هو المؤخر بقى كام دلوقتى .........!!!

**Hossam_Hassan** · 08-08-2008 06:36 PM

المشاركة الأصلية كتبت بواسطة Noha-M

I think 50,000 is fair enough .

الرأى ده لينا ولا لخطيبك يا نهى؟

**Hossam_Hassan** · 08-08-2008 06:41 PM

طب كام سؤال مهم علشان اللى ظروفه لا تسمح

1 - لو الواحد مادفعش المؤخر فى حياته، ياترى اعلام الوراثة بيتعمل فيه حساب المؤخر كدين على المتوفى؟

2 - هل من حق الزوجة تتنازل عن المؤخر؟

3 - لو الزوج توفى، ياترى اللى هترثه الزوجة لو كان اكتر من المؤخر بيعتبر تسديد للدين ده؟

**ahmed1981** · 08-08-2008 07:10 PM

المشاركة الأصلية كتبت بواسطة Hossam_Hassan

1 - لو الواحد مادفعش المؤخر فى حياته، ياترى اعلام الوراثة بيتعمل فيه حساب المؤخر كدين على المتوفى؟

إعلام الورثة يكتب فيه أسماء الورثة

المشاركة الأصلية كتبت بواسطة Hossam_Hassan

2 - هل من حق الزوجة تتنازل عن المؤخر؟

يجوز ولكن بطيب نفس كامل
أما لو أن هناك شبهة سيف الحياء فلا يجوز

المشاركة الأصلية كتبت بواسطة Hossam_Hassan

3 - لو الزوج توفى، ياترى اللى هترثه الزوجة لو كان اكتر من المؤخر بيعتبر تسديد للدين ده؟

لا
ما ترثه الزوجة هو حقها الشرعي في الميراث من زوجها
أما المؤخر فهو دين على الزوج
وفي حالة أنه لم يكتب وصية بأن يخصم المؤخر من الميراث قبل توزيع الميراث ودفعه لزوجته فيعتبر أكل حقها ولم يوفي بالدين
ويظل مأسوراً في قبره حتى يدفع أحد عنه دينه
وكان النبي صلى الله عليه وسلم في بداية الأمر لا يصلي على ميت عليه دين
ولكن بعدها كان النبي صلى الله عليه وسلم يسدد الدين ويصلي عليه

**noble911** · 09-08-2008 12:26 AM

اختي اتكتب لها 30 الف
وجوزها ضرب طناش علي القايمة
و اظن العيب علي الكبار اللي اتفقوا مع بعض

**AhmedGen2** · 09-08-2008 12:38 AM

هو من حق أهل العروسة معرفة حجم الرصيد البنكى للعريس؟.

**Ghamrawy** · 09-08-2008 01:06 AM

ايه ده ؟!!!!! مزاد ده ولا ايه ؟!!! هو حاتبقى ديون قبل الجواز و ديون بعد الجواز كمان ؟؟؟ دى عيشة ايه دى ؟؟
شبكة ماشى ،مهر(مقدم) ماشى ، قايمة بتبقى حسب العرف و المستوى الاجتماعى و فى ناس بتلزم العريس انه يكتب الحاجات اللى هو جايبها فى القايمة (الذهب (تانى) و مع انه فى حوزة العروسة،الاجهزة،المطبخ،ال نجف،فرش اوضة أو اتنين)
المؤخر بقى يبقى فى حدود المعقول و أقل القليل لو أمكن علشان الفلوس مش هى فرامل الطلاق و لا من اسباب تصنع السعادة و حسن العشرة.

المشاركة الأصلية كتبت بواسطة IslamGen2

هو من حق أهل العروسة معرفة حجم الرصيد البنكى للعريس؟.

هو ده اللى ناقص

*نصيحة أخيرة : قوله بلاش يتجوز و يريح دماغه

**Islam_galal** · 09-08-2008 01:45 AM

كان حد سأل مرة ليه انتشر زواج الأجنبيات في مصر
حد لسه مش فاهم

**yahyanaabil** · 09-08-2008 01:58 AM

انا خواتى اكتبلهم 10 الاف ولا كتبنا قايمه ولا بتاع ولو حصل خلاف كل واحد بياخد الحاجه اللى جابها القايمه ديه حاجه انا مش مقتنع بيها اساسا وبعدين المأذون على حسب ما أعرف بياخد 3% من المؤخر صحيح الكلام ده

**Islam_galal** · 09-08-2008 02:24 AM

أنا عن نفسي و لا مؤخر و لا قايمة
و لما لقيت المهر كله اخده ابو العروس كالمعتاد و لعلمي ان المهر هو حق للعروس و ليس لأهلها (كما هو العرف الآن) ، أضفت عمرة كجزء اضافي للمهر بعد الزواج و الحمد لله انتهي الدين

اختي برضه و لا مؤخر و لا قايمه

**دموع الثلج** · 10-08-2008 05:04 AM

الشبكه هديه من العريس لعروسته
المهر محدش بيدفع مهر مقدم
المؤخر دين على الزوج
والقايمه ملهاش علاقه بالشرع نهائيا ومشايخ ذكروا انها حرام ولا يجوز كتابه قايمه

بس احنا تفكيرنا محدود شويه قال يعنى القايمه هى اللى هتادب العريس لو طلع عين بنتهم بعد الجواز
ولا شويه العفش اللى مكتوبين هيبقوا هما مصدر سعادتها لو زهق منها وطلقها