جين تو 2010 كامله مانوال للبيع

**ozy2026** · 28-03-2013 01:25 AM

السلام عليكم ورحمه الله وبركاته
يا جماعه انا معايا عربيه جين تو بتاعت ابن خالتى وعاوزين نبيعها.... لو حد عاوزها
بصوا يا جماعه هي العربيه موديل شهر 10 2010 مانيوال لونها اسود
العربيه فابريكه بره وجوه بالكامل ماشيه 53000 كيلو
العربيه صياناتها فى التوكيل وهى بحاله الزيرو
وفيها فردتين كاوتش جداد قدام لسه جايبهم
بس يا جماعه فى واحد خبط فينا واحنا ماشيين بس الخبطه جت فى الجنط قدام يمين والمشكله ان الأير باج فتحوا
بس مفيش اى حاجه حصلت فى العفشه ولا الشاسيه ولا اى حاجه الا المقص اتعوج سنه بسيطه بس غيرته بواحد جديد
غير كده العربيه بحالتها ومفيهاش اى حاجه تانيه خالص انا طالب فيها 75000 علشان موضوع الأير باج ده
على فكره يا جماعه احنا اصلا كنا هنبيع علشان نجيب اوتوماتيك مش بسبب الخبطه والله

**S O P H O S** · 28-03-2013 02:48 AM

75 الف حضرتك مسالة السعر دي شخصية
لكن كده حضرتك بتتكلم عن اوتو ومفيهاش الهواء
ومعلش علي تدخلي ..

**ozy2026** · 28-03-2013 11:31 AM

المشاركة الأصلية كتبت بواسطة s o p h o s

75 الف حضرتك مسالة السعر دي شخصية
لكن كده حضرتك بتتكلم عن اوتو ومفيهاش الهواء
ومعلش علي تدخلي ..

لأ يا باشا عادى ولا يهمك
هى اصلا العربيه مش بتاعتى بس انا اللى اقترحت عليه السعر ده مقارنه بسعر السوق وبسعر الجديد منها
وانت عارف هى بقت بكام دلوقتى
وبعدين هى لسه بحالتها مفيهاش اكتر من موضوع الأير باج بس
طب انت شايف ممكن اطلب فيها كام
وكان ليه استفسار كمان
حضرتك شايف انى ابيعها على كده ولا اصلح الأير باجز الأول
على فكره هما قالوا فى التوكيل هتتكلف 3 الاف جنيه
وشكرا لحضرتك على مشاركتك