ايدي بها شد بقالها فتره من الجيم

انا كنت مش بنزل الجيم بقالي كتير
ونزلت من فتره و زودت علي نفسي شويه في الاوزان في تاني اسبوع
المهم ايدي الاتنين و الاكثر اليمين شدت جامد و كانت سخنه
وكانت العروق نفره كذا اسبوع
ومش بقدر استعملها جامد بالاخص اليمين و بتتعبني لو عملت حاجه فيها مجهود عضلي
حطيت مرهم في كول و كنت بعمل كمدات سخنه قبليها

انا بقالي حوالي شهر او اقل ايدي طبعا اتحسنت كتير
بس قولت انزل الجيم تاني و عمال اسخن بالدانبلز و العب ضغط في البيت علشان اشوف ايدي هتعمل ايه

هي ماشي حالها بس اليمين بتسخن عن الشمال بفرق

انا مش عارف ايه المشكله الظبط و اعمل ايه
انزل عادي الجيم ولا لأ

ما فيش حد من الدكاتره يرد عليا!!!!!

استعمل مرهم "اولفين"
او مرهم "فولتاريين" ودة جميل جدا جدا

اللي اعرفه ان الفولتارين و الحاجات ديه ذي المسكن فقط
انا مش عايز مسكن
عايز حل انها تبقي عاديه و اعرف انزل الجيم عادي و ماتتعبنيش
عماله تسخن و حاسس بشد خفيف اليومين دول علشان قعدت العب شويه في البيت
ا

يا باشا انتا فاهم الموضوع غلط

طول ما فى الم طول ما يكون فى تورم اكتر وياخد فترة اكبر

لازم تخدر المنطقة دى عشان تديها فرصة انها تبداء تعالج نفسها بنفسها وتموت الخلايا التالفة وتتجدد

العملية انك بتوقف الالم وبالتالى الالتهاب يبتدى يقل لحد ما يختفى ويختفى معاة التورم

خلاص تمام اجيب فولتارين
انا مخنوق من ايدي جدا و عايز انزل الجيم و مش عارف

بس الغريبه انها كانت اتحسنت و مش بتتعبني
اول ما بدات اسخن لعب في البيت بدأت تاني

الف شكر يا باشا

سلامتك الف سلامة يا عمر باشا
صحيح اسموا ايه الجيم الي انتا بتروحلوا وفي انهي حي قولتلي !

الله يسلمك يا باشا
بروح الجيم بتاع النادي
نسيت الموضوع اللي كنت بدور فيه علي جيم!!

ياريت حد من الدكاتره يرد عليا
الموضوع زاد معايا
من يوم اضطريت اعمل حاجه بالشكوش الكبير (المرزبه)
و ايدي تعبتني و العروق نفرت تاني و بقي فيه حرقان
قعدت اقرأ شويه علي النت و لقيت انه ممكن كمان فيه التهاب في الاعصاب او نقص فيتامينات الاعصاب
اخدت الصبح حقنه بي 12
وبدهن بفولتارين
ولسه ايدي بتحرقني غير العضل تاعبني
انا عايز حد يقولي حتا اروح لدوكتور ايه
اعصاب ولا اي حد ليه علاقه بالعضل برضوا

هو الموضوع كلة انك مبتعملش مجهود كبير كل يوم او شغلك لا يحتم عليك العمل باستخدام العضلات

فلما مثلا تبقى عايز تعمل شغل بنفسك ويكون الشغل محتاج قوة زى ما انت بتقول شغل بالمرزبة اكيد اكيد ها تتعب جامد والعضلات والاعصاب ال مش واخدة على الشغل دة ها تتعب جامد

دة طبيعى جدا جدا بس لو كنت على طول شغلك وطبيعة يومك فيها شغل شقى بالتعود مش هيحصل حاجة زى كدة

مثال تانى انت بتروح جيم واغلبية الناس بتهتم بالجزء العلوى من الجسم وخلاص اخدت على الاحمال
لما تيجى مرة وتقول عايز اللعب رجل...... هيحصل معاك تعب جامد جدا لانك مش معود الجزء دة على التحميل علية

بخصوص العلاج
انت جربت فولتارين ومعملش حاجة ودة لان انتا جربتة قبل كدة زى بالظبط المضاد الحيوى لو جربت نوع لاول مرة يجيب معاك نتيجة لو جربتة بعد فترة هوة هو مش هيعمل حاجة

جرب نوع تانى مختلف وان شاء الله يعمل مفعول
مثلا "الاولفين"

وخد معاة"اقراص ديمرا" dimra

دواعى الإستعمال

يعطى ديمرا تأثيرا سريعاً فى إزالة الألم وإستعادة حركة العضلات فى الحالات المصاحبة لألام وتقلص العضلات للأسباب مختلفة
ألام العضلات
الصداع الناتج عن شد العضلات
الإلتهابات الروماتزمية وإلتهابات العظام واللمباجو
ألام الطمث
آلآم ما بعد الولادة


[shfaf2]http://www.agzakhana.com/images/detailed/9/Dimra.jpg[/shfaf2]

الف سلامة لو فى تورم فى ايدك ممكن تاخد امبيزيم اقراص ثلاث مرات فى اليوم وتدهن كريم اكس تروما دى ان ايه وتاخد ميلجا اقراص ثلاث مرات فى اليوم وخد كمان كولماتيدين اقراص هات شريطين خد منه ثلاث مرات فى اليوم لو بعد دا كله فى تنميل او الم فى اليد اعمل رسم عصب اوسط وريح ايدك شوية

انا ماشي علي الفولتارين بقالي اسبوع
سألت دكتوره علي الاعراض اللي عندي
قالتلي نقص فيتامين بي 12 و اخد كل ثلاث ايام حقنه
لأن انا دلوقتي الاعصاب في ايدي و في رجلي بتحرقني و تعباني
انا هكمل فولتارين مع الحقن و اشوف في نتيجه ولا لأ
لو مالقتش هشوف اغير واجيب الاولفين
و اشوف الديمرا
انا مش بحب اصلا االحقن ولا الادويه و قليل جدا لما بستخدمهم
فا مش عايز اخد حاجات كتير

غير اني شاكك بقالي فتره عندي سكر او ضغط بشويه اعراض بتجيلي احيانا و جاتلي امبارح
وهحاول اقيس الضغط و السكر و اتأكد

والف شكر

اقتباس:

---

المشاركة الأصلية كتبت بواسطة ahmedsrs

الف سلامة لو فى تورم فى ايدك ممكن تاخد امبيزيم اقراص ثلاث مرات فى اليوم وتدهن كريم اكس تروما دى ان ايه وتاخد ميلجا اقراص ثلاث مرات فى اليوم وخد كمان كولماتيدين اقراص هات شريطين خد منه ثلاث مرات فى اليوم لو بعد دا كله فى تنميل او الم فى اليد اعمل رسم عصب اوسط وريح ايدك شوية

---

الله يسلمك

انا مش عندي تورم انا العضل بيشد و دلوقتي الاعصاب بتحرقني و العروق نفره
و سألت ايه ارتباط العضل انه بيوجعني لما احمل عليه بالعصب
الدكتوره قالتلي ان العصب هو اللي بيخلي العضل يقدر يتحمل
همشي علي الادويه و اشوف ايه النتيجه وربنا يكرم

الف سلامة حبيبى

اوقف كل الادوية نهائى ...... انا معرفش انك ممكن تكون بتعانى من السكرى
التهاب الاعصاب والاوتار بالنسبة لمرضى السكرى مختلف نهائى عن اى شخص اخر

رجاء الحذر.... اوقف تماما كل انةاع الادوية وانتا محتاج تحلل الاول ويارب يكون خير


اتمنى لك الشفاء من كل قلبى

الله يسلمك
هقيس السكر و الضغط
لأن معظم الوقت بقالي كتير عنيا بجيلها ذي شبوره بس مش ذي بتاعت المايه البيضه
انا قريت علي الموضوع ده ولقيت انها احتمال سكر
غير اني دوخت جامد من غير سبب امبارح فتره
وكنت بنهج جامد و مش عارف اخد نفسي كويس
وعندنا العيله بيجيلها ضغط و سكر وراثه كتير
غير اني بشرب اي حاجه بسكر عالي و مقلق من كثرته
عندي اعراض سكر علي ضغط ربنا يستر

نسيت كمان
انا الفتره اللي فاتت لما كنت بنزل الجيم كان بيجيلي هبوط احيانا
و وشي يصفر مع اني واكل كويس
وكنت بلعب عادي كويس