الموضوع: لخبراء السوزوكي ماروتي برجاء الرد :(

الفتيس بتاعها تقيل شوية دا الطبيقى متقلقش وخصوصا عالاول ومع الوقت هتتعود عليه اما بالنسبه لانك بترجع لورا والموضوع صعب بالنسبة لايه ؟ للنقلات ؟ ولا فى خشونه ؟

اما بالنسبه للتوكيل والضمان انا جربت الوكيل مرتين او تلاته واتخنقت من المعامله هناك وبقيت بعملها الصيانه عند ميكانيكى وعموما طالما العربيه زيرو ماتقلقش وبعد الالف روح التوكيل واعمل صيانة الزيت والفلتر وقول لهم على اى ملاحظات عندك

المشاركة الأصلية كتبت بواسطة micromoud

الفتيس بتاعها تقيل شوية دا الطبيقى متقلقش وخصوصا عالاول ومع الوقت هتتعود عليه اما بالنسبه لانك بترجع لورا والموضوع صعب بالنسبة لايه ؟ للنقلات ؟ ولا فى خشونه ؟

اما بالنسبه للتوكيل والضمان انا جربت الوكيل مرتين او تلاته واتخنقت من المعامله هناك وبقيت بعملها الصيانه عند ميكانيكى وعموما طالما العربيه زيرو ماتقلقش وبعد الالف روح التوكيل واعمل صيانة الزيت والفلتر وقول لهم على اى ملاحظات عندك

اولا : شكرا لحضرتك على الاهتمام والرد :)

ثانيا : الفتيس تقيل شوية في النقل للتاني وبرضوا وانا برجع لورا .. مش عارف بقا مش متعود عليه لسة ولا ايه ؟؟
بس انا حاسس انه تقيل برضه وانا بجيب لورا :)
لاكن باقي النقلات سهلة شوية والحمدلله

ياعني انا كده اطمن وعادي ، ولا في حاجة بتتعمل مثلا عند اي ميكانيكي ؟؟

اتطمن وطالما العربيه لسه زيرو اى جاجه تتعمل فى التوكيل متقلقش

انا لاحظت ان كل الناس بتشتيكي من الفتيس ياريت يكون لة حل

فيه ناس كتير بتشتكى من تقل فتيس الماروتى...بس الكلام ده للى متعود على العربيات الجديدة

لازم حضرتك تدوس الدبرياج للآخر عشان حاجتين:

- تحافظ على عمره
- تنقل صح و بسهولة و بإذن الله تلاقى الموضوع سهل جدا

نقلات الماروتى سلسة جدا طول ما السواق بيدوس الدبرياج للآخر.

أما بالنسبة لإن الشاهين أنعم من الماروتى فأظن إن دى الشاهين المعدلة مش الأصلى لأن التركى الأصلى زيها زى كل الفيات ... تقيلة و محتاجة مجهود ودى برضه جربت نقلاتها بنفسى

الغيار الخلفى فى أول استعماله بيحتاج ضغطة خفيفة أوى لتحت - مش سوستة زى الفيات 126 مثلا لكن بيحتاجها - و بعد فترة حتلاقى إن الغيار بقى عادى جدا و بيجى بسهولة

أنا بقول لحضرتك الكلام عن تجربة و عربيتى برضه جبتها زيرو

مع تحياتى

المشاركة الأصلية كتبت بواسطة micromoud

الفتيس بتاعها تقيل شوية دا الطبيقى متقلقش وخصوصا عالاول

الكلام ده فى المستعمل بس...الغيار الأول ناعم جدا فى الزيرو لدرجة إن أنا كان ممكن أنقل عليه و أنا ماشى على 60-70 ... مش صح طبعا بس عملتها مرة أو اتنين فى أول سواقتى

دلوقت بعد 13000 كيلو مستحيل ييجى إلا لو ماشى على 20 أو أقل :)