غيرت كاوتش صباب و الدخنة لسه موجودة
السلام عليكم يا جماعة
من 3 أيام بالظبط فكيت وش السلندر علشان أغير كاوتش الصباب علشان العربية كانت بتجيب دخنة أول ما تدور بعد أما أركنها كام يوم بس مكانتش بتجيب دخنة و العربية ماشية
المهم بعد أما خلصتها أول ما دارت طلعت دخنة شوية و بعدين بطلت الميكانيكى قاللى عادى مكان التنضيف بعد كده الدخنة راحت .... روحت بالعربية و جيت أدورها تانى يوم جابت دخنة تانى
و النهاردة تالت يوم جابت دخنة فى أول الدوارة تانى .... كلمت الميكانيكى قاللى العربية محتاجة مشوار طويل علشان الشكمان مخزن زيت
مع العلم بإن العربية مسخنتش و الوش متعملش فيه شغل خالص هو مجرد بس تركيب كاوتش الصباب الجديد عند الخراط
هل فعلا كلام الميكانيكى صح و لا بيشتغلنى ؟؟