الهوايات بتطلع هواء علي طول من غير ماشغل المرواح

السلام عليكم اولا
عريتي لانوس ثانيا

رمضان اللي فات التكييف هبلني وقلت لازم اكشف علي كل حاجه ورحت عند الكهربائي عشان احل التلاجه والله يسامحه شال التابلوه كله وطلع عين اهلي وبعد كده اكتشفت ان الكهرئاي الشاطر ممكن يحل التلاجه من عير مايفك التابلوه كله

بغض النظر عن الاصوات اللي طالعه دلوقتي انا لما بمشي بالعربيه بلاقي تيار هواء داخل من الهوايات مع اني مش مشغل المرواح وبيبقي هواء جامد بيسقعني مش زي الأول
ده غير اني لما بجيب المفتاح علي السخن زمان كان بيدخل هواء سخن فعلا اللي جي من الموتور ودلوقتي مفيش خالص وكله هواء ساقع

ياتري في حاجه غلط الكهربائي عملها؟

انا يومها التلاجه طلعت سليمه والسربنينه والعيب طلع في الكمبيروسير وغيرته وبعد شهر الشحن خلص تاني ورحت للراجل كشف ملقاش حاجه باينه خالص قام شاحنلي ببلاش وبعدها باسبوعين برده الشحن فضي تاني ومرضتش اروح تاني عشان الصيف كان خلاص وكنت ناوي ابيع العربيه

دلوقتي شكلي مش هبيع والصيف خلاص داخل ومش عارف هدخلي نفسي تاني في الحوار المهبب ده ولا امشيها من غير نكييف وخلاص ومش عارف السبب بتاع التسريب ايه

ربنا يعينك

عك الصنايعيه حاجه تحبط بجد عن عمل اى حاجه بالذات فى التكييف

عارف انا عربيتى القديمه كانت صنى 83 التكييف كانت فيها اصلى من ساعة ما اتصنعت سربانتينه تمام خراطيم ولا كلمه كباس محترم تلاجه ولا الهوا بس اشترتها التكييف بيقل شويه بشويه بعد فتره

رحت لواحد مشهور ومشكور فيه متخصص تكيفات وبتقف عنده عربيات نحترمه

كشف وكبس الدايره وقالى مقيش حاجه فى الدايره وشحن اسبوع والشحن فضى قالى يبقى العيب من التلاجه رحت فكتها وغسلتها تمام وكبستها مفيش الهوا رحت تانى له كبس هوا وسبت الهوا على كده شهر ورحت تانى له قاس ملقاش تهريب فى الدايره شحن تانى واسبوع وفضى الفريون من تانى حلفت انى مش حعمله ولا ادفع مليم تانى عليه بعد ما خسرت 300 جنيه عليه فى الارض وقعدت على كده 4 سنين كل سنه يعدى عليها الصيف وانا بتشوى وصبرت قصاد قهر وجهل وفهلوة الصنايعيه

وبعت العربيه على كده وانا مصارح الى اخد العربيه بالى حصل

تحياتى

المشكله ان اللي ربنا ينتقم منه اللي باعلي العربيه قالي ان التكييف محتاج يتشحن بس وكل صيف بصرف مش اقل من 1000 جنيه عليه وبرضه يفصل لحد اخر مره دي فضلت مع الصنايعيه والله من الساعه 9 الصبح لتاني يوم الفجر وفي رمضان والحر ورحت تاني كملت تاني يوم للمغرب وفضل شغال شهر زي الفل وبقيت مبسوط قوي وحسيت ان تعبي جه بفايده لحد ماسمعت الصوت الكئيب بتاع التنفيس ساعتها كنت هعيط واتجنييت اكتر لما رحت لبتاع التكييف معرفش يطلع اي تسيريب قام شاحن وبعديها باسبوعين سرب تاني

الراجل كتر خيره شحنت يجي 4 مرات ببلاش

في اليوم اللي في رمضان ده سبحان الله كل حاجه كانت ملطشه لدرجة ان المهندس بتاع التكييف قام مزعقلي وقالي فيه ايه يابني انت مالك ملطشه معاك كده ليه؟ انت ايه حكايتك؟ ودخلت فضلت احكيله وهو يحكيلي وبقيت صعبان عليه هههههههه

هو السخونة اللى داخله عليك يمكن سببها انك مشغل زرار ان الهوا يتجدد من الخارج مش يتقلب جوا الكابينه فعشان كده داخلك كل الحراره بتاعت بره

http://img546.imageshack.us/img546/456/42059504.jpg

الزرار اللى اقصده هو اللى فى مجره تحت فوق الكاسيت مش اللى عليه السهم (دى صوره توضيحيه فقط)
لو زى مافى الصوره ناحية اليمين يبقى بيقلب الهوا جوه الكابينه لو ناحية الشمال يبقى كده بياخد الهوا من الخارج ويدخله للعربيه
فأعتقد ده سبب مشكله دخول الهوا الخارجى عندك
لو انت عندك يمين زى شمال يبقى بوابات الهوا فيها مشكله ومبتستجبش للزرار ده

نصيحة فموضوع التكييف
لو هتروح لحد بتاع تكييف لازم يكون معرفه حد عشان يهتم بيك غير كده هتعانى..اسأل مجرب

الزرار عندي علي اليمين وبحس باستجابته لاني بشوف تغير مسار الهوا

والهواء مش بيبقي سخن ده بيبقي بارد مش عارف ازاي

ماترحش لكهربائى لازم تروح لصنايعي متخصص فى تكييف السيارات ودول كتتتتتتتتتتتتير