الحمد لله العربية اتخبطت بعد اسبوع من شرائها !

**hazemhany** · 26-03-2013 09:38 AM

الحمد لله ع كل شيء ..عربيتي اتخبطت من واحد حيوان سواق ميني باص النهاردة واحنا بنلف ملف قام زنق عليا ولا كأنه شايفني ...الرفرف اللي قدام شمال دخل لجوة قالولي تترد ع البارد ,,,انا مش عارف اصلحها ازاي ..اوديها التوكيل ولا اي سمكري يعملهالي ...

**ahmedteam** · 26-03-2013 10:21 AM

سمكرى يردهلك ع البارد افضل و سيبها كده حتى لو شكلها مش تمام علشان تاخد العين

**islamnasser10** · 26-03-2013 10:53 AM

قدر الله وما شاء فعل
عارف احساسك ده بتبقي عايز ترجع بالزمن علشان تتفادي اللي حصل
متزعلش نفسك ومفيش عربية في مصر بتسلم من الخبطات والخرابيش وكل حاجة في العربية تقدر تصلحها وترجعها زي الاول بس سيبها تاخد العين فترة وانساها خالص

**محمد طايع** · 26-03-2013 10:59 AM

قدر الله وما شاء فعل
وانا مع راى الأخوه هنا
اى سمكرى يكون كويس هيعملهالك وخليها تاخد العين
وما تنساش تطلع حاجه لله علشان ربنا يباركلك فيها

**speed_magnum** · 26-03-2013 11:04 AM

دا العادي
عارف لو ما اتخبطتش اقلك مش عادي وفي حاجه غريبه
الناس والعين ما تسيبش حد في حاله
وفي مثل ظريف اوي بيقول
حسدوا الأعمى علي طول عصايته

**hossamalsadik** · 26-03-2013 01:14 PM

الحمد لله على كل شيء
العربيه ديه شوية صاج فى الشارع فعرضه لأى حاجه
وديما لما بتكون العربيه جديده او لسى خارجه من توضيب ومفيهاش خربوش الواحد بيكون حريص عليها جدا ويزعلو اى خربوش يحصل لها بس بعد كده بيكون عادى الموضوع
وانا مع راىء الأخوه الأعضاء طلع حاجه لله وسيب الخبطه تاخد العين وأنصحك بقول دعاء الركوب
سبحان الذي سخر لنا هذا وما كنا له مقرنين وانا الى ربنا لمنقلبون

دعاء الركوب

بسم الله
الحمد لله
سبحان الذى سخر لنا هذا وما كنا له مقرنين
وإنا الى ربنا لمنقلبون
الحمد لله . الحمد لله . الحمد لله.
الله أكبر . الله أكبر . الله أكبر
سبحانك اللهم أني ظلمت نفسي ظلما" كثيرا" فأغفر لي
فإنه لا يغفر الذنوب إلا أنت

عند العودة أو النزول من المركبة أو وسيله المواصلات

آيبون ، تائبون ، إلى ربنا عابدون
اللهم أنزلنا منزلا" مباركا" وأنت خير المنزلين

**S O P H O S** · 26-03-2013 02:26 PM

قدر الله وما شاء فعل
راي تشوف سمكري نظيف افضل

**AlGazar2** · 26-03-2013 05:38 PM

المشاركة الأصلية كتبت بواسطة hazemhany

والله لو رجع بيا الزمن مكنتش هعمل حاجة برضه لأنه هوا اللي غلطان انا ايش عرفني انه هيزنق عليا ...الحمد لله ع كل حال وشكرا لمشاعركم الطيبة

بس عارفين الجانب الأيجابي في الموضوع ان قلبي مات بعد الخبطة وبقيت ماشي ولا هاممني بعد ما كنت ماشي احسس :):)

اول حاجة الحمد لله انها جت على قد كده

تانى حاجة بقى ده العادى فى مصر خبطه خفيفه على شويه خرابيش و نغزات فى الصاج ماتعرفش ايه السبب و فى حتت غريبه يعنى

و انت كده كسرت حاجز الخوف خلاص و ان شاء الله مش هيحصل حاجة تانى للعربيه

لو الخبطه مش مطلعه البويه سيبها زى ما هيه كده اول حاجة عشان تاخد العين - تانى حاجة عشان بكل تاكيد هاتتخبط تانى فى نفس المكان الى اترش بعديها على طول ( مش عارف السبب ايه بس دايما كده ممكن حسد برضه ) تالت حاجة بقى عشان ميبقاش اسمها عربيه راشه رفرف لو حبيت تبيع بعد كده هو مبيأثرش اوى لان 99.99% من عربيات مصر راشه رفارف

الموضوع: الحمد لله العربية اتخبطت بعد اسبوع من شرائها !

LinkBack

أدوات الموضوع

عرض

-

-

-

-

المواضيع المتشابهه

العربية اتخبطت و الحمد لله

الحمد لله علي كل شيء , العربية اتخبطت وهي واقفة , ارجو الرأي خصوصا من المهندس طارق

الحمد لله العربية اتخبطت النهارده وعرفت أحسن سمكرى فى مصر (موضوع كامل)

الحمد لله العربية اتخبطت النهارده

الحمد لله العربية اتخبطت

الكلمات الدلالية لهذا الموضوع

المفضلات

المفضلات

ضوابط المشاركة