اوكتافيا a4 .. فين الخبراااء

السلام عليكم .. بعد ازنكم يا جماعه

عربيتى Octavia A4 >> عندى دبدبه كده فى العجله اليمين ادام بتبدأ مع المشى وبتكون واضحه على السرعات البطيئه .. انا شاكك انو كوبلن لأن اخويا الله يباركلو كان بيخمس بيها ..

عايز اعرف اسعار الكوبلن الجديد يمين بكام ؟؟ والاقيه فين ؟؟

كمان لو حد مركب زينون .. ايه مقاس اللمبه فى الفوجات ومقاس اللمبه العالى والواطى فى الفانوس ؟؟


والليدات بتاعة الستوب اللى فى نص البريريز اللى ورا فوق فيها كام لمبه طافيه .. اجبها منين ؟؟ وهل ينفع اركب بتاعة الفانتازيا

---------

عندى بقى فى العواكس اللى فى البكر بتاع التكييف مش منوره .. بس الزرارين بتاع AC والسهم المعووج بينورو اصفر .. هل البكر ده مش بينور اصلا ؟؟ ولو بينور بينور لون ايه ؟؟ واصلحو ازاى

اخر سؤال .. عايز اجيب طاسات الفانتازيا .. يعملو فى حدود كام .. ومنين ؟؟

اسف لو طولت عليكم

بالنسبة للدبدبة اللى قدام روح لاى عفشجى تعرفه وخليه يجرب او اى ميكنيكى من اللى بيشتغلوا فى الاوكتافيا حسب متحب بقى فى دير الملاك او الحرفيين او جسر السويس او مدينة نصر وسعر الكوبلن كل يوم الاسعار فى زيادة عندك جديد فى الهاشمية فى احمد سعيد واستيراد عن الطحاوى اللى قصاد التوكيل فى دير الملاك وبصراحة مش عارف الاسعار
بالنسبة للزينون انا كمان عايز اركب زينون وعايز اعرف بكام ومنين ويكون فى الحنيين السعر ، وكنت عايز اعرف كمان لو تقدر تفيدنى هى الفوانيس الكريستالة بتاعت موديل ٢٠٠٣ تركب عندى بدون تعديل ولا لازم تعديل فى حاجة لانى كدة كدة عايز فوانيس فطالما هاشترى اشترى الكريستالة ،ونفس السؤال للفوانيس اخلفية بردوا ،
بالنسبة لبكر التكييف متهايقلى هيا عواكس فسفورية بتنور بالليل زى زراير الزجاج وبالنسبة للطاسات عند اللى نا قولتلك عليهم
واسف لو طولت عليك وحطيت سؤالين فى موضوعك بس عشان اللى يرد يرد على كله :)

اقتباس:

---

المشاركة الأصلية كتبت بواسطة mostafa hashem

السلام عليكم .. بعد ازنكم يا جماعه

عربيتى octavia a4 >> عندى دبدبه كده فى العجله اليمين ادام بتبدأ مع المشى وبتكون واضحه على السرعات البطيئه .. انا شاكك انو كوبلن لأن اخويا الله يباركلو كان بيخمس بيها ..

عايز اعرف اسعار الكوبلن الجديد يمين بكام ؟؟ والاقيه فين ؟؟

كمان لو حد مركب زينون .. ايه مقاس اللمبه فى الفوجات ومقاس اللمبه العالى والواطى فى الفانوس ؟؟


والليدات بتاعة الستوب اللى فى نص البريريز اللى ورا فوق فيها كام لمبه طافيه .. اجبها منين ؟؟ وهل ينفع اركب بتاعة الفانتازيا

---------

عندى بقى فى العواكس اللى فى البكر بتاع التكييف مش منوره .. بس الزرارين بتاع ac والسهم المعووج بينورو اصفر .. هل البكر ده مش بينور اصلا ؟؟ ولو بينور بينور لون ايه ؟؟ واصلحو ازاى

اخر سؤال .. عايز اجيب طاسات الفانتازيا .. يعملو فى حدود كام .. ومنين ؟؟

اسف لو طولت عليكم

---

مقاسات اللمض الفوجات h3 و النور الواطى و العالى h4 تقريبا

الستوب كان عندى كام واحدة بردو مش شغالين روحت لكهربائى غيرهملى عادى

استاذ firstabdo .. متشكر على رد حضرتك .. انا كده كده لما انزل القاهره هاعملها صيانه واكشف عليها .. انا بس باخد فكره عن الاسعار

قولى انتا بقى الفوانيس الكرستال دى تعملها فى حدود كام وليه عايز تركبها

البكر ده يعنى فى لمبه ولا لأ ..

------------------

استاذ forti >> منتحرمش منك يا كبييير

طقم الزينون يتراوح من ٤٠٠ الي ٥٥٠ جم في التوفيقيه او شارع دمشق والليدات الخاصة بالأستوب اللمبه ب ٢ جم وال كهربائي بيغيرهم عادي

الدبدبة ممكن تكون كاوتش الميزان او البطاحات وزي ما قال الزملاء خلي العفشجي او الميكانيكي يبص علي العفش

اقتباس:

---

المشاركة الأصلية كتبت بواسطة MOstafa Hashem

استاذ firstabdo .. متشكر على رد حضرتك .. انا كده كده لما انزل القاهره هاعملها صيانه واكشف عليها .. انا بس باخد فكره عن الاسعار

قولى انتا بقى الفوانيس الكرستال دى تعملها فى حدود كام وليه عايز تركبها

البكر ده يعنى فى لمبه ولا لأ ..

------------------

استاذ forti >> منتحرمش منك يا كبييير

---

الفوانيس الكريستال سعرهم بيتراوح من ٣٢٥ : ٤٠٠ بالاشارة بتاعتوا ودول بتوع موديل ابتداءمن ٢٠٠٣ وهما بيبقوا باغ مش زجاج زى ال ٩٩ بس كدة فاشكلهم احلى ،:lovlie02[1]: