الموضوع: تقرير صيانة 10000ك صني 2012 توكيل السبع

يوم السبت الفات روحت مركز صيانة السبع الساعة 9 الصبح وكنت حاجز ابليها ميعاد الصيانة وقبلت مهندس احمد ناجي وهوا شخص محترم وكان عندي ملاحظة صوت زنة في الباب الجنبي لما امشي علي طريق مكسر او اشغل اغاني فيها صوت طبلة عالي وقلي هيشوفو الموضوع دا المهم خدو العربية واستلمتها منهم الساعة 11.30 وقلتلو اية التعمل قي العربية قلي :
1- تربيط العفشة
2 - الكشف على الانوار والزيوت ومياة التبريد
3 - تزييت مفصلات الابواب
4- تغيير الزيت والفلتر طبعا شيل الترا 10000ك
5- تغيير سماعة الباب وقلي هيا دي العملو الزنة ودي في الضمان ومدعتش حاجة عنها
اجمالي التكلفة 500ج
طبعا حد هيقولي مرحتش لية اوتو ايجيبت عشان العرض العملينو
انا مشكلتي اني موسوس شوية انا فعلا كنت حجزت معاهم وقلولي هدفع 285 ج بس ثمن المصنعية لكن طبعا مع العروض الضغط عليهم بيكون جامد فخفت يكروتو العربية مع ان دا مستبعد لكن هي وسوسة .
المهم استلمت العربية من السبع وكلة تمام والزنة راحت وتاني يوم وانا نازل بالعربية سمعت الصوت تاني اتجننت ولقيت نور الاستوب مش منور اتخنقت لقيتهم بيكلموني بعديها وبيقولولي اخبار الصيانة اية قلتالهم على المشكلة قلولي تعالى على طول نحلهالك وفعلا رحتاهم النهاردة الساعة 11 المركز كان على اخرو قبلت المهندس احمد وطلع معايا سمعتو صوت الزنة لما بشغل الكاسيت وهوا صوت واطي اوي متسمعوش عير وانت قافل ازاز العربية المهم خد العربية وعشان الزحمة الشديدة استلمتها الساعة 3 وفعلا الصوت راح وسالتو كان صوت اية دا قلي صوت سيخة الكالون هي البتزن و عملوها وعملو نور الاستوب و طبعا مخدوش ولا مليم .

المشاركة الأصلية كتبت بواسطة khaled.elameer

ألف مبروك و ربنا يبارك لك فى العربية بس ممكن حضرتك تقولنا مشكلة التيل الأمامى و الصاجة الخلفية ظهرت معاك ؟ و ربنا يحفظك من كل سوء إن شاء الله

انا العربية عندي الشكل القديم ومظهرش فيها المشاكل دي الحمد لله