شكرا يا فاندم علي الدعوه الجميله
تقرير اكثر من رائع
من زمان الواحد مشافش تقارير صيانة تفصيلية كدة
ربنا يباركلك فيها وعقبال صيانة ال 800000 كم ان شاء الله :d
اولا الف شكر يا باشا على الموضوع الرائع وتسلم ايدك على تعبك فيه
شوية استفسارات
اولا عن مكان بيع قطع غيار اصلية في التوفيقية او ما يجاورها التحرير رمسيس لان مكان شغلي قريب من هناك ؟؟؟
وصراحة انا مش عايز اجيب حاجة من التوكيل عشان بحس انه مبالغ في السعر شوية وكمان ضريبة مبيعات وكده فياريت لو تدلني على اماكن ثقة شوية
الشغل اللي اتعمل في الريداتير ده من تنظيف وكده بمكنة تنظيف بعد اضافة خل وكده اتعمل فييين او ممكن يتعمل فييين ؟؟؟
وايه افضل انواع مياه ريداتير متوفرة في السوق
بالنسبة لزيت الباور هل زيت شل ده بتاع الفتيس الاوتو هو الافضل للباور ولا اجيب زيت gunk ابو علبة صفرا سمعت مدح كتير فيه بس برضو ناس قالوا انه بتاع الباور الكهربا فرايك ايه ؟
استفسار اخر يعني ايه البوجيهات بالرقم او الكود المخصوص للماتور ويعني ايه الفيلر ده ( مش فاهم الجزئية دي )
انا اسف تقلت كتير في الاسئلة
شاكر جدا لحضرتك
اه وكدت انسى مالقول في زيت الفتيس المانيوال للماتريكس
ايه افضل نوع ؟؟؟؟
لا شكر علي واجب يا فاندم
قطع الغيار ممكن تتجاب من بره لكن بيبقي فيه مضروب بين القطع و لذلك كل القطع اللي عمرها طويل و أساسيات بجيبها من التوكيل زي السيور و مجموعة الكاتينة و خلافة من الأجزاء المهمة
لكن ممكن نجيب من بره التوكيل قطع زي تيل الفرامل بما أنه مبالغ في سعره في التوكيل ممكن نجيب حاجه نضيفة من بره
و قطع الغيار الاصلية في التوكيل متفرقش في الأعار فرق كبير و لو فيه فرق هيبقي فيه شك في صلاحية القطعه
بالنسبة لشغل الرياداتير بيتعمل في البنزينه و أنا اللي فضيت قبلها القربة و زودتها خل و طلعت علي البنزينة نضفت و أضفت المياه الخضرا
أفضل سائل تبريد هو البريستون الأمريكي و يليه الموبيل و التوتال
أما زيت الباور فمتكلفش نفك مش هايفرق كتير بالنسبة للماتريكس هات شيل atf3 هايشتغل كويس (و بصراحة مجربتش الجنك غير في الطرمبات الكهربا فمعرفش مع الهايدروليك هايبقي أيه النظام)
و البوجيهات بتيجي الخاصه بالعربيه مش زي بتوع قطع الغيار بينزل بوجيهات بمقاس السن و بيركبها لكل العربيات
أي إستفسار أنا تحت أمر حضرتك
بالتوفيق
تسلم يا كبير للرد والف شكر ليك ودايما كده في حضور وتواصل
بقي جزئية صغيرة وهي زيت الفتيس المانيوال ايه ظروفه افضل نوع وبياخد كمية اد ايه
زيت الفتيس 75w90 gl4
و هتاخد 2 لتر و 150 مل
و بيتغير من 30 ألف كم إلي 50 ألف كم حسب ظروف القياده
النوع ممكن شل و يا ريت فالفولين
تحت أمر حضرتك في أي أستفسار و أبقي طمنا عملت أيه و أدينا تقرير
أنا شاكر جدا يا باشا
وفي انتظار بس شوية كده عشان اعمل كل الصيانة مرة واحدة
انا داخل علي صيانة ال 80 الف اليومين الجايين دول (العربية معايا دلوقتي 79009 ) وناوي اغير زيت الفتيس الاوتوماتيك واعمل صانة ال 80 بس بدون تغيير زيت الموتور ومجموعة السيور لاني غيرتها عند 60 الف
كنت عاوز اعرف من حضرتك عملت صيانة ال 80 الف فين؟ وهل زيت الفتيس الاوتوماتيك مفيش منه درجات زي زيت الموتور ولا هو درجة واحدة بس ... وهل تنصحني ب شيل ولا في انواع تانية افضل؟
متشكر جدا لوقت حضرتك