مش عارف أسوق ساعدوني

**m_abdelrahman** · 26-03-2013 03:02 PM

أنا عاوز نصيحتكم
أنا لسة بسوق سكوتر جديد و بغلط غلطات خطيرة و عاوز حد يساعدن أتفاداها
1.مبعرفش أقدر المسافات كويس و ده بيخليني معرفش أسوق في أماكن زحمة و الأشارات بتتعبني و بفرمل على آخر لحظة ببقى خلاص هلبس في العربية اللي قدامي بس ربنا بيستر لأني بمشي على مهلي و ناس كتير زعقت و قالت متفرملش مرة واحدة.
2.دايما بلاقي عربيات بتيجي من ورايا و تبقى جنبي و قريبة أوي و مش باخد بالي فجأة بلاقيها لازقة جنبي و بتجري و ده بيربكني أتصرف أزاي؟
3.الموتسكلات بتيجي من ورايا دايما زي العربيات و المكان بيبقى ضيق جنبي و بيبقى خلاص هنلبس في بعض ده عيب فيا و لا اللي جي من ورايا هو اللي بيزنق نفسه؟
و دايما العربيات و الموتسيكلات اللي بتيجي من ورايا دي بتيجيلي من شمالي.
4.مبعرفش أحود كويس خاصة لما أكون بلف عشان أخد الأتجاه التاني من الطريق بنزل رجلي ده صح و لا غلط؟
و كمان الأسكوتر بيفلت مني و أنا بلف لأني بديلو بنزين خفيف فبيرمي مني يمين أوي أو شمال أوي.
و بنزل رجلي و بفرمل مرة واحدة و منظري بيقى يكسف.
ياريت تساعدوني قبل مقع في مشكلة و أتضر أو أضر حد.

**CaptaiN-AhmeD** · 26-03-2013 05:20 PM

ياباشا طالما جديد يبقى اتدرب في اماكن مفتوحه او بليل اوي ف اماكن فاضيه او مفهاش زحمه لحد ماتحس انك متمكن خش ف الزحمه وربنا يسترها معاك
دي نصيحتي رغم اني بكره حاجه اسمها اسكوترات وموتسيكلات وريسات واي حاجه بعجلتين عشان خطيره جدا

**SaSa.FireBlade** · 26-03-2013 08:26 PM

How to ride a motorcycle (pt1) - YouTube اتفرج على الفديو دة هيفيدك انشا الله

**m_abdelrahman** · 26-03-2013 10:17 PM

المشاركة الأصلية كتبت بواسطة sasa.fireblade

how to ride a motorcycle (pt1) - youtube اتفرج على الفديو دة هيفيدك انشا الله

تسلم يا معلم على الأهتمام و الرد.
بس ده مركز على الغيارات و الأسكوتر مفيهوش غيارات.
و المشكلة عندي في التعامل مع الآخرين أكتر ما هى مشكلة سواقة.

**m_abdelrahman** · 26-03-2013 10:21 PM

المشاركة الأصلية كتبت بواسطة captain-ahmed

ياباشا طالما جديد يبقى اتدرب في اماكن مفتوحه او بليل اوي ف اماكن فاضيه او مفهاش زحمه لحد ماتحس انك متمكن خش ف الزحمه وربنا يسترها معاك
دي نصيحتي رغم اني بكره حاجه اسمها اسكوترات وموتسيكلات وريسات واي حاجه بعجلتين عشان خطيره جدا

الأسكوتر مش خطير للدرجة اللي تخوف أقصى سرعة ليه 90 كيلو في الساعة و موتوره 150 سي سي.
اللي قلقني التعامل مع الناس مش الأسكوتر.

**magic_rock** · 26-03-2013 11:19 PM

بص يا معلم انت انسا خالص تسوق وسط ناس عشان انت هتتضر وهتضر غيرك وتضر اللى راكبها لقدر الله اهم حاجة دلوقتى تسوق فى اماكن فاضية تماما تتعلم ازاى تتطلع وازاى تدى غيار صح وازاى تفرمل بهدوء من غير متكبس مرة واحدة عشان اللى وراة جاى سريع لو خبطك انت اللى غلطان مش هوا وانت اللى هتدفع كمان لو حصل ف عربيتو حاجة عندك اشارات ومرايات استخدمهم صح وازاى تدى اشارات لو انت ف الشمال وشايف اليمن فاضى تدى اشارة يمين وتحود واحدة واحدة وتبص على اللى جاى من اليمن قبل متكسر وعكسو ف الشمال والاشارات مهمة جدا وانت بتقول الحاجة بتيجى من ورايا سريعة بتلخمك انت يا تمشى ف اليمين يا فى الشمال بلاش ف النص وانسا برضو تسوق ع طرق خالص عشان لقدر الله ميحصلش حاجة وحشة ليك او للغير اتعلم الاول صح واما تبقة تمام التمام مش تمام بس اطلع ع طريق وواحدة واحدة كمان تحياتى ليك وربنا يستر طريقك ......مصطفى

**OMAR61995** · 27-03-2013 12:04 AM

روح مكان فاضى و لف شويه
و اعمل لنفسك مواقف و حاول تتصرف فيها
يعنى هدى واحدة واحدة كأنك هتقف فى إشارة , كأن فى عربيات راكنة و أنت بتفاديها ....
كده يعنى
و لازم تدرب نفسك على الطلعة و المشى البطىء و الوقوف زى الاشارات
و لازم تحس بالسكوتر و أنت سايق و تحس بسرعتك و تقدر المسافات و محتاج فرامل قد ايه

و أهم حاجة اوعى تخاف أو تتعقد عشان لو حطيت فى دماغك أنك هتغلط يبقى هتغلط
و كل حاجة هتيجى بالممارسة و بعد كده هتلاقى نفسك بتسوق من غير تفكير
ربنا يوفقك

**shaawa_dj** · 27-03-2013 01:00 AM

المشاركة الأصلية كتبت بواسطة magic_rock

بص يا معلم انت انسا خالص تسوق وسط ناس عشان انت هتتضر وهتضر غيرك وتضر اللى راكبها لقدر الله اهم حاجة دلوقتى تسوق فى اماكن فاضية تماما تتعلم ازاى تتطلع وازاى تدى غيار صح وازاى تفرمل بهدوء من غير متكبس مرة واحدة عشان اللى وراة جاى سريع لو خبطك انت اللى غلطان مش هوا وانت اللى هتدفع كمان لو حصل ف عربيتو حاجة عندك اشارات ومرايات استخدمهم صح وازاى تدى اشارات لو انت ف الشمال وشايف اليمن فاضى تدى اشارة يمين وتحود واحدة واحدة وتبص على اللى جاى من اليمن قبل متكسر وعكسو ف الشمال والاشارات مهمة جدا وانت بتقول الحاجة بتيجى من ورايا سريعة بتلخمك انت يا تمشى ف اليمين يا فى الشمال بلاش ف النص وانسا برضو تسوق ع طرق خالص عشان لقدر الله ميحصلش حاجة وحشة ليك او للغير اتعلم الاول صح واما تبقة تمام التمام مش تمام بس اطلع ع طريق وواحدة واحدة كمان تحياتى ليك وربنا يستر طريقك ......مصطفى

كلامك مظبوط ميه ميه يا درش

اهم حاجة يا مان متمشيش اليومين دول خالص ولا ع المحور ولا الدائرى ولا اى طريق سريع

ومتقلقش كلها اسبوع او اتنين وهتبقى سواق عالمى

**m_abdelrahman** · 28-03-2013 02:12 AM

magic_roc OMAR61995 shaawa_dj
شكرا يا شباب على الأهتمام و الرد

**SpeeRace** · 28-03-2013 04:25 PM

مع كامل احترامى لكل الردود وكل الناس اللى اهتمت انا هقولك على حاجه .. لو فضلت 100 سنه تعلم عن طريق انك تقرا او حد يقولك ازاى تسوق فى رد عمرك ما هتتعلم .. ملخص الكلام شوف اى حد تعرفه ويعلمك السواقه عملى .. ولا القرايه هتعمل حاجه ولا الفيديوهات هتاكل .. ولو انت ساكن قريب من مدينة نصر اتصل بيا أعلمك فـ سوق السيارات وانا هعمل كده لوجه الله مش عاوز فلوس .. كفايه دعوه حلوه أنى ادخل كلية هندسه :)
كلمنى لو تحب أعلمك ( مجانا ) 01113256357 اسمى عبدالرحمن سمير