موضوع خفيف - اختيار المدير المصرى

السلام عليكم
موضوع خفيف كده بعيد عن احوال البلد اللى تزهق
يقال ان فيه مدير مصرى و عنده 3 سكرتيرات فى الفتره الاختباريه و المفروض حيعين واحده بس منهم
فعمل اختبار صغير - ادى لكل واحده فيهم ظرف فلوس (فيه 1000 جنيه ) و قالهم ان فيه 500 بس و يروحو يودعوه فى حساب الشركه اللى فى البنك -فكان تصرفهم كالاتى
السكرتيره رقم 1 : راحت البنك و اكتشفت ان معاها 1000 جنيه بدلا من 500 : فاودعت المبلغ كله
السكرتيره رقم 2 : راحت البنك و اكتشفت ان معاها 1000 جنيه بدلا من 500 : فاودعت 500 فقط و رجعت بال 500 التانيه و ادتهم لصاحب الشركه
السكرتيره رقم 3 : راحت البنك و اكتشفت ان معاها 1000 جنيه بدلا من 500 : فما اودعتشى حاجه ورجعت بالمبلغ كله

تفتكرو بقى المدير "المصرى" اختار مين فيهم ؟؟؟

انا لو مدير (وانا لا اصلح حاليا في نظري) هختار التانيه....
تحياتي

Sent from my SE Arc S using Forum Runner

اختار احلى واحدة فيهم طبعا ... دي محتاجة كلام يعني :)

اقتباس:

---

المشاركة الأصلية كتبت بواسطة dr.hazem

انا لو مدير (وانا لا اصلح حاليا في نظري) هختار التانيه....
تحياتي

sent from my se arc s using forum runner

---

ودى اول مكالمه و نقول الووووووو
انا طبعا حقول الاجابه فى الاخر بس عاوز اشوف توقعات الناس ايه

اقتباس:

---

المشاركة الأصلية كتبت بواسطة Dr.Mostafa Anwar

اختار احلى واحدة فيهم طبعا ... دي محتاجة كلام يعني :)

---

هو ده الكلام

على فكرة الفعل "اختار" في صيغة المبني للمجهول اللي هوا المدير المصري مش أنا :)

طيب عالخاص لو مش عايز تحرقها :)

, و لا واحده فيهم

ينقصهم حسن التصرف

كاناو رنوا لى على الموبايل و بما انى المدير فهاتصل بهم و اعرف ايه الموضوع

------------
لو من الناحيه العمليه

طبعا زى ما قالوا فى الامثال

اختار اللى يصبحك و يمسيك و ووشه اجمل ما فيه حتى لو خد الالف جنيه ( مثل من عندى طبعا :)

طبعا الحاجات دى بتبقى عاملة زى الفوازير و دايما حلولها بيبقى ليها اسباب غير متوقعة. . . بس لو نحلل تصرفات التلاتة هنلاقى ان الاولى تصرفت من دماغها و خارج نطاق التعليمات. . . النانية شغلت دماغها فى اطار التعليمات و هو التصرف المنطقى. . . التالتة نفذت سياسة عبد المأمور و معملتش حاجة متقلهاش تتصرف فيها ازاى. . . من ناحية التفضيل المدير المصرى يحب عبد المأمور اللى ميتعبش قلبه كتير و ينفذ المطلوب كما هو مطلوب. . . رغم ان التانية يبدو تصرفها افضل لانه فيه تشغيل دماغ بطريقة جيدة مع الالتزام ايضا بالتعليمات. . . بس بما ان المدير "المصرى" تصرفاته برضه احيانا كتير غير متوقعة و تبدو خارج اطار المنطق. . .
عشان كده مستبعدش يختار الاولى. . . ليه بقى اهو لاى سبب طق فى دماغه و هيلاقيله التبرير اللى على مزاجه و يريحه
الموقف ده كمان واضح انه اتعمل قبل عصر الموبايلات لان مكالمة بسيطة كانت تخلى الامتحان ده ملوش معنى. . . رغم ان المدير برضه كان ممكن يستعبط و ميردش عشان يجبرهم يتصرفوا لوحدهم. . . و فى النهاية المدير المصرى اللى فى دماغه فى دماغه

خلاص يا استاذ ماهر ممكن تكلمه من تليفون البنك على تليفون المصلحه

و لو مفيش هاختار رقم 3

المدير المصرى يعشق ان يكون هو مركز الكون فى كل شئ ( الا المساءله طبعا )

فايفرح اوى ( و ان ادعى العكس ) لما يلاقى كل الموظفين تحته بيلفوا و يدوروا فى فلك رأيه و مشورته

و مع الوقت هتلاقيهم بيفكروا بوجهة نظره و قبل ما يعرضوا عليه حاجه هايقولوا هاتعجبه و لا لأ

انما اللى بيتصرف من دماغه

قليل حد يحبه

هو الرد اللي معروف انه اختار احلي واحده

ولو الرد اللي بجد انه هيختار الرابعه .. اللي كانت هتعد الفلوس قبل ما تنزل من الشركة

Sent from my Nokia-3210 using Forum Runner

اختار أوحش واحدة عشان مراته معاه في الشغل هههههههههه

اللى وسطها رفيع طبعاااااااا

وله وحده منهم:mahf(5):
عشان اصلا فى وحده جت وسطه واتعينت خلاص وده كان امتحان شكلى

:36_2_33::36_2_33::36_2_33::36_2_49[1]::36_2_49[1]::36_2_49[1]:

اختار رقم ثلاثة

هى الاجابه الصحيحه ... انه اختار اللى لابسه ميكروجيب :b4_237:
ما احنا قولنا انه مدير مصرى يا جماعه :049:
بس على العموم اكتر من واحد جاوب الاجابه دى

اقتباس:

---

المشاركة الأصلية كتبت بواسطة bobbozo4b

وله وحده منهم:mahf(5):
عشان اصلا فى وحده جت وسطه واتعينت خلاص وده كان امتحان شكلى

:36_2_33::36_2_49[1]:

---

ده حقيقي للأسف

اقتباس:

---

المشاركة الأصلية كتبت بواسطة pro_samir

هو الرد اللي معروف انه اختار احلي واحده

ولو الرد اللي بجد انه هيختار الرابعه .. اللي كانت هتعد الفلوس قبل ما تنزل من الشركة

Sent from my Nokia-3210 using Forum Runner

---

كنت هاقولها

كلهم كان عندهم امر بايداع 500 جنيه وكلهم اتصرفو من دماغهم سواء للي حطت المبلغ كله او محطتش حاجه او حطت جزء وسابت الباقي

المفروض كانت تتصل او قبل ماتمشي تشوف الفلوس لو الظرف مفتوح وتعدها

فين السكرتيرة رقم 4
اللى اودعت 500 جنيه وطرمخت على ال500 الباقيين
والله ممكن جدا المدير المصرى يختارها لو عندها مؤهلات اخرى

اللى جيبتها قصيره