السلام عليكم
انا ملاحظ من ساعت ما ركبت الكاسيت صوت صفاره اول ما ادور العربيه وتفضل موجوده وتزيد مع البنزين
وحاجه تانيه اول مره اخد بالى منها ان لمبة الصالون بترعش على خفيف اوى بس لوحدها المفروض انا عاملها مع الابواب بس مش عارف ايه العك ده ؟
عرض للطباعة
السلام عليكم
انا ملاحظ من ساعت ما ركبت الكاسيت صوت صفاره اول ما ادور العربيه وتفضل موجوده وتزيد مع البنزين
وحاجه تانيه اول مره اخد بالى منها ان لمبة الصالون بترعش على خفيف اوى بس لوحدها المفروض انا عاملها مع الابواب بس مش عارف ايه العك ده ؟
اى مساعده ؟
اللى ركب الكاسيت تقريبا موصلش الأرضي صح وعشان كده هتسمع صوت الصفارة دي مع التشغيل والبنزين .. موضوع هايف اوووي وأى كهربائي هيعمله .. إنما الرعشة بتاعة اللمبة ممكن والله اعلم الكهربائي يراجع البطارية والدينامو ويشوف الدنيا فيها ايه .. ف النهاية كلها حاجات بسيطة جدااااا والحمدلله
ده طبيعى فى العربيات القديمة
ولتلافى العيب ده وصل ارضى الكاسيت على البطارية مباشرة
وصلت الارضى على البطاريه على طول وما لقيتش اى فرق ممكن الكاسيت نفسه يكون تعبان ؟
غير كابلات البوجيهات يا معلم
غير كابلات البوجيهات و اشتري طقم مانع ذبذبة من اي بتاع اكسسوار عربيات مش عارف ب 8 جنيه او حاجة زي كده و ركبهم وباذن الله هتلاقي الارضي اتحسن تماماً
المشكلة دي حصلت معايا في 128 زمان و اعتقد معظم العربيات القديمة اللي بتكون الضفيرة بتاعتها متوفيه بيحصل فيها كده لان الاسلاك بتاعت الضفيرة بتكون منتهية اكلينيكاً و احنا مصرين نمشي بيها اد عشرين ثلاثين سنة كمان ... هاهاها
اوعوا حد يزعل انا بهزر والله
اتاكد من الارضى وهات سلك بوجيهات نضيف عشان تريح دماغك واكد على بتاع قطع الغيار ان يكون السلك حرارى اى بيستحمل الحرارة ويمنع الذبذة والله الموفق