الموضوع: غيرت كاوتش صباب و الدخنة لسه موجودة

المشاركة الأصلية كتبت بواسطة m!na

اختبار بسيط أوي للوش بعد طقم الروديه و كاوتش الصباب (بس طبعا بيتعمل و الوش مفكوك مش و هو راكب ف الموتور)
بنصب بنزين من فوق الوش و احنا قافلين كل صمام (شادينه لفوق)
لو البنزين اتسرب يبقا لسة محتاج روديه
لو متسربش يبقا كدا الصباب ده تمام... و نشوف اللي بعده

و أيوا بيكون فيه زيت متخزن و محتاج مشوار طويل شوية في طريق مفتوح....

ألف شكر ليك يا مينا باشا ..... الواحد متنكد جدا أنا الموضوع ده كلفنى بتاع 900 جنيه و حاسس إنه على الفاضى

هى الفكرة إن العربية إتقفلت خلاص ..... النهاردة الصبح دورت العربية لأول مرة من الخميس اللى فات علشان كنت مسافر و طلعت دخنة أكتر ما كانت بتطلع قبل أما أغير كاوتش الصباب

أنا فعلا هجرب أطلع بالعربية مشوار طويل بس بعد أما أكبس الموتور و أتأكد إن الكبس كويس ...مش كده صح ؟؟

إن شاء الله و ربنا يكرم علشان الواحد مخنوق جدا

ازيك يا صديقى أنا إبراهيم الى كنت عند جورج لما أنت جيت مرة تسلم عليه و انا عندى نفس الحوار دة لما ورتلك الفديو لعربيتى و هيا يطلع دخنة ... عاوز أقولك أن أنا من فترة غيرت علبة البيئة بعلبة رنان من أبو اليزيد و من ساعتها ركنت العربية أسبوع و دورت ملقتش دخنة خالص مش عارف فى علاقة أن يكون الزيت فعلا كان مخزز و لا لأ و بقالها شهر من ساعت ما غيرت علبة البيئة مفيش دخنة,المهم أكشف على حاجتين ( egr sensior ) و علبة البيئة و قولنا و أن شاء الله خير و مضايقش نفسك

المشاركة الأصلية كتبت بواسطة pero17

ازيك يا صديقى أنا إبراهيم الى كنت عند جورج لما أنت جيت مرة تسلم عليه و انا عندى نفس الحوار دة لما ورتلك الفديو لعربيتى و هيا يطلع دخنة ... عاوز أقولك أن أنا من فترة غيرت علبة البيئة بعلبة رنان من أبو اليزيد و من ساعتها ركنت العربية أسبوع و دورت ملقتش دخنة خالص مش عارف فى علاقة أن يكون الزيت فعلا كان مخزز و لا لأ و بقالها شهر من ساعت ما غيرت علبة البيئة مفيش دخنة,المهم أكشف على حاجتين ( egr sensior ) و علبة البيئة و قولنا و أن شاء الله خير و مضايقش نفسك

انت فين يا عم أنا عمال أدور و أفتكر إسمك فى المنتدى إيه علشان أشوف أنت عملت إيه ....طيب قولى كلفتك كام علبة الرنان و عند مين و فرقت فى السحب و لأ؟؟

المشاركة الأصلية كتبت بواسطة Ahmed_Ramadan

انت فين يا عم أنا عمال أدور و أفتكر إسمك فى المنتدى إيه علشان أشوف أنت عملت إيه ....طيب قولى كلفتك كام علبة الرنان و عند مين و فرقت فى السحب و لأ؟؟

معلش أنا مش بدخل كتير عشان شغلى و كدة أنا غيرت علبة الرنان من أبو اليزيد ب 287 جنية من شارع بورسعيد و خد القديمة ب 50 جنية و فرقت جدا جدا فى السحب بس صوت العربية على بس مش علو موزعج و بص بردة على ال egr سينسور عشان ليه علاقة بعادم السيارة و طمنى عملت أيه

دلوقتى الدخنة بقت بتطلع فى أول الدوارة حتى لو العربية إتركنت يوم واحد و مش عارف بتطلع و أنا ماشى و لا لأ ... الموضوع عمال بيكبر و أنا بدأت أحبط

إمبارح روحت الشغل بالعربية و دخنت الصبح كالعادة و أما جيت أروح طلعت دخنة برضه فى فترة 7 ساعات بس !!!!

مع العلم إنى كنت عملت كذا مشوار طويل للشروق و التجمع ورا بعض و كنت بحرق على الغيارات

العملية بقت أسوأ من قبل ما أعمل الشغل .....الميكانيكى بيقولى ممكن تبقى عاوزة طقم شنبر و بيقولى أكبس الموتور؟؟!!