الموضوع: ㋡ الاسئلة المتوقعة ♥ لما تروح تقعد مع بنت هتتجوزها اول مرة !

الباب الثاني : الزيارة الاولى .
الفصل الثاني : اهمية الجاتوه في اختيار الزوجة ... وكيف تختار عروستك من طورتيتها !!! وكيف تختاري عريسك من طورطيتوووا وجاتوهاتوا :) ؟

بسم الله الرحمن الرحيم



اعزائي ابنائي فلذات اكبادي تحية طيبه وبعد
مهم جداً معرفت عروستك ودراستها دراسة متئنية جداً جداً جداً. الجواز يا اصدقائي مش خلفة وخلاص ... ومش شكل وخلاص وبالذات الناس الي بتدور على الجمال فقط ويقلك اهوا الواحد يتصبح بالوجه الحسن .... الي عاوز يتصبح ياحبيبي بالوجه الحسن ممكن يجبلو بوستر هيفاء وهبي او نانسي عجرم ويعلقها قبال السرير على الحيطة ويتصبح بيها ويتمسي عليها كل يوم ولا جواز ولا ديولوا ، بس الجواز مش كده خالص ، مهم جداً الاسس الي تختار عليها طبعاً كتير هيقولوا ان تنكح المرءة لاربعه .... فاظفر بذات الدين تربت يداك. طيب مرات تبقى قدامك عروستين ودي عندها دييييين ودي عندها ديييين. فهتختار انهوو فيهم !!!! لذلك بحاول اوصل لكم بعض الاسس البسيطة الي ممكن تاخدوا عنها لمحة كده او فسوه من الحياة ونفحهة من تجارب الاخريين :) انك تقدر تتجوز عروسة ست بيت. ١٠/١٠ وتكون مش بس امورة جميلة لا وتلاقي زوقها رااااقي. لان خلي بالك العروسة ربنا شبها في القران. وقال وصاحبته وبنيه. ومقالش زوجته وابنائه ليييييه لان الصاحب. ساااااااحب. بيسحبك. للقاع او بيسحبك ويطلع بيك ويقب على وش الدنيا

اهميت الجاتوووه !!

انتا مش انتا وانتا رايح تخطب. ... انتا لازم بتكون جيمس بوندق ... بتبقى عنيك رايحه وجيه على كل حاجة وادق التفاصيل ممكن بتقدر تكتشف من خلالها الشخصية الي قدامك ... حتى طريقة تقديم واجب الضيافة يعني مثلاً جالك واجب الضيافة بالشكل ده



من المنظر. ده تستطيع ان تعرف ان مستوى الاسرة الي بتقدملها مستوى راقي وناس متفتحه وهااااي ولا لأ ... وانا هنا مش بتكلم عن فلوسهم انا بتكلم عن فكرهم وتربيتهم لان ممكن تلاقي ميكانيكي ولا سواق ميكروباص. ولا فكهاني ولا حتى جزار وبقه عندوا ڤيلا. ومعيش عيالوا احسن عيشة. بس مستواهم الفكري متدني الى ابعد مدى
وهنا مهما كانت الاغرائات حتى لو كانت العروسة عندها شقة وعربية. تويوتا اخر موديل ابعد وقول يا فكيك. لان مش هيبقى في تساوي في المستوى بين الطبقات الفكرية حتى لو كانوا اغنى منك ... انتا كده هتتجوز وحده ابوها طورشجي او بنت جزار المهم. الصورة الي فاتت بتوضح ناس راقيه زوقهم شيك ورائع ... بس هنا. بتطرح على نفسك سؤال. هل البنت ست بيت شاطرة ولا واخده على التيك واااااااي



لان العن حاجة بعد الجواز الزوج هيكرها. هيا حتت. المطاعم والتيك وااااااااي ... مرتبك ياحبيبي مش هيكفي والزوجه اذا خدت رجليها على الاكل الجاهز هتبقى قاعدة مستنياك طول اليوم في البيت مستنيه تجبلها الوجبه معاك وانتا جي من بره ومش ناقص غير تزغطها وهيا قاعده .... فانتبه جداً من العملية دي. وكل ده على فكرة تقديم للموضوع الي عاوز اكلمك فيه

احياناً. بيجيلك واجب الضيافة بالشكل ده كما هو موضح ادناه ههههه :



هنا بقه يا جماااااااااااااااالوا. حتت بسبوسة او بسيسة او كيكه متعرفش دي ايه. بس كل الي تعرفوا. انوا شغل بيتي. ... وهو ده عز الطلب. يا معلم دوق واختبر حواسك. .... سمعت عن حاجة دايماً بيقولولك الاكل ايييييييه الاكل نافسسس .... اهو جالك النفس لغايت عندك دوووق وقولي ايه رئيك شوف نسبة السكر مزبوطة ولا لأ. شوف الطعم رائع ومعمول بحب. ( تبقى ست بيت. محترمة ) حتى لو كانت الام هيا الي عملاها حمات المستقبل اهي هتعلم بنتها. المطبخ واسرار المطبخ بعدين .... المهم عاوزك تدوق وتستطعم بس اذا لقيت طعمها ماسخ وزي الزفت. يبقى فاكيس اعرف ان الاسرة دي حبت توفر. وموفرين في كل حاجة حتى السكر والسمنة وبدل ما تبعت البت او ابوها يهز طولوا يجيب. طبق حلويات من محل محترم. الام قالت ولزمتها ايه المصاريف انا هخوش المطبخ واضرب بيضتين في الخلاط على شوية سكر واعملهم كيكة وخلاص على كوباية الشاي وشكراً :)

@@@@@@@@

لذلك عزيزي العريس خلي بالك يا عزيزي ...

اولاً : مهم جداً. تجيب حاجة معاك في اول زيارة تجيب صنية بسبوسة حلويات مشكلة. طبق جاتوهات او تورت. او حتى شوكلاتات مش مهم المهم تجيب حاجة وتكون غالية ومحترمة .

لان خلي بالك ... ده مقامك عندهم هيبقى عامل ازاي ... ومتكترش كبيرك صنفين يعني طبقين اكتر من طبقين تبقى انتا محدث نعمة وعريس جي من الخليج سوقع وعندك بدل المليون عشرة يبقى هيطمعوا :)

ثانياً : اوعه ياحبيبي. ... اوعه ثم اوعه بعد ما تشتري الحاجة ورايح عند الناس اول ما تخوش بيت العروسة. تقوم مناول الحاجة الي انتا جايبها لاول واحد تشوفوا لأ. خليها في ايدك لغايت مالكل يعرف انك جبت واجب الزيارة ومش داخل بطولك طرزاان وجي تتجوز شيتا هههههه ، خلي الحاجة في ايدك بكل ثقة وبدون ارتباك

وكمان في حركة حومرية. بشوفها كتير من الشباب يبقى شاري قد كده. ومكلف نفسوا واول ما يخوش يشوف السوفرة قداموا فيحط عليها واجب الضيافة. وبعدين يدخل يوقعد في الانتريه او الصالون كده غلط !!!
قلتلك خلي الحاجة معاك ويجب وضع الي انتا اشتريتوا قدام منك. في الطربيزة بتاعت الصالون ... مش الناس يقولوا ده ايه العريس الكوحيتي الي جيلنا وايدوا فاضية ده وبعد ما تمشي معاليك يكتشفوا انهم كانوا ظالمينك وانك جايب حجات بس رميها بره على السوفره او على باب الشقة ههههههه فاهمني !!!!

ثالثاً : مهم جداً تختار حاجة محترمة ومهم جداً كمان اهل العروسة يجيبوا تورت محترمة ... هتقولي زي عادل امام في مسرحية الواد سيد الشغال. ناس. عندهم لحمة رايحين. ياكلوا لحمة عند ناس عندهم لحمة هقولك ايوووه واااه ،.

انتا هتجيب تورت. وجاتوهات او حلويات علشان برضوا هتروح وتلاقيهم بيقدمولك تورت وحلويات وجاتوهات وشيكولاتات تانية ... هو مش عيب يضيفوك من الي انتا جيبتوا بس الحكاية دي بطلت من زمااااان وبتتعمل فقط مع القرايب مش مع ناس جيناك اول مرة.

طيب مهم جداً زي ماقلت طريقت التقديم لواجب الضيافة الي ممكن انتا يا عريس تاخود فكرة. يا اما كويسة او وحشة عن بيت العروسة .... من خلال شوية الحجات العبيطة والتافهة الي انا بقولك عليها دي ... يعني العروسة متمكنة من شيل الصنية ووضع الفناجين. وجايبه الشاي في كوبيات امو حسن ولا جايباها في فانجين فاخمة وفاخرة وبتحطها بكل ثقة ولا البت لاسعة ومرتبكة ومتسهوكة وقامت بكل هبل دلقه عليك كوبيات الشاي او القهوة :)

كمية الكوبيات الشاي الي جيباها قدرت البت بذكاء امهاااا تعرف كام واحد في الصالون وسئلت واتقست ولا جيبه كوبيات زيااادة ولا جايبه اقل من العدد. انا زمان رحت لعروسة وكانت الحقيقة البت قمر. بس كنت انا والحج والحجة يعني تلاته بصيت لقيت العروسة جايبة. تالت كوبيات شاي فقطططططططط

فانا قلتلها مبشربش شاي فقامت امها وخده الكوباية وبعد ماشربت منها بوقين بتقول للعروسة تاخدي بوق هههههه يعني يا وليه يئرشانة قاعده قدامي بتخمسي انتي وبنتك في كوبايت شااااااااي وعاوزاني اتجوز بنتك ههههه

@@@@@@@@@@@@@@

وتحياتي