-
عاوز اجيب led
مساء الفل يا رجاله
انا ناوى انزل اجيب تلفزيون LED يكون ماركه كويسه و مايعديش ال4000
احتياجاتى انه مايقلش عن 39 او 40 - مش عاوز 3D مش عاوز WiFi مش عاوز Lan
اهم حاجة انه يكون Full HD ويكون فى مدخل USB ويكون بيشغل كل امتدادات الفيديو و بيقرا الهاردات بسهوله و مابيعلقش ولا يهنج ولا الكلام ده
امبارح لاقيت تلفزيون باناسونيك 39 بوصه LED فى كارفور ب حوالى 3700 مش متذكر قوى
بس معرفش ايه نظامه فى تشغيل الامتدادت او الكوديكس
انا جبت قبل كده سامسونج 23 انش وشغلته على الكمبيوتر و دايما بيعمل مشاكل فى الكودكس مع الافلام البلو راى و مابيقراش الهاردات الا لما تكون Fat32 وطبعا عشان فى افلام مساحتها اكبر من 5 جيجا فمكنش قدامى الا انى افرمت الهارد ل ntfs وبالتالى مكنش بيقراه
ياترى حد داس فى الموضوع ده قبل كده ؟
ياريت اللى يعرف شاشه مجربها و على ضمانته يقولى عليها
وشكرا مقدما
-
-
شكل الموضوع صعب قوى ولا ايه :)
-
-
اصبر شوية هاتلاقى حد يجاوبك علشان انت عندك احتياجات فنية معينة لازم اللى يجاوبك يكون فاهم و مجرب
تحياتى
-
ماشى معاك بس عشان انا نازل كمان ساعه
طيب اللى انا وصلتله لحد دلوقتىو احب الناس تستفيد معايا ان كل التلفزيونات بتشغل امتداد AVI
مفيش غير هايسينس هو الى بيشغل حاجات تانيه زى RMVB
وفى ال LG بيشغل Dvix
بس لحد دلوقتى مالقتش حد اتكلم على حته الFat32 or EXfat or NTFS
بس ده طبعا مش تجربه شخصيه - ده اللى لاقيته على الانترنت
والله المستعان
-
LG 50PA4520 50 inch Plasma HDTV Price, Review, Compare in Egypt from B.Tech | EGPrices.com"
بس مش full hd هو hd بس
لكن هيشغل كل حاجة تقريبا
LG 50PA4520 Technical Specifications | LG Electronics EG_EN
فى technical specifications دوس على usb2 هتلاقيه بيدعم DiVX (SD/HD/HD Plus
فيما معناه فورمات mkv و كوديك h264
و على فكرة عندى lg lcd اقل من ده و بيشغل الفلاشة و هى متفرمتة ntfs
-
يعنى ال dvix بيشغل اللى الواحد بينزله من التورنتات دى :)
معلومه ممتازه
شكرا للمعلومات دى بجد
طيب على كده كل شاشات الLG فيها نفس الخواص كده ؟ و بتشتغل على ال NTFS ؟
معندكش شاشه تنصحنى بيها بس تكون اصغر من دى شويه و تكون LCD Or LED ؟ بس Full HD
-
لأ مش كل ال lg يشغل mkv و كوديك h264
بص على دى فيها اللى انت عايزه و full hd
LG 42CS460 42 inch LCD HDTV Price, Review, Compare in Egypt from Carrefour | EGPrices.com"
المواصفات على موقع الشركة LG 42CS460 Televisions - 42” FULL HD LCD TV with freeview, 2x HDMI and 1x USB connection - LG Electronics UK
و اعتقد اكيد مادام بتدعم mkv و h264 يبقى اكيد بتدعم ntfs لان الحاجات دى مساحتها كبيرة و fat32 اخره 4 جيجا
-
شكرا لتعبك جدا
انا نزلت بصيت على اختها فى كارفور 46 انش بردو عامله 3700 فى الحدود دى
كله تمام بس لما شغلت فيلم ترجمته عربى لاقيت الترجمه متشقلبه زى ما بتشغله على الكمبيوترو تدخل تظبطها - بس حبيت ادخل اظبطها من السيتينجس معرفتش اوصلها خالص - حتى الراجل اللى واقف مكنش عارف انها بتشغل فيديو اساسا !!
انا استقريت على شاشه سامسونج LED 40 بوصه وده لينك ليها ياريت تقولى رايك فيها عشان يهمنى جدا
40" EH5000 (UA40EH5000J) - OVERVIEW | SAMSUNG
Content Relevant URLs by
vBSEO 3.6.0 PL2