المساعدة في قرار شراء لانسر 2013 Super Action

الاخوة الكرام بعد السلام عليكم ورحمة الله وبركاتة
انا راكب Optra 2008 ونفسي انزل من العربية واغير واركب ياباني لعدة عوامل منها التغيير ومنها لاني زهقت من توكيل منصور ال (......)، انا قريت موضوعات كتير هنا على المنتدى خاص بالبومة 2013 بس لقيت حاجات كتير تخوف منها سوووووووووووووووووء الخدمة بالتوكيل واسعار قطع غيار نااااااااااااااااار، ومشاكل كتير في العربية وتغيير في المواصفات ، انا العربية عجباني جدا ومعايا فلوسها يا ريت من الاخوة الكرام تنصحوني اخش فيها ولا ؟؟؟؟ انا مش عاوز ادفع فلوس واندم واعاني من تاني زي ما عانيت من المنصور للسيارات .
هل العربية تستحق ولا لأ.
مشكوووووووووووووووووور

السلام عليكم

العربيه ياباشا كويسه ومفهاش مشاكل وموضوع الميزان الخلفى مش مؤثر على العربيه فى الثبات العربيه ثابته لحد 165 ك .ولو عاوز تركبه اشتريه وركبه عادى . هو صحيح معامله التوكيل وحشه واسعارهم غاليه وده حال جميع التوكيلات فى مصر . اما بالنسبه لاسعار المصناعيات ممكن تشترى القطعه المهمه جدا من التوكيل وتركبها فى التوكيل القديم الرواس فرع العبور ممتاز وناس فاهمه شغلها واسعار المصناعيات فيه كويسه غير اسعار توكيل ديموند . او اى مركز او اى ميكانيكى فاهم شغله . وفى الاخر كا عربيه لانسر عربيه ممتازه واعتماديه والسوق يشهد بالكلام ده

انا رديت عليك مرة وهرد عليك تانى هنا
انا بصفتى معايا بومة 2009 1300 سى سى من الزيرو وانا اول مالك وطبعا كان نفسى اجيبها 1600 اوتو بس انا بنصحك بجد لما تنزل من الاوبترا هتدفع فلوس طبعا علشان تركب البومة انا لو مكانك هدفع بس اكتر حبتين فى الشارك
سامحنى انا بنصحك لوجة الله وربنا يعلم خليك فى الشارك علشان تحس بفرق عفشة واداء واعتمادية وماتور رياضى احسن من اللى فى البومة بس ارجوك متجيبهاش الفاضية هاتها اوتو 1600 بلاش ال 1500 وطبعا انت لو هتجيب جديد هتجيب ال 1600 لان مبقاش فى 1500 بتنزل جديد وهاتها اللى فيها اسبويلر والكنبة الخلفية بتاعتها 3 قطع وفيها كنصولة العربية دى انا بحبها وهيا محترمة جدا عيبها الوحيد سعر قطع غيارها

انا متشكر ليكم جميعا والله
المشكلة اني قريت هنا في بعض الموضوعات ان فيه مشاكل في الاير باج لواحد عمل حادثة اصلها كانت لمشكلة في الفرامل والفرامل ال abs مفتحتش وبعدها الاير باج مفتحش ، كلام تاني بيقول تقفيل العربية مش حلو زي الاول وجودة الخامات مش اللى هي ، غير كدة الفرش والتابلوة في السوبر اكشن بينزل رمادي بس ، بجد مستغربهم جدا ازااااااااااي تبقى اعلى فئة وتنزل رمادي مش بيج في اسود ؟ ؟؟؟؟
انا عاوز اجيب ال 1600 سوبر اكشن لانها اكتر واحدة عجباني
صلاح باشا انا اصلا مش عاجبني شكل الشارك وبعدين ضيقة من جوة وانا صاحب عيااااااااااااال ولازمني مساحة حلوة نقعد فيها من غير هوسة هاهاهاهاهاها

بص ياباشا هيا فعلا اللانسر بتاعة 2004 مثلا و 2005 و 2006 تركب عربية فيهم تحس انها كانت بخيرها وخصوصا الالوان من جوا كانت حلوة والطابلوة اولنة كانت غامقة وحلوة
بس مش معنى كدا ان دلوتى العربية سيئة العربية ممتازة وانا معايا 4 سنين اهو من الزيرو عربية محترمة وتحس انك مستمتع بكل قرش دفعته فيها بس فعلا احلى حاجة انك تشتريها كاملة من كلة بس خد بالك ان السوبر اكشن دلوقتى مبقاش فيها عتب جابنى او كساحات امامية او خلفية
بتنزل ب اسبويلر بس وفتحة سقف وطبعا جنوط

هي ألبومه هينزل منها 2014 و لا لأ؟