إيه اللي يخللي العفشة تدبدب ؟!

السلام عليكم

ما هي أسباب الدبدبة في العفشة ؟

أنا عندي ريجاتا ، والدبدبه فظيعة .... :hammer:

الاسباب كتير... لازم واحد فاهم يكشف على العفشة و كمان فيه حاجات مبتبانش الا لما تفك العفشة برة العربية

MMamdouh

اغلب الظن هيبقى مساعدين.. نفس المشكله ديه طلعتلي في عربيتي كورولا 92 والعفشجي لقى المساعدين مهربين زيت.. غيرتهم والدنيا تمام التمام دلوقتي

ممكن تضغط على العربيه جامد ناحية الدبدبه وتسيبها مره واحده لو هتطلع وتنزل كذا مره يبقى مساعدين من غير كلام

ربط العفشه الاول لو ما حصلش نتيجه
يبقي فك العفشه كلها و اكشف عليها و اي جزء عاوز يتغير غيره

و ممكن بكل بساطة يبقى ضغط الهوا فى الكاوتش عالى جداً ( بس ده لو دبدبة مش حاجات بتخبط فى بعض )

الدبدبه بتحصل امتى؟ انا معايا ريجاتا و كان في دبدبه جامده و طلع ان الكساحه قربت اوي من الشكمان نتيجه اني مشيت كذا مره على بلاعات عاليه و كانت بتخبط من تحت
رحت للميكانيكي و بعد الشكمان عن الكساحه شويه عن طرق انه زق الشكمان لفوق و الكساحه تحت
و الدبدبه دي كانت بتزيد اوي لما اكون ماشي بطئ على الاول مثلا او التاني و اشيل رجلي من على البنزين مره واحده منغير ما ادوس دبرياج او فرامل

أشكر كل الإخوة اللي شرفوني بردودهم الطيبة

بس أنا قصدي بالدبدبة صوت "الرزع" اللي بيحصل كلما مرت السيارة على حفرة أو مطلب معكوس " يعني مرتفع للأسفل " :biggrin24:

الصوت ده واضح جدا في العجل الخلفي ، والريجاتا عفشتها من الخلف فيها سوست بعرض السيارة ، والنظام ده باين عليه موضه قديمة ، مش عارف كل الريجاتا بتدبدب كده والا عندي حالة خاصة ؟!

الحمد لله أنا ناوي على حاجه زيرو ...:sailor:

بس يارب متدبدبش زي الريجاتا ...