السلام عليكم ورحمة الله وبركاتة

انا تعبت من قطع الغيار والله العظيم كل ما ادور على حاجه مش موجوده

جبت مقصين استعمال بالعافيه بطلوع الروح والله العظيم وطلعو مش بتوعها علشان البيه مدينى بتوع الكيا برياد بعدين رجعتولى ادانى بتوعها واتعاركت معاه علشان غبى

وامبارح مسمار المقص فلت والمقص وقع والكوبلت ملص من الصليبه الداخلى الله ينتقم من اللى ربط المقص

وقعدت ادور على صليبه مافيش لان طبق من بتاع البليه فلت وكان لازم نعمل جلبه ليها والميكانيكى عمل جلبه حديد وعملها ورد بسلك رباط مؤقتآ حتى الكوبلن مش لاقى منه لا استعمال ولا جديد مش عارف بصراحه اعمل ايه انا تعبت والله

والردرياتير مش لاقيه لقيت واحد عايز يدينى بتاع المازدا بس الاتوماتيك قولتله اشطه بكام قالى 400 جنيه قولتله والله ما ادفع غير 200 نزل معايا لحد 300 وانا ربطت على الكلمه لان كمان المساوره كانت بعيد وكان هيعدل العلبه اللى تحت

فعلشان كده مسكت على كلمتى

والسربانتينه الماسوره مكسوره ولازم اغيرها لانها كلها مصديه وطالع عينيها انا مش عارف بقى اجيب الكبالن والردرياتير والسربانتينه منين انا بجد زهقت وكل شويه على صلاح الدين لما اتخنقت ويارتينى بروح بحاجه مفيده برجع يا مولاى كما خلقتنى

انا عايز اعدل الردرياتير اى حاجه تمشى معاه هو والسربانتينه مش مشكلة بس اى حاجه تمىشى معاه بس اهم حاجه الكبالن وحاجة العفشه انا زهقت منها عايز اجدد العفشه مش عارف لانى قلقان منها كمان ويعنى لو الكوبلن كان طقطق ماكنتش هعرف اعمل حاجه وكانت هتفضل واقفه كده

لا حول ولاقوة الا بالله ساعدونى الله يباركلكم