هى العربية موديل 97 كانت تاكسى وعمل احلال وعايز فيها 18 الف موتورها كويس وحالتها عايزة سمكرة ودوكو عايز اعرف اسعار قطع الغيار فيها عاملة اية واسعارها كمان
عرض للطباعة
هى العربية موديل 97 كانت تاكسى وعمل احلال وعايز فيها 18 الف موتورها كويس وحالتها عايزة سمكرة ودوكو عايز اعرف اسعار قطع الغيار فيها عاملة اية واسعارها كمان
يعنى العربيه كانت تاكشى وحاليا هيا ملاكى ........... من راىى الشخصى بلاش لانها طالع عين ابوها مشاوير طبعا ما هيا تاكسى
يابية شوف غيرها وبلاش تقع الوقعة دية الا لو غاوى بهدلة وقرف
هي سعرها رخيص جدا بس تاكس يعني اكيد متبهدله و حتبهدلك العربيه دي كانت معايا اربع سنين و عربيه جميله جدا جدا بس اهم حاجه حاله كويسه مش تاكسي!!!
لو ب 10000 ماتشتريهاش
يا باشا انا تحت امرك بس انا مفهمش في المستعمل علشان افيدك و عموما قطع غيارها كويسه جدا ذي الهيونداي اكسنت تقريبا بس مش منتشره اوي ذي الاكسنت و بتتعب شويه علي ما تلاقيها و دي الحجات اللي جبتها و اسعارها من حوالي ٧ سنين
مشت اسبراتير مش اصلي سعره ٩٠ جنيه كان صيني و زباله و رميت الاسبراتير كله بسببه و اشتريت اسبراتير كامل استيراد
اسبراتير كامل استيراد من الحرفين ٣٠٠ جنيه
اكصدام امامي صيني ١٢٠ جنيه
فانوس خلفي كامل صيني ٩٠ جنيه
عدد ٢ مساعدين امامي كوري ٣٢٠ جنيه
طرمبه بنزين ٩٠ جنيه
فلتر بنزين ٢٠ جنيه
رومان بلي امامي ٥٥ جنيه
٤ فرد كوتش الفرده سعرها ٢٧٠ جنيه
زجاج امامي ٢٦٠ جنيه
مرايا جانبيه كامله ٨٠ جنيه
كبوت كامل استيراد ٥٥٠ جنيه
الاسعار دي من سنه ٢٠٠٣ لسنه ٢٠٠٧
العربيه ممتازه جدا و انا غيرت فيها حجات كتير لانها اسرقت مني من تحت البيت سنه ٢٠٠٤ و اللي سرقها عمل بيها حادثه و وقع بالعجل الامامي في بلاعه و غيرت سعتها اكصدام امامي و كبوت و زجاج امامي و مساعدين امامي
اخيرا انا لسه بنصحك تجيب حاله كويسه و بلاش حكايه التاكس دي خالص لانك حتجيب عربيه تريحك مش تبهدلك و ربنا يوفقك في عربيه كويسه ان شا الله
قطع غيار العربية متوفرة جدا ورخيصة ... العربية فضلت معايا سنتين وبيعتها لواحد صاحبى معاه لغاية دلوقتى وعمرنا ما غلبنا فى قطعة غيار ليها ... ده غير لما ربنا كرمنى بعربية غيرها بقيت بترحم على اسعار قطع غيارها
ولو عايز معلومات زيادة ادخل على موضوع رابطة ملاك الكيا برايد وحتلاقى اللينك فى توقيعى فيه كل المعلومات اللى حاتحتاجها
باشا العربية جميلة جدا انا معي 97 الهاتشباك بص اتاكد من الحالةعشان كانت تاكسي وممكن تروح ترفعها في بنزين انا عن نفسي اعرف واحدة بس في مدينة نصر
اما بالنسبة لقطع الغيار رخيص ومتوفرة بشكل كبير وتقدر تدخل علي الموضوع ده عشان تعرف معلومات اكتر واسمها محلات قطع الغير
http://www.nilemotors.net/Nile/211218-a.html (رابطة ملاك الكيا برايد - كلاكيت تانى مرة!