بروتونية جديدة

**wesam_nabil** · 28-03-2013 08:41 AM

السادة الكرام أعضاء المنتدى المحترم
السلام عليكم ورحمة الله وبركاته

قبل شهر لم أكن أظن أني سأعجب بالبروتون أو أفكر في شرائها
ولكن مشاركات الأعضاء وحديثهم عن سياراتهم -بارك الله للجميع- هو ما غيَّر رأيي
فأنا -كمعظم النساء- أحب السيارة الصغيرة الهاتشباك
وقد منَّ الله عليَّ بسيارة بروتون ساجا 2010 أوتوماتيك والحمد لله حالتها طيبة
ولكنها تحتاج سيرفيس..

فأرجو منكم التفضل بتوجيهي إلى مركز صيانة محترم ومحل أمين لقطع الغيار
علمًا بأني من سكان حلوان وعملي بالتجمع
ولكم جزيل الشكر

**yousefsemsem** · 28-03-2013 09:36 AM

مركز الصيانه عصام وصفا وقطع الغيار عندهم او محل المدينه في شارع دمشق

**abdoumahros** · 28-03-2013 10:49 AM

الاول مبروك عليكي العربيه وربنا يبارك لك فيها
مركز عصام وصفا مركز محترم
انتي ماقولتيش العربيه في الضمان ولالا عموما اذا كانت العربيه عامله 60 الف كيلو فلازم تغيري سير الكاتينه والبليه وسير المجموعه وانصحك بشده انك تركبي الاصلي من عند عصام وصفا
اما فلتر البنزين البديل هو فلتر اللانوس وارخص وتيل الفرامل الامامي هو بتاع الافيو
اما البوجيهات فممكن من محل المدينه او مكه في شارع دمشق او الدوليه موتورز في الحي السابع مدينه نصر
ارجو ان اكون افادتك

**wesam_nabil** · 28-03-2013 04:37 PM

الإخوة الكرام.. جزاكم الله خيرًا كثيرًا على المرور والمعلومات القيمة
وأستأذن في معرفة مكان مركز عصام وصفا بالتحديد
لو تكرمتم يكون العنوان ولو معاه الوصف أكون شاكرة جدا

بالنسبة للضمان فأنا لا أعرف ولكن السيارة عاملة 37600 كيلو بس الحمد لله
وهي موديل 2010
هل بكده تكون لسه في التوكيل؟؟
وفين عنوان التوكيل؟ وهوه أحسن والا مراكز الصيانة زي عصام وصفا اللي حضراتكم قلتم عليه؟

أعتذر للأسئلة الكثيرة وشكرًا لكم شكرًا جزيلا

**yousefsemsem** · 28-03-2013 06:48 PM

عصام وصفا مركز صيانه معتمد حضرتك ماتقلقيش منه سواء هو او التوكيل ويفضل ان تتعملي معاه احسن من التوكيل وهو مكانه في حسر السويس وعنوانه بالظبط موجود هنا في المنتدي وربنا يباركلك في العربيه ويديكي خيرها ويكفيكي شرها
وباذن الله هو هيديكي تقرير عن العربيه ككل من الاكصدام للاكصدام من اول ماكانت زيرو لغايه لما تروحلهم بالعربيه واللازم هيعملهولك