بموضوعية : لانوس و لا ويرا ؟؟

كنت عايز اجيب حاجة مستعملة في حدود من 40 : 45
و استقريت ان شاء الله علي حاجة من الاتنين دول
و انا عملت الموضوع هنا لأن الغالبية يعرف الانوس و محدش هيتكلم عن الويرا
فياريت اعرف الاراء بموضوعية

و شكرا

الويرا ركوبة أحلى من اللانوس (ثبات أفضل و صاج أقوى و موتور أقوى )

تتميز بقى اللانوس بالآتي :
رخص قطع الغيار ... جودة كويسة للعربية .... سهولة البيع و الشراء ....

الويرا لو غاوي عربية مش منتشرة و عايز حاجة مميزة في الفئة دي .

و الأثنين عربيات ممتازة من الآخر .

راي لو لانوس حالة نظيفة هتكون افضل
والله اعلم ..

الاتنين سعر بعض الايام ديه اللانوس سعر قطع الغيار ارخص مشاكل محلوله عائليه
الافضليه للويرا بسبب الثبات القوه الصاج جامد اسال مجرب ههههههههههه قطع الغيار اغلي لسبب انها ياباني

عشان تجيب من الاخر :
معاك فلوس تصرف بعد ما تركب العربيه (المستعمله) ومش فارق معاك فلوس هات الويرا طبعا
محتاج حاجه فى المعقول وحنينه واصيله برده خليك فى اللانوس

شكرا جدا علي الردود بس عندي نفس الحيرة .. طبعا كدة كدة في مبلغ لأي حاجة طارئة " في الاول و لا في الاخر عربية مستعملة " .. طب بالنسبة للركوبة من جوة اي واحدة فيهم افضل في القيادة ؟؟

فى الركوبه الويرا..... فى سرعه التجميع على الــ low speed اللانوس طبعاً
طيب ما تفكر تزود شويه وهات جين 2 مثلا 2006ولا حاجه بيتهيقلى هتعجبك اكتر

طب الجين 2 2006 في حدود كام ؟؟

متابع

ممكن من 50 الى 55 انت وشطارتك
وممكن تجيب حاجه اساسياتها سليمه وتحتاج مصاريف بس واحده واحده على مهلك
بس زى ما قولتلك تكون اساسيتها كويسه لان البروتون بالذات لو فيها مشاكل كبيره هاتغلبك وتوكلها مش سهل والصنايعيه الى بره التوكيل بيفتوا فتى السنين
وانا راي اكشف عليها عند عصام وصفا قبل ما تشترى 250 جنيه فى داهيه بس ما تاخدش حاجه اغلى من ثمنها او فيها عيوب تغلبك وبيديلك تقرير عن العربيه من الاكصدام للاكصدام
واى استفسار انا تحت امرك

شوف الويرا افضل طبعا واقوى بس لو عاوز مصروف للعربيه قليل هات الانوس لو مش فارقه معاك مصروف العربيه هات الويرا

كل الاعضائ شاركوك كده الاراء بس الرائي الاخير ليك انت في ايه بقي
ان عاوز حاجه هتيجي غاليه وتركب في الرعبيه وهتعيش هات الويرا انا معايا وبركب الحاجه بتعيش مش بتبوظ لكن لو مش كده هات اللانوس حاجتها ببلاش تعتبر

الويرا طبعا" عربية ممتازة

بص ياباشا لو العربيه هتركب و مش هتغير الويرا طبعا
موضوع قطع الغيار دي مش مشكله لان الفرق مجرد جنيهات لا اكثر ولا اقلل
لو عربيه لمده قصيره و هتغير لانوس نوبيرا البيع سريع
لو هنقارن العربيه نقول الويرا شسيه والاات جر وعفشه متسبيشو يباني 100/100 ماتور اقوي في نفس الفئه لجميع السيارات دواخل العربيه والصالون ركوبه محترمه و واسعه جداااا

اللانوس عربيه محترمه ونقول عليها 128 الجديده بتاعه الشعب

انا شاكر ليكم جدا جدا .. برغم اني لسة مقررتش بردة بس هاخد كل الكلام دة في الاعتبار .. و ممكن اختار اللي هلاقي حالتها افضل .. و ربنا يسهل ان شاء الله .. و ياريت اللي يعرف ويرا حالتها كويسة يقولي او يبعتلي رقم التليفون