mohamed.Fawzy** · 07-08-2008 12:00 PM

الف مبروك يا باشا وربنا يديك خيرها و يكفيك شرها

المشاركة الأصلية كتبت بواسطة meller

السوال الاول :-
لما استلمت العربية حطيت بنزين "فول تانك" يوم السبت الي الخميس ماشيت 265 كيلو ولقيت البنزين قرب يخلص يعني مفروض احط بنزين تاني الكلام دة عادي والا في مشكلة

بص يا سيدى الأستاذ acounter01 يقصد بالعيب ان مؤشر البنزين مش بيدى اشاره دقيقه عن كميه البنزين المتبقيه لكن مش ان العربيه بتحرق بنزين وعلشان تتأكد جرب تفول وتشوف هتاخد فرق كام لتر وفى حاجه تانيه ان استهلاك البنزين هيبقى عالى نسبيا فى الألف كيلو الأولى وبعد كده هيتظبط ويبقى طبيعى ان شاء الله
السوال الثاني :-
انا غيرت كاسيت العربية وجيبت واحد تاني (بايونيرcd ) ولم اشغل الكاسيت الاريال يشتغل مع اني الراديو مش شغال وانا عايز الاريال يشتغل لما اشغل الراديو فقط ممكن

روح للشخص اللى ركبلك الكاسيت وقوله يخلى الأريال شغال مع الراديو بس ودى حاجه سهله جدا ومعروفه عندهم

**Adham** · 07-08-2008 12:03 PM

المشاركة الأصلية كتبت بواسطة meller

الا اعرغ ان الصفيحة بتعمل 100 كم

لا طبعا ماتعملش 100 كيلو في الصفيحه , هيه ستة سلندر هههههههههههههه

لا مفروض تعدي ال 200 كيلو في الصفيحه مرتاح قوي

**kh_elshiemy** · 07-08-2008 01:53 PM

انا عندي لانوس 2000 وبتعمل حوالي 200 - 230 في الصفيحه ....علشان تحسبها صح لازم تفول الاول وبعدين تمشي مسافه ما مثلا 200 كم وبعدين تفول وتشوف عملت كام كم في عدد اللترات المستهلكه وعلشان تعرف عملت كام كيلو في الصفيحه طبق المعادله دي
عدد اللترات المستهلكه *20/عدد الكيلو مترات المقطوعه
وبالنسبه انك عاوز الأيريال يطلع مع الراديو فقط ....لاز تعمل مفتاح خارجي علشان لما تشغل الراديو تضغط عليه علشان الايريال يطلع ...ودا طبعا يعملهولك الكهربائي

**mohelmy** · 07-08-2008 10:18 PM

انا معايا لانوس 2008 والكاسيت اللى فيها كينوود
احيانا الاريال بيشتغل مع الكاسيت وحلها عندى ببساطة انى اضغط على مفتاح المحطات رقم 5 ينزل الاريال ويظل الكاسيت شغال
معرفش الكلام دة ممكن يمشى مع البايونير ولا ظروفه ايه بالضبط

**shanodaa** · 07-08-2008 11:21 PM

اخي الكريم طبيعي جدا ان السياره تاكل معاك بنزين في 1000 كيلو الاول عشان السياره لسه في التليين وبتكون لسه رحلك لم تاخذ علي السيلره كانت معي المشكله في البنزيين لكن مع ظبط دوسه رحلك مع السرعات علي rpm 2500 لفه علي الغيار الخامس وعلي طريق مفتوح بسرعه 95 كيلو في الساعه بدون تكييف تعمل 280 كيلو في الصفيحه ومع التكييف 260 كيلو خارج المدينه علي طريق سريع وفي داخل المدينه 230 وجرب وادعيلي وبخصوص الكاسيت اقرا الكتالوج جيدا ها تلاقي كيفيه برمجه اللرديو والاريال وفعلا في كاسيت الكنينود زر ظبط المحططات المخزنه اضغط عليه يجعل الاريال ينزل في حاله تشغيل شريط كاسيت

**Abdallah** · 09-08-2008 08:20 PM

البايونير لاسف بيرفع الاريال سواء مشغل الراديو او السى دى او حتى ال aux ودى ملهاش حل غير انك تفصل فيشة الاريال وتستغنى عن الراديو او انك تسيبه كدة وخلاص.

**captin** · 11-08-2008 07:54 AM

انا كمان استلمن العربية من شهر ونص وفولت اقيتها عملت 170 ك فى الصفيحة لكن لمل فولت تانى عملت 270 فى الصفيحة ومش عارف ايه السبب لكن ممكن يكون عشان فى الاول رجل الواحد بتكون تقيلة على العربية