الموضوع: مشكله في فتيس اوكتافيا اوتوماتيك

المشاركة الأصلية كتبت بواسطة mo3tazanas

هو حط العربية فعلا على الكمبيوتر بس مش عارف العيب منين قالى يا كرتة فتيس يابدى فالف ولسة هايعد يجرب انا بصراحة زهت منة ومشيت حتى المصفحة بتاعت الفتيس ما ركبهاش وخدتها كدة بمسمرها ...اما بخصوص انها بتجيب 1و2و3 بتجيب انا اساسا ماشى بيها كدة دلواتى عمال انقل مانوال علشان ما يحصلش حاجة فى الفتيس من المشى على التالت على طول ...هى لما بتكون العربية باردة بتنقل زى الفل اول ما تسخن تقوم قالبة على التالت وما بتنقلش
السؤال هل الحساس الـ g 38دة لما بتحط العربية على الكمبيوتر بيبان انة بايظ والـ لا ؟؟؟؟

اسف اني اتاخرت في الرد بس كان فيه موضوع مثير عن تسارع الفنتازيا كنت متابعه ..ههههه...انا عندي الفيشة بتاعت الحساس كانت مكسورة وكان مع المطبات تتهز الحساس يفصل فالفتيس ما ينقلش ..لما اتحطت على الكمبيوتر (مش مخصوص للفولكس ) قالي ان فيه حساس بايظ انهي واحد الكمبيوتر مطلعش لانه مش بتاع فولكس ....رحت لحد بتاع فولكس وعنده الكمبوتر بتاعها ..حطها على الكمبيوتر لقاه مسجل الاتي g38 :intermittent signal

لو حضرتك من القاهرة ممكن اوصف مكانه لحضرتك ..هو كهربائي اساسا وكان شغال في التوكيل ففاهم هو بيعمل ايه ...ولو البادي فالف بايظ الكمبيوتر حيسجل error بامارة انه دخل في limp mode

المشاركة الأصلية كتبت بواسطة mo3tazanas

طب هو كدة هيختلف لان دى اسكودا مش فولكس واللا اية؟ ...وقولى بردة على مكانة

لا مفيش اختلاف لان الa4 والبورا واحد في كل حاجة ماعدا الشكل الخارجي والتبلوه

هو عنوانه 93 شارع العلمين ...عند مدينة الطلبة اللي في احمد عرابي المهندسين هو اسمه مصطفى وده رقمه 01285944333 ...اتصل بيه قبل ما تروح علشان احيانا بينزل الحرفيين ومبيكونش موجود...قوله من طرف محمود اللي معاه البورا الفضي