المشاركة الأصلية كتبت بواسطة ehab_mansour
اعتقادي الشخصي >>>>> مافيش احسن من اللي نازل فبريكة مع العربية يكش يكون صفيح حتي لأنهم بيعملو حساب الطرق و المطبات و حالتها في كل بلد لذلك اوقات حاجات تيجي فبريكة من بره مصر و متنفعش هنا
بالاضافة الي ان الجنوط الكبيرة زي 15 و 16 بينزل منها مقاسات فبريكة خارج مصر و لكن بيكون بعفشات تختلف عن اللي هنا و هتمشي بيها في طرق غير هنا يعني الابيزا كوبرا و البولو gt بتنزل بحاجات تختلف تماما غير هنا من عفشة و جنوط و محركات و كل شيء و هنا استخدام الجنط الاكبر و الأعرض في مقاس الكاوتش و الاقل في الارتفاع لضرورة لأن العربيات دي هتمشي سرعات تصل الي 250 كيلومتر في الساعه علي طرق غير عندنا و محتاجه ثبات عشان تصل للسرعات دي و تصميم مختلف يتناسب مع ده
يعني باختصار و رأيي الشخصي خليك بجنوط الفبريكة حتي لو حديد عشان بلدنا مينفعش فيها غير كده و عشان مترميش فلوس في الفاضي و مكسبتش غير الشكل و المنظر
انا احب اركب العربية مريحة اكثر من ان منظر الجنوط عجبني او لأ و بالتوفيق للجميع