-
ثقافة الاعتذار..
السلام عليكم..
امبارح يا جماعه حصل معايا موقف في منتهي البواخة..
انا مكنتش غلطان.. و كان واحد تاني غلطان.. و كمان مش عاجبه هو و بناته..
كنت راكن عربيتي لمده 10 دقايق في ميدان النافورة ف المقطم.. و دخلت محل نضارات..
خرجت م عنده.. عشانا لاقي عربيتي وهي واقفة في امان الله.. جنب الرصيف..
راكن جنبها عربية اسبيرانزا من الكبيرة اللي مش عارف اسم الموديل بتاعها ايه..
و مريح عليا جدا لدرجة ان الاكصدام الامامي عندي مفعوص خالص.. و داخل لجوة..
المهم.. روحت اشوف في حد ف العربية ولا لأ.. مش شايف حد قاعد قدام..
و فجأة لقيت 3 بنات قاعدين ورا.. و لقيت صوت بدأ يعلا..
الله اعلم بقي فاكرينني رايح اعاكسهم ولا ايه.. عادي مش مشكلة.. بس انا كنت باسأل صاحب العربية فين..
المهم بعد شوية زعيق منهم..!!! و كلام بمنتهي السفالة و الالاطة و الاسلوب المتعالي جدا.. (علي الرغم من انهم ابوهم هو اللي غلطان و خابطني.. :) :) )
المهم نزلوا و بدأ الصوت يعلا.. فقولت بس بلاش كلام كتير.. و اندهلي لباباكي عشان ييجي يشوف هو عمل ايه..
(الظاهر ان الكلمة دي وجعتها قوي.. و تعبت نفسيتها و اثارت مشاعرها..)
وعلي الفور.. كلمت (دادي) و قالتله ييجي بسرعة.. و في لحظة كان واحد كمان جاي يزعق فيا..
(واضح ان التربية اللي بناته عليها مش من فراغ.. و القدوة قدامهم كده اصلا.. هيجيبوا احترام منين..!!!!)
المهم ان الكلام كله كان بيدور حوالين عايز كام يعني.. :( :( :( ايه يعني.. اللي انت عايزه هاديهولك..
هو خلاص بقي الكلام كده..؟؟
هي ثقافة الاعتذار خلاص اختفت من عند الناس..؟؟
هل الكلام كله بقي بيدور حوالين الماديات..؟؟
مش المفروض ان زمان اللي غلطان بيعتذر.؟؟؟
ولا الغلطان دلوقتي بقي بيزعق.. و يتكلم بطريقة سافلة.. و يقولك عايز كام و هاديك اللي انت عايزه..!!!!!!!
يعني انا اللي نرفزني جدا طريقة الكلام.. و التكرار علي كلمة عايز كام.. و الامور المادية..
العربية عندي الحمد لله محصلش فيها حاجة خالص..
الاكصدام فيبر مرن جدا.. و طري كمان.. الحمد لله اول ما مشي رجعت تاني زي ما كانت.. بعض الضغط ما اتشال من عليه..
كان ممكن اعند و اخد منه فلوس..حتي لوا لعربية محصلش فيها حاجة..
و ممكن برضه لو كان اتعامل بطريقة مهذبة و محترمة.. حتي لو العربية كان حصل فيها حاجة..
كنت هامشي و مش هاخد منه فلوس.. لكن الواحد الحمد لله بيراعي ضميره.. و مش بيقبل قرش حرام الحمد لله..
كلمة اخيرة: يا ريت يا جماعه نحاول نفتكر و نفكر بعض تاني بموضوع ثقافة الاعتذار..
لما نبقي غلطانين نعتذر..وبعدين نشوف الماديات.. و نشوف عايز كام و الكلام اللي ينرفز ده..
يعني مش طريقة خدوهم بالصوت لا يغلبوكم.. (ده لا يمنع ان في بعض الاوقات بتبقي مفيدة الطريقة دي..)
-
بدات تختفي من حياتنا ثقافة الاعتذار فعلا يا احمد
وبقت مشكلة
رغم انها بتمتص غي اللي قدامك تماما
من كام اسبوع ركن قدام صيدلية في مصر الجديدة بجيب دوا وخرجت ماستغرقتش دقيقتين
لاقتني واقف ورا واحد قافل علية ركبت عربيتي وجيت ادور
لقيت العربية واقفة على التاني وهو كان واقف جنب العربية ماتكلمش خالص
نزلت من العربية وروحت لحد عنده وبصيت في عينة واعتذرتلة
لان مهم قوي وقت الاعتذار تبص في عين اللي قدامك
الراجل بعد ما كان شايط هدي خالص ولا كان في اي حاجة
وانا غلطان من اصلة ليه اسيبة يزعل مني وممكن يتصرف تصرف مش كويس
سبحان الله على العقول
-
عايز رأيي اللي زي ده
تاخد منه فلوس ، مش باشا و مش هامه حاجه
و قدامه تضع الفلوس لله
-
مش عارف أقولك إيه.. كلامك كله صح و بييجي على الجرح ...
الموضوع في رأيي قبل ما تسميه ثقافة الأصل نقول الأخلاق و التربية..
الناس المحترمة ولاد الناس بقوا قليلين قوي.. كتير بشوف عربيات غالية و الراجل و مراته قاعدين قدام و بيرموا ورق و حاجات من الشباك و في الكنبة اللي ورا إبنهم أو بنتهم.. دول تفتكر هيكبروا هيعملوا إيه..
للأسف بقى في فئة كمان من الناس المحترمة بقى عندهم ثقافة لازم نعمل كدة علشان منتاكلش..
النتيجة الناس كلها متوجسة و متربصة و خايفة من بعض و قيم كتير كويسة إختفت.. و بتشوف تناقضات غريبة يعني ممكن شخص محترم جداً و خدوم و أخلاقه عالية جداً في محيط بيته و أقاربة و زملائه لكن مع الأغراب أو في الشارع تحس إنه شخص مختلف تماماً و عصبي و صوته عالي و بيشتم و تصرفاته تصل لحد السوقية للأسف.
-
واضح من طريقة كلام بناته انهم عايشين في الدور علي الفاضي و هو كمان فاكر نفسه محدش اده و ماشيين طايحين في البشر ولا حد عارف يوقفهم هو الرد عليه كان يبقي مختلف عن تصرفك يا احمد انت طلعت مؤدب اوي معاه و سايبه يزعق و يقولك فلوس و عايز كام كنت تسكه و تديله علي نفوخه و تديله في جنابه بالادب برضه عشان انت احسن منه و متزعلش لان بنيأدم زي ده ميتزعلش منه اصلا عارف ليه عشان كله علي بعضه راجل فارغ ميسواش 3 تعريفه
-
الإعتذار شئ سهل وبسيط لكن مفعوله سحري
بس الإعتذار محتاج شوية شجاعه ومحتاج ما يكونش عندك عزة بالإثم
اللي حاسس إنها إنقرضت برضه هي كلمة شكراً ... لما حد بسأل عن عنوان مثلاً بقى صعب أوي يقول شكراً وغالباً بسيبك وبيمشي وخلاص أو بالكتير بيقولك ماشي.
أنا آسف
شكراً
-
موضوع مهم فعلا
للأسف فعلا ثقافة الاعتذار منقرضة عندنا بالرغم إنها بتحل مشاكل كتير جدا. و عن تجربة شخصية حصل لى موقف مشابه بس كنت سايق العربية و خبطت اللى واقف ورا و الحمد لله محصلش عنده أو عندى حاجة , نزلت و اعتذرت له مباشرة و قلت له إن الغلطة منى و يشوف إذا كان عنده أضرار عشان أصلحها له , و كان رد الفعل إنه قبل الاعتذار و بهدوء نزل شاف عربيته و قال لى خلاص مفيش مشكلة الحمد لله و كل واحد ركب عربيته و الموضوع خلص فى أقل من دقيقة.
من الموقف ده و ده بقى أسلوبى كل ما اخبطت واحد (الحمد لله حصلت مرة واحدة بس) ، بس لما اتخبطت ألاقى اللى خبطنى نازل يزعق و عايز يحملنى الغلط :036: , حاجة تفور الدم فعلا.
م/شريف
-
مفيش حد بيعتذر لحد الايام دي يا باشا
كله بقي بلفلوس قال يعني طول عمرهم كان معاهم فلوس
الناس اللي زي العينه اللي شوفتهم دول اصلاً كنت تنفضلهم و تمشي شكلهم كده كانوا فقره و اغناهم الله بس بردوا اصلهم الواطي باين فالناس دي مضيعش وقتك في الكلام معاهم
-
كلام مضبوظ مية مية يا مهندس / احمد
المهم فى الموضوع ان الغلطان يقول انا غلطان
انا كنت واقف فى اشارة - اشارة- واحد دخل فى العربية من ورا - وانا واقف) - وشرخ الفلوس فعلاً
بس الراجل ركن بعد ما الاشارة اتحركت ونزل واعتذر بشدة وابدى رغبته فى تحمل الموضوع -رغم ان الموضوع بسيط جدا- طبعاً كان الرد الطبيعى انى قلت له مفيش حاجة اى حاجة.
وكل واحد فى النهاية بتظهر عليه اثار التربية بتاعته
:smartass5: ابن الناس هوه يعترف بغلطه ويعتذر
اسامه سليمان
-
معاك حق يا بشمهندس فيه لناس بقت شايفه ان الاعتذار عار بالنسبه ليهم
و دول مالهمش الا ال.........
Content Relevant URLs by
vBSEO 3.6.0 PL2