ما هو الفرق بين الكتاوت والفيوزات وهل هناك انواع فى السوق
ما هو الفرق بين الكتاوت والفيوزات وهل هناك انواع فى السوق
الفيوز عبارة عن اكن فى سلكة مقطوعة وعايز توصلها بس عايز تعمل حماية يعنى لو التيار شدتة زادت عن حد معين يحصل ان الدايرة تقطع او تفصل فبيتحط الفيوز وبيكون بامبير معين لو زاد الفيوز يقطع وبالتالى حماية الجزء ال رايحلة الكهرباء
والفيوز بيكون على الاطراف الموجبة مش الارضى
والاستهانة بة يعرض القطع المهمة للتلف
بالنسبة للكونتاكتور او الريلاى
دة عامل زى المشترك يدخلة فردتين كهرباء ارضى وكهرباء
ويخرجهم بس بفولتات مختلفة حسب الحاجة لاكثر من مكان
وبردة بيبقى فية حماية يعنى لو زاد التيار عن حد معين يبوظ
وكمان بيتحكم فى الفولت يعنى بيدخلة 12 فولت يقد يحولها الى 6 او 5 او 3 او ......
عن طريق ملف سلك نحاس بداخلة
تشبية افضل هو عبارة عن ترنس زى بتاع الموبيل كدة ياخد 220 فولت ويحولها لـــ 6 فولت او ايا كان
ارجو ان اكون افدتك
انا هقول الموضوع ببساطة وبدون تعقيد
الكتاوت هى زى محول الطاقة (الترنس) اللى بياخد الكهرباء من المصدر ويقويها على قد القيمة اللى بيحتاجها الجهاز اللى انت عايز تشغله
مثال: اللمض ذات الواط العالى (زينون او هالوجين) والكلاكس زى الكلاكس ال mixo ودوول بيحتاجوا كهرباء ازيد شوية عشان يطلعوا قوتهم كاملة زى فكرة الامبليفاير (amplifier) عشان يضخم صوت ال sub-woofer لأن واط الكاسيت لوحده ميقدرش يطلع كل قوة ال sub
الفيوز هو عبارة عن زرار امان زى فكرة زراير الكهرباء الاوتوماتيك اللى بتكون فى بيت كل واحد فينا اللى بتفصل الكهرباء لو الجهد الكهربى زاد عشان متحرقش الاجهزة
ولو طبقنا الموضوع ده فى العربية هنلاقيه مثلا فى فيوز الكشافات عشان لو ركبت لمبة بواط عالى غير متناسب مع كهربة عربيتك الفيوز يفصل على طول ويحرق نفسه عشان ذراع النور ميسخنش ويتحرق
لو حابب تركب لمض او كلاكس اعلى فى الجهد الكهربى من فبريكة العربية يبقى لازم يركب على كتاوت عشان ميبقاش حمل على الضفيرة وبالتالى الزراير
ومتغيرش الفيوز اللى فى عربيتك بفيوز مقاومته مختلفة عن الفبريكة عشان برده هيؤدى الى نفس المشكلة لأن كل فيوز ليه رقم مقاومة معين حسب الجهاز اللى راكب عليه
الشباب ربنا يبارك فيهم قاموا بالواجب وزيادة
الله المستعان
،
،
ايه افضل الانواع فى مصر ولا اشترى من بره
اقتباس:
المشاركة الأصلية كتبت بواسطة buddha
هو الحقيقة كل الكلام عن الفيوزات سليم لكن !!!! عن الكتاوت او الكت اوت غير سليم لان الكتاوت عبارة عن switch يعنى مفتاح بمعنى انا عايز اشغل نور الفوجات بس يكون النور السهارى شغال اعمل ايه استخدم الكتاوت , الكتاوت عبارة فى الاغلب الاعم اربعة ارجل و ساعات خمسة انا هتكلم عن الاربعة فيه رجلين بياخدو سالب و موجب و دول بيقفلو الدايرة بتاعت ملف الكتاوت بحيث انه يعمل زى المغناطيس و يشد الدراع اللى متوصل بين الرجلين الاخريين فيوصل الكهربا من طرف رجل الى الرجل الاخرى يعنى لو وصلنا موجب النور السهارى و سالب مفتاح الفوجات هيقفل دايرة الملف و يوصل الرجل اللى جاية من البطارية مع السلك اللى واصل الى الفوجات فتنور و طبعا ليه قوة تحمل تقاس بالامبير ذى الفيوزات بالظبط علشان لو حصل سحب عالى عن المفترض للدايرة الكهربية او قفلة الكتاوت هو اللى يبوظ و لكن فى طبعا حاجة اامن انك تحط فيوز قبل الكتاوت علشان هو اللى يضرب و تحافظ على الكتاوت لان الفيوز تمنه اقل بكتير من الكتاوت و ارجو انى اكون افدتكم و دى بعض الروابط لتوضيح طريقة عمل الكتاوت و هو مفتاح فقط و ليس لتقوية شدة التيار او تضخيمها كما يقول بعض الكهربائية.اقتباس:
المشاركة الأصلية كتبت بواسطة Karim Ibiza
[youtube]www.youtube.com/watch?v=zY7XXSG6nbo[/youtube]
How Relays Work
Working of Relays-How Relay works,Basics,Design,Construction,Application
HowStuffWorks "How Relays Work"
بصراحة ... حاجة تفرح الله ينور .
ودة الطبيعى من رجالة المنتدى
شغل جامد، بس انا تهت كدة
من افضل انواع القطع الكهربائية "متسوبيشى"
مش العربية لا شركة متسوبيشى ليها فروع لانتاج الكابلات ومختلف المكونات الكهربائية
وكمان الانواع الهندى دى بتتفوق على الايطالى والالمانى
http://t0.gstatic.com/images?q=tbn:A...hhmYOuyc0bdiYw
http://i.ebayimg.com/t/Mitsubishi-RE...mM5Nzw~~_3.JPG
كان فين الموضوع دة من زمان قبل ماتروح فلوس صابر وذراع النور اللي حلتي يتحرق
اللون الاحمر مخصص فقط للمداخلات الاشرافية والادارية
مشرف 6 ب
1.39am
29/3/2013