تجربه تغير الجنوط الاسبور باخرى حديد

**sabregas2010** · 29-03-2013 09:39 AM

كلام الاستاذ / فيلكس - سليم جدا 100*100

**monamize4** · 29-03-2013 10:01 AM

المشاركة الأصلية كتبت بواسطة eng f3lix

كلامك غلط تماماً

مفيش علاقة بين الجنوط سواء سبور او حديد بنشوفية العفشة

اللي بيتحكم في النشوفية هو المقاس

لو صغرت المقاس عن الاصلي هتلاقي العربية بقت انعم فعلا .. لكن لو نفس المقاس يبقى مش هتلاقي اي اختلاف .. الا طبعا لو غيرت الكاوتش زي ماحصل

كمان الجنوط الاسبور مفيدة في حاجات زي ثبات احسن استهلاك بنزين احسن عشان خفة الوزن .. تسارع احسن عشان خفة الوزن .. كفائة الفرامل عشان الطنابير مش هتسخن اوي مع الاسبور " عشان مفتح "

كلام سليم
لو الجنوط الاصلية عندك كانت 15 و انت جبت جنط 15 حديد يبقى انت كدة معملتش حاجة ف العفشة اللى انت حاسس بيه دا عشان الكاوتش الجديد مش اكتر او ممكن يكون الموضوع نفسى مش اكتر
احسنلك كنت اشتريت جنط 15 ماركة محترمة اخف من اللى بينزل مع العربية

**ahmed_h_g** · 30-03-2013 12:09 AM

الف مبروك عالتغيير يا أستاذ محمد
على فكره يا جماعه الجنط مش مجرد مقاس وبس الجنط وزنه مهم جدا" جدا"
وليه عامل كبير فى العفشه

**mada3030** · 31-03-2013 10:32 AM

المشاركة الأصلية كتبت بواسطة monamize4

كلام سليم
لو الجنوط الاصلية عندك كانت 15 و انت جبت جنط 15 حديد يبقى انت كدة معملتش حاجة ف العفشة اللى انت حاسس بيه دا عشان الكاوتش الجديد مش اكتر او ممكن يكون الموضوع نفسى مش اكتر
احسنلك كنت اشتريت جنط 15 ماركة محترمة اخف من اللى بينزل مع العربية

اولا اشكرك على مشاركتك ورايك
انا الجنط كان 16 ونزلت لجنط 15 وحضرتك اقرا مشاركتى اللى تحت هتعرف انا عملت ايه

**mada3030** · 31-03-2013 10:34 AM

المشاركة الأصلية كتبت بواسطة ahmedfouad

الف مبروك بس جبتهم منين قولى

محل فى المعادى فى شارع الجزائر

**eng.m7md.ali** · 31-03-2013 07:28 PM

المشاركة الأصلية كتبت بواسطة mada3030

اولا صباح الخير واسف للتاخير فى الرد علشان كنت مسافر
مبدئيا انا بحترم وجهه نظرك تماما
بس تعالى نحسبها
اولا ايه الماده الخام للجنوط الاسبور على حد علمى من ماده شبيهه بالامونيوم (انتمنيوم )
انما الجنوط الحديد معموله من الحديد
مرونه الجنوط الاسبور اقل بكتير اوى من الجنط الحديد فتعالى نحسب لما انت بتاخد نقره او مطب (صدمه ) بتروح للجنط والجنط درجه مقاومته عاليه وبعد كده برتروح للمساعد اللى بيمتص الجزء الكبير منها المساعد واللى باقى بيرد تانى على تحت (زى موضوع الشوكه الرنانه )
انما لو الجنط حديد هو مرونه اعلى بكتير فهيقى صمام امان لامتصاص الصدمه
معلش انا مش بعرف اعبر كويس يارب تكون فهمتنى
وارد يكون نظريتى صح ووارد تكون غلط

وجهة نظر تحترم طبعا :)

بس لو الواحد كان حريص في سواقته اكيد ممكن يتغاضى عن العيب ده ويركز في المميزات :)

بس لعلمك انا كانت العربية بجنوط 15 حديد وركبت بدالهم 16 سبور .. الاسبور احسن في المميزات اللي قولت لحضرتك عليها + انه مش سهل انه يتني زي ماحضرتك فاكر .. بالعكس ده اتبهدل زي الحديد الاصلي والنتيجة ان الحديد اللي كان عندي ملووح ومتبهدل جداً

**mada3030** · 31-03-2013 07:47 PM

المشاركة الأصلية كتبت بواسطة eng f3lix

وجهة نظر تحترم طبعا :)

بس لو الواحد كان حريص في سواقته اكيد ممكن يتغاضى عن العيب ده ويركز في المميزات :)

بس لعلمك انا كانت العربية بجنوط 15 حديد وركبت بدالهم 16 سبور .. الاسبور احسن في المميزات اللي قولت لحضرتك عليها + انه مش سهل انه يتني زي ماحضرتك فاكر .. بالعكس ده اتبهدل زي الحديد الاصلي والنتيجة ان الحديد اللي كان عندي ملووح ومتبهدل جداً

والله يا باشا العيب مش فى السواقه العيب فى الطرق نقر وحفر ومطبات الله يباركلهم اللى بيعملوها انا معاك ان الجنوط الاسبور جميله بس فى العربيات الفئه العاليه (طبعا مع احترامى الكامل لعربيتنا ) دى بيكون معمول حساب كل حاجه فيها

**D . a .\ AYMAN** · 31-03-2013 09:17 PM

الجنط الاسبور الأصلي بتاع العربية أخف وزنا من الجنط الحديد بتاعها ..وبالتالي هو بالتأكيد أفضل من الحديد ... أنا معرفش طبعا الجنط الاسبور الـ 16 اللى كان راكب ده نوعه إيه ... بس بتكلم عن الجنط الأصلي الاسبور بتاعها ... ده خسارة أن الواحد يغيره ويجيب مكانه حديد

الحسبة اللى حضرتك حسبتها فيها شيئ ناقص ... لأن العبرة بالوزن مش بمرونة الجنط ... الوزن الأخف هايكون مرن أكتر في إنه ياخد ويدي مع المساعد حتى لو كانت مادته أقسى من الجنط الثقيل

نشرحها على الشوكة الرنانة زي ما حضرتك قلت

الشوكة الرنانة لو كانت مادتها غير مرنة عن المادة المعتادة وحضرتك ماسكها بإيدك ... هاتكون كل الذبذبات اللى هاتصدر عنها .. إيدك انت اللى هاتضطر تمتصها لأن الشوكة غير مرنة .. طيب لو في الحالة دي الشوكة غير مرنة ووزنها تقيل جدا هاتلاقي إيدك تعبت جدا على ما امتصت الذبذبات بتاعتها لغاية الآخر .. لأن الشوكة تقيلة وغير متجاوبة مع الذبذبات

لكن لو كانت الشوكة الغير مرنة دي خفيفة جدا إيدك هاتمتص ذبذباتها بسهولة بدون تعب لأن وزنها خفيف برغم إنها غير مرنة لكن إيدك هاتقدر توقف ذبذباتها بسهولة لأنها خفيفة

الشوكة لما تكون مرنة وبتمتص هى الذبذبات برغم إن إيدك مش هاتتعب معاها لكنها هاتكون عرضة مع الوقت إنها تنثني وتتلوى عن شكلها الأصلي

إيدك هاتكون هي المساعد والشوكة هي الجنط ...

لازم الجنط يبقى قاسي عشان ما يمتصش الذبذبات الناتجة عن النقر والمطبات وإلا ها يتلوح ويفقد دائريته بسهولة مع النقر والمطبات ... لكن في نفس الوقت لازم يكون وزنه خفيف عشان المساعد اللى شايله ما يتعبش ويتعب اللى قاعد جوة العربية

عشان كدة كل ما كان الجنط من مادة أقسى وغير مرنة يكون أفضل ... وكل ما كان أخف في الوزن يكون أفضل

الموضوع: تجربه تغير الجنوط الاسبور باخرى حديد

LinkBack

أدوات الموضوع

عرض

-

-

-

-

المواضيع المتشابهه

تغير الطنابير باخرى المانى

بالفيديو مقارنه بين انواع السوست الاسبور و العفشه الاسبور الكامله .ممتازه فعلا .

الجنوط الجنوط الجنوط

هل فى فرق بين الجنوط الاسبور و الجنوط الحديد العادية للانوس ؟

الجنوط الجنوط الجنوط

الكلمات الدلالية لهذا الموضوع

المفضلات

المفضلات

ضوابط المشاركة